სკოლა ანაბასისიმზადება გლობალური კონფერენციისთვის.
პროექტის სახელწოდება:
„მდგრადი განვითარების მიზნები და საქართველო- რისი გაკეთება შეგვიძლია ჩვენ!“.
საზოგადოებაში მდგრადი განვითარების მიზნების შესახებ ინფორმირებულობის გაზრდა და თითოეული მოქალაქის მიერ საკუთარი როლის და მნიშვნელობის გაცნობიერების ხელშეწყობა.
სკოლა ანაბასისის მე-7ბ კლასის გასვლითი პროექტ-გაკვეთილი თემაზე “ეგზოტიკური ფრინველები” ზესტაფონში ბატონი ანდრო ქათამაძის ოჯახში ჩატარდა. ფრინველებისადმი მისი სიყვარული და გატაცება ადრეული ბავშვობიდან იღებს სათავეს. უკვე 30 წელზე მეტია, ბატონი ანდრო თავის მეუღლესთან ერთად ანაშენიანებს და უვლის სხვადასხვა ჯიშის ულამაზეს და იშვიათ ფრინველებს. მისი ჰობი და მრავალწლიანი გამოცდილება მათ სახლს ქმნის ნამდვილ პატარა ზოოპარკად, სადაც მრავალი ეგზოტიკური ფრინველის ჯიშია თავმოყრილი.
უნიკალური შესაძლებლობა გვქონდა გვენახა ფრინველთა მრავალი სახეობა: თეთრი და კობალტის ფარშევანგები, სირაქლემები, კოლხური, რუმინული და დეკორატიული თეთრი ხოხბები, კაკბები, კაროლინკას ჯიშის კვატები. მრავალი სხვადასხვა ჯიშის თუთიყუშები, ჩიტები – განუყრელი, იადონი და კარელები. კანადური ჯიშის ინდაურები. ქათმების მრავალ სახეობა, ციცრები და ულამაზესი მტრედები. ეგზოტიკური ფრინველები ოჯახმა შემდეგი ქალაქებიდან – გორი, მარტვილი, ბათუმი, ხონი, ქობულეთი, სენაკი, თბილისი და ქუთაისი მოაშენა.
აღნიშნულ ეგზოტიკურ ფრინველებზე მოსწავლეებმა ინგლისურ და ქართულ ენებზე მოიძიეს და წარადგინეს საინტერესო ინფორმაციები, რაც მეტად შთამბეჭდავი იყო ფრინველთა გარემოცვაში. მათ გაიუმჯობესეს ცოდნის ენობრივი უნარები, შეიძინეს ცოდნა ეგზოტიკური ცხოველების შესახებ, რაც ხელს უწყობს ბუნებისადმი პატივისცემის გრძნობას, ფრინველთა მოვლის სპეციფიკის შესწავლას და ცოდნის გაღრმავებას.
ფრინველები განსაკუთრებული ყურადღებით, მოწესრიგებულად და სიყვარულით იყვნენ მოვლილი, რაც განსაკუთრებულად იგრძნობოდა მთელი ვიზიტის განმავლობაში. ეს სითბო და გულისხმიერება ქმნიდა განსაკუთრებულ გარემოს და ფრინველებთან ურთიერთობა კიდევ უფრო დამამახსოვრებელი გახდა. ვიზიტი მოსწავლეებისთვის და პედაგოგებისთვის დაუვიწყარ გამოცდილებად იქცა.
საოცარ სამყაროში ვიმოგზაურეთ ანაბასისელებმა.დიასახლისის ქ. Cico Ordjonikidzeს და ბატონი Katamadze Androს პოზიტიურმა დახვედრამ, მიღებამ და იმერული სტუმარ-მასპინძლობის ტრადიციებმა მართლაც შეუდარებელი შთაბეჭდილება დატოვა თითოეულ ჩვენთაგანზე. ამ დღემ დაგვანახა, რამდენად მნიშვნელოვანი და გამორჩეულია სითბო, პატივისცემა და სიყვარული, რომელსაც ადამიანები გვიზიარებენ თავიანთ სახლებში სულიერი სიმდიდრით. ასეთი დღეები გვახსენებენ ურთიერთობის სიხარულს და ადამიანურ ფასეულობებს, რომლებიც ასე ძვირფასია ჩვენთვის.
„გახდი მედიაწიგნიერი და სწორად გაიკვლიე გზა ინფორმაციის სამყაროში!“ ასეთი დევიზით დაიწყო სკოლა ანაბასისმა ComCom-ის მედიაწიგნიერების ოლიმპიადისთვის მზადება.
„როგორ გავუმკლავდეთ დეზინფორმაციას?“- აღნიშნული საკითხის შესახებ იმსჯელეს დღეს ანაბასისელებმა და თავიანთი მოსაზრებები გაუზიარეს ერთმანეთს.
მათ გადაწყვიტეს შექმნან მედიაპროდუქტი, სასკოლო საზოგადოებაში მედიაწიგნიერების შესახებ ცნობიერების ამაღლებისა და დეზინფორმაციასთან გამკლავების გზების ძიების წახალისების მიზნით.
სკოლა ანაბასისის მოსწავლეებმა აკაკი წერეთლის უნივერსიტეტის მიერ ორგანიზებულ სამეცნიერო ფესტივალში მიიღეს მონაწილეობა და ვიზიტორებს საინტერესოდ წარუდგინეს მათ მ იერ განხორციელებული STEM პროექტები . მნახველთა უკუკავშირები იყო პოზიტიური . მოსწავლეები ასევე გაეცვნენ სხვადასხვა კლუბების, უნივერსიტეტების მრავალფეროვან აქტივობებს . მიიღეს გამოცდილება და ინსპირაცია მომავალი საქმიანობის დასაგეგმად! დიდი მადლობა ფესტივალის ორგანიზატორებს !
28 სექტემბერს სამეცნიერო პიკნიკს 2024 მკვლევართა კლუბი ,,ანაბასისი” ვიზიტორების წინაშე განსხვავებული ფორმატით წარსდგა. STEM მიმართულების პროექტებმა ,, ჭკვიანი ურნა” , ,,კარების გაღება გასაღების გარეშე”, ,,აირის გაჟონვის აღმოჩენა”, ,,ელექტრონული თამაშები”მნახველების მოწონება და დაინტერესება გამოიწვია. პროექტების ავტორი მეთერთმეტე კლასელი ბექა ფერაძე კლუბის წევრებთან ერთად გულმოდგინედ აცნობდა ქართველ თუ უცხოელ მნახველებს, პროექტების არსს და პრაქტიკულად უჩვენებდა მათ მოქმედებების თანმიმდევრობას.
დიდი მადლობა პიკნიკის ორგანიზატორებს, ილიაუნს, ახალგაზრდა მკვლევართა კლუბების ქსელს, Salis საინტერესო პროექტებისათვის !
ანაბასისი საერთაშორისო კონკურსში!
დასრულდა საერთაშორისო პროექტი , რომელიც კოპერნიკის სამეცნიერო ცენტრისა და ილიაუნის უნივერსიტეტის თანამშრომლობით განხორციელდა. პროექტში ჩართული იყო კონკურსით შერჩეული ნორჩ მკვლევართა კლუბები. მათ შორის იყო მკვლევართა კლუბი ,,ანაბასისი” . პოლონელ ექსპერტებთან ერთად შედგა ნაყოფიერი შეხვედრები. ერთად გავიარეთ სამეცნიერი კვლევის ყველა ეტაპი. პროექტში ჩართული იყო მე-8 კლასის მოსწავლეები. პროექტის თემა იყო ,,კოროზია,,. კლუბის წევრებმა იმუშავეს ორ საკვლევ კითხვაზე: ,, როგორ მოქმედებს გარემოს PH რკინის კოროზიაზე? ექსპერიმენტებით დაადგინეს კოროზია მიმდინარეობს დაბალ PH ზე – მჟავა გარემოში; მაგრამ დაბალ PH ზე მეტად კოროზიას აჩქარებს: ქლორიდ იონები, რკინაზე პასიური ლითონის თანამყოფობა; წყალი და ჟანგბადი ერთად.
კოროზიას ანელებს მაღალი PH ტუტე გარემო ; (ნატრიუმის ტუტე, სოდა), ასევე აქტიური ლითონის (ალუმინი) თანამყოფობა; კოროზია მნიშვნელოვნად მცირდება თავდახურულ გამოხდილ წყლიან ჭურჭელში. პირველი კვლევის შემდეგ მოსწავლეებმა ახალ საკვლევ კითხვაზე დაიწყეს მუშაობა ,,ცვლის თუ არა რკინის კოროზიის სიჩქარეს საკვები ზეთი?”. მკვლევარებმა დაადგინეს , რომ კოროზიის სიჩქარეს ამცირებს საკვები ზეთი . ჟანგვა კოროზიისათვის ხელსაყრელ გარემოში ორ დღეში უკვე შესამჩნევია. ჩვეულებრივ ზეთთან შედარებით გამომწვარი ზეთი კიდევ უფრო მეტად ამცირებს კოროზიის სიჩქარეს. მარილიან წყალში ჩვეულებრივი ზეთით დასველებულმა რკინის ლურსმანმა ორ დღეში დაიწყო ჟანგა ,გამომწვარ ზეთში კი 16 დღის განმავლობაშიც არ მომხდარა დაჟანგვა. დასკვნით შეხვედრაზე პროექტი , მასზე მუშაობის პროცესები შეჯამდა. საინტერესო პოსტერები წარმოადგინეს კლუბებმა. მოსწავლეებმა შეიძინეს კვლევის უნარჩვევები, ითანამშრომლეს ერთმანეთთან. მათმა აქტიურმა თანამშომლობამ კვლევის წარმატებით განხორციელებას შეუწყო ხელი. მადლობა მე-8 კლასელებს მოტივაციისათვის! კვლევებში ჩართულები იყვნენ: დავით აბაშიძე, სანდრო ლეჟავა, ბარბარე კობერიძე, ბარბარე კაპანაძე, მათე კობახიძე, მაშო გუგუშვილი, თეკლა ლუტიძე.
2024 წლის 2 ივნისს ქუთაისის წერეთლის უნივერსიტეტში ნორჩ ქიმიკოსთა კლუბის ქსელის, საქართველოს პროფესიონალ ქიმიკოსთა ასოციაციის, საქართველოს აგრარული უნივერსიტეტის და აკაკი წერეთლის სახელმწიფო უნივერსიტეტის მხარდაჭერით, მოსწავლეთა და მასწავლებელთა ყოველწლიური რესპუბლიკური კონფერენციის “ოქროს რიცხვი – 2024” ჩატარდა.
კონფერენციის მიზანია ქიმიის, როგორც ერთ-ერთი საბუნებისმეტყველო დისციპლინის პოპულარიზაცია, მოსწავლეთა და მასწავლებელთა მომზადება საერთაშორისო კონფერენციებში მონაწილეობის მისაღებად, ამ დისციპლინით დაინტერესებული მოსწავლე- ახალგაზრდობის გამოვლენა, მოსწავლეთა ადრეული ასაკიდანვე ჩართულობა სამეცნიერო- კვლევით პროექტებში, ზოგადსაგანმანათლებლო სკოლებისა და უმაღლესი საგანანმანათლებლო დაწესებულებების თუ ცალკეული სამეცნიერო ცენტრების ინტეგრაციის ხელშეწყობა.
მკვლევართა კლუბი ანაბასისი კონფერენციაზე წარსდგა პროექტით : ,, როგორ დავამზადოთ საკვების შესაფუთი მასალა“ . პროექტზე იმუშავეს მე-10 კლასის მოსწავლეებმა ნიკოლოზ ცხადაძემ, ქეთი დოღაძემ, მერვე კლასის მოსწავლეებმა ბარბარე კაპანაძემ და ბარბარე კობერიძემ. პროექტის ხელმძღვანელი ქეთევან ედიბერიძე.
პროექტის ავტორები თანატოლებს, პედაგოგებს, კონფერენციის ორგანიზატორებს ესაუბრნენ , განხორციელებული პროექტს შესახებ. ანაბასისის მკვლევართა პროექტი სახამებლიდან ბიოშესაფუთი მასალის დამზადების საშუალებას იძლევა, რომელიც შეიძლება გამოვიყენოთ საკვების შესაფუთად; იგი ეკოლოგიურად უსაფრთხოა, მისი დამზადება შესაძლებელია საოჯახო პირობებშიც, განახლებადი , ხელმისაწვდომი რესურსებიდან , მასში შეფუთულ საკვებ პროდუქტს უნარჩუნდება პირვანდელი სახე; ადვილად იშლება წყლით და ნიადაგში არსებული მიკროორგანიზმებით; მიღებული პროდუქტის ღირებულებაა:დამზადების სიმარტივე და გამოყენების აუცილებლობა. ჩვენი პლანეტის ეკოლოგიისათვის მნიშვნელოვანია პლასტიკური შესაფუთი მასალების შეცვლა ბიოდაშლადი თვისებების მქონე ალტერნატიული საშუალებებით. პროექტის ავტორებმა მიიღეს დადებითი უკუკავშირები ,კომპეტენტური პიროვნებებიდან , რაც საშუალებას იძლევა მათი კვლევა გაფარდოვდეს და პროექტმა პრაქტიკაში დანერგვის ახალი პერსპექტივები შეიძინოს. წარმატებები მკვლევარებს!
კონფერენციამ საშუალება მისცა მონაწილეებს ნაყოფიერი და საინტერესო დღე გაეტარებინათ თანატოლებთან და კოლეგებთან ერთად, გაეზიარებინათ საკუთარი გამოცდილება და გაეცნოთ სხვა ჯგუფების მიერ წარმოდგენილი კვლევით პროექტები.მადლობა კონფერენციის ორგანიზატორებს!
სკოლა ანაბასისი მე-2ბ კლასის მოსწავლეები იმყოფებოდნენ დადიანების ისტორიულ-არქიტექტურულ მუზეუმში.მათ ინტერესით დაათვალიერეს ქეთევან დედოფლის სასახლე და ბევრი საინტერესო ინფორმაციაც მიიღეს.კიდევ უფრო საინტეტესოდ გაგრძელდა მათი სტუმრობა ნიკოსეულ სასახლეში,სადაც მასპინძლებმა მოსწავლეები ჩართეს ისეთ პროექტში,როგორიცაა კანფეტების ისტორია.პროექტი ითვალისწინებდა ,ბავშვებს უფრო მეტი რამ სცოდნოდათ იმისშესახებ,თუ როგორ მზადდებოდა და მზადდება დღეს ტკბილეული,სად ,როდის და ვინ დაამზადა პირველად ის ნუგბარი,რომელიც მათ ასე ძალიან უყვართ.პროექტის დასასრულს ჩვენმა მოსწავლეებმა საკუთარი ხელით შეფუთეს კანფეტები და ხელდამშვენებული დაბრუნდნენ მშობლიურ ქალაქში. ამ პროექტს ნამდვილად ტკბილი დასასრული ჰქონდა
გუნდი ანაბასისი ათასწლეულის ინოვაციის კონკურის ნახევარფინალშია! საპროექტო განაცხადი ,,ჭკვიანი სათბური” წარადგინეს მე-10 კლასის მოსწავლეებმა ნიკოლოზ ცხადაძემ და ბექა ფერაძემ, გუნდს მენტორობას უწევს სკოლის წარმატებული კურსდამთავრებული ქუთაისის ტექნოლოგიური უნივერსიტეტის სტუდენტი გიორგი ურიათმყოფელი , გუნდის ინტრუქტორია ქიმიის პედაგოგი ქეთევან ედიბერიძე. წარმატებები გუნდს !
ExpoGeorgia – 2024. ევროპის დღე. პრეზენტაცია “Science on Stage”. მკვლევართა კლუბი ანაბასისი ევროპის დღეზე სამი პროექტით წარსდგა ვიზიტორების წინაშე. ნიკოლოზ ცხადაძემ პროექტი ,,პიგმენტები ფერმწერებისათვის ” წარადგინა, ქეთათო ნებიერიძემ ,,რძიდან მძივები და ღილები”, ბარბარე კობერიძემ ,,არა პოლიეთილენს!” მადლობა ილიაუნს ილიას სახელმწიფო უნივერსიტეტს Ilia State University ამ შესაძლებლობისთვის!
მადლობა ქალბატონ მარიკა კაპანაძეს და ხატია ნებულიშვილს მხარდაჭერისა და ზრუნვისთვის!
