სპს თავაძე და კომპანია სკოლა ანაბასისის მე-3 ა კლასში( პედაგოგი— ლანა ჩუბინიძე) დაიწყეს კომპლექსური დავალების განხორციელება ბუნებისმეტყველებაში. სამიზნე ცნება-ორგანიზმი. ქვეცნებები: ცოცხალი სხეული, სხეულის ნაწილები ორგანო, განვითარება , ზრდა, ცოცხალ ორგანიზმთა ჯგუფები. მოსწავლეები გაეცვნენ კომპლექსური დავალების პირობას. განსახორციელებელი ეტაპების თანმიმდევრობას. წინარე ცოდნაზე დაყრდნობით მოსწავლეებმა გაიხსენეს მცენარის თითოეული ნაწილის ფუნქცია და დანიშნულება, შექმნეს ნახატები, შეავსეს პოსტერი, რესურსებად გამოყენებული იქნა ყვავილოვანი მცენარეები, ინფორმაციის განსამტკიცებლად-ვიდეორგოლი. გაკვეთილის ბოლოს შეჯამდა და შეფასდა მათი ნამუშევრები , მოსწავლეები მოემზადნენ შემდეგ ეტაპზე გადასასვლელად, რომელიც ითვალისწინებს საკლასო ოთახის გადააქცევას მინი ლაბორატორიად, სადაც ექსპერიმენტებს ჩაატარებენ პატარა მკვლევარები. წარმატებებს ვუსურვებთ მათ!
სკოლა ანაბასისის მე-3 კლასის მოსწავლეებმა(კლასის ხელმძღვანელები: შორენა მუმლაძე და ლანა ჩუბინიძე) ბიბლიოთეკაში დიდი ინტერესით დაათვალიერეს წიგნადი ფონდი, ყურადღებით გაეცნენ ჩვენი მშობლიური ზესტაფონისა და ლიეტუვის ქალაქ ტაურაგეს მეგობრობის ამსახველ გამოფენას, მოიწონეს სკოლის მოსწავლეების მიერ დამზადებული ხელნაკეთი ნივთები , ისაუბრეს თავიანთ საყვარელ წიგნებზე და დაინტერესდნენ ახალი ლიტერატურით.
III ბ კლასი ბუნებისმეტყველებაში კომპლექსური დავალების “ყვავილოვანი მცენარეები” მეორე ეტაპზე გადავიდა. საკლასო ოთახი მინი ლაბორატორიად გადაკეთდა,სადაც მრავალფეროვანი ექსპერიმენტები წამოიწყეს პატარა მკვლევარებმა პედაგოგ შორენა მუმლაძესთან ერთად.
მოსწავლეებმა თეორიული ცოდნა პრაქტიკულადაც განიმტკიცეს. მცენარეთა ნიმუშებზე გაარჩიეს ფესვთა სისტემის სახეები და მცენარის სხვა ნაწილები. ექსპერიმენტებიც დაგეგმეს და იქვე დაიწყეს მათი განხორციელება.
შეიწოვს თუ არა წყალას ფესვი?
ატარებს თუ არა წყალს მცენარის ღერო?
ორთქლდება თუ არა ფოთლებიდან წყალი?
ამ კითხვებზე არგუმენტირებულ პასუხს მკვლევარები რამდენიმე საათში მიიღებენ და გადავლენ კომპლექსური დავალების მესამე ეტაპზე, დაუკვირდებიან ექსპერიმენტის შედეგებს,გააკეთებენ ჩანიშვნებს. მეოთხე ეტაპზე კი შეაჯამებენ გაწეულ მუშაობს და თანატოლებს გაუზიარებენ. მიღებულ ცოდნას გამოიყენებენ ყოფაცხოვრებაში.
სკოლა ანაბასისში ახალგაზრდა ჩემპიონთან, მეთერთმეტე კლასის მოსწავლე გაგა ჯუღელთან და მის მწვრთნელთან კობა სვიანაძესთან გაიმართა შეხვედრა.
გაგამ 2021 წლის 30 ნოემბერს „იუნესკოს“ მიერ ქართული ჭიდაობის მსოფლიო აღიარების დღისადმი მიძღვნილ მე-2 რესპუბლიკურ ტურნირში გაიმარჯვა ქართულ ჭიდაობაში და 17-19 დეკემბერს კვიპროსში გამართულ ევროპის ჩემპიონატზე იასპარეზებს.
სკოლაში ახალგაზრდა სპორტსმენთან და მის პედაგოგთან შეხვედრა კითხვა პასუხის რეჟიმში წარიმართა, სადაც საუბარი იყო როგორც წარმატებების მიღწევის გზებსა და გამოწვევების გამკლავების შესახებ, ასევე ზოგადად ჯანსაღი ცხოვრების წესის დაცვის მნიშვნელობასა და აუცილებლობაზე;
შეხვედრა გაიმართა სასკოლო პროექტის „ჯანსაღ სხეულში, ჯანსაღი სულია“ ფარგლებში და მის ორგანიზებაში სკოლის თვითმმართველობის წევრებთან ერთად მონაწილეობა მიიღეს ეკოკლუბისა და სამოქალაქო განათლების კლუბის წევრებმა.
ვულოცავთ გაგას და მის პედაგოგ კობა სვიანაძეს მორიგ გამარჯვებას და ვუსურვებთ შემდგომ წარმატებებს!
ანაბასისის I ა და I ბ კლასის მოსწავლეები ( კლასის ხელმძღვანელები: თამარ ვეფხვაძე და ეკა ჯიმშიაშვილი ) სკოლის ბიბლიოთეკას ესტუმრნენ.
ბიბლიოთეკის გამგემ თამარ გვალიამ უმასპინძლა პირველკლასელებს და საინტერესო ინფორმაცია მიაწოდა ბიბლიოთეკაში არსებული წიგნადი ფონდის შესახებ. პატარები დიდი ინტერესით ათვალიერებდნენ სკოლის ბიბლიოთეკას და უსმენდნენ ქალბატონ თამარს.
1948 წლის 10 დეკემბერს, გაერთიანებული ერების ორგანიზაციის წევრმა ქვეყნებმა შექმნეს
მნიშვნელოვანესი დოკუმენტი „ადამიანის უფლებათა საყოველთაო დეკლარაციის“ სახით. გაერომ 10 დეკემბერი ადამიანის უფლებების დაცვის დღედ 1950 წელს გამოაცხადა.
ანაბასისში ნიკო კეცხოველის სასკოლო პრემიის კონკურსის ფარგლებში ადამიანის უფლებების დაცვის დღესთან დაკავშირებით ჩატარდა კვირეული, რომელიც მოიცავს მდგრადი განვითარების მიზნებს;
სკოლაში მოეწყო საინფორმაციო შეხვედრა „ადამიანის უფლებათა დეკლარაციის“ სასკოლო საზოგადოების წევრებისთვის გაცნობის მიზნით.
საინფორმაციო პრეზენტაციის მიზანი იყო ადამიანის უფლებების და მოვალეობების არსის და მნიშვნელობის გააზრება; თეორიული ცოდნის პრაქტიკაში გამოყენება, ადამიანის უფლებების სწორად იდენტიფიცირება და ამ უფლებების დაცვის აუცილებლობაზე არგუმენტების სწორად ჩამოყალიბება ; ადამიანის უფლებათა დარღვევის მიმართ უარყოფითი დამოკიდებულებების ჩამოყალიბება; პრევენციული ღონისძიებების დაგეგმვა და განხორციელება;
პრეზენტაციაზე მოსწავლეებთან და მასწავლებლებთან ერთად მოწვეული იყვნენ მშობლები.
პრეზენტაციის ბოლოს გაიმართა დისკუსია თემაზე „რისთვის გვჭირდება უფლებები?“, სადაც იმსჯელეს ადამიანის უფლებების მნიშვნელობასა და მათი დაცვის აუცილებლობის შესახებ.
ეკოკლუბის წევრებმა სამოქალაქო განათლების კლუბის წევრებთან ერთად დაგეგმეს კედლის გაზეთის გამოშვება და ბუკლეტების დამზადება თემაზე ” ჩვენი უფლებები საყოველთაო და მარადიულია“, რომელიც დარიგდება ქალაქში საზოგადოების ინფორმირებულობის გაზრდის მიზნით, ბუკლეტებზე მუშაობისას მოსწავლეები იხელმძღვანელებენ “ადამიანის უფლებათა დეკლარაციით”.
2021 წლის 30 ნოემბერს გაიმართა „იუნესკოს“ მიერ ქართული ჭიდაობის მსოფლიო აღიარების დღისადმი მიძღვნილი მე-2 რესპუბლიკური ტურნირი ქართულ ჭიდაობაში!
„იუნესკოს“ მიერ ქართული ჭიდაობისათვის მსოფლიო არამატერიალური კულტურული მემკვიდრეობის ძეგლის სტატუსის მინიჭების ისტორიული გადაწყვეტილების მე-3 წლისთავის აღსანიშნავად, აჭარის ქართული ჭიდაობის ფედერაციამ, წელს მეორედ ჩაატარა „იუნესკოს“ მიერ ქართული ჭიდაობის მსოფლიო აღიარების დღისადმი მიძღვნილი რესპუბლიკური ტურნირი ქართულ ჭიდაობაში, რომელშიც საქართველოს 16 მუნიციპალიტეტის 2003-2005 წლებში დაბადებულმა 120 მოჭიდავემ მიიღო მონაწილეობა.
ტურნირი, რომელიც 27 ნოემბერს დაიწყო და „იუნესკოს“ მსოფლიო აღიარების დღეს – 29 ნოემბერს დასრულდა, გახსნა და ამ ისტორიული დღის მნიშვნელობაზე ისაუბრა აჭარის ქართული ჭიდაობის ფედერაციის პრეზიდენტმა
ჯემალ წულუკიძემ.
„ეს გადაწყვეტილება, ქართული ჭიდაობისთვის მსოფლიო მნიშვნელობის სტატუსის მინიჭების შესახებ, ძალზედ ღირებულია, რომელიც კიდევ უფრო ხელს შეუწყობს ქართული ჭიდაობის ფენომენის პოპულარიზაციას და განვითარებას“, – აღნიშნა ფედერაციის პრეზიდენტმა, რომელმაც „იუნესკოს“ მიერ ქართული ჭიდაობის მსოფლიო აღიარების, აჭარაში ქართული ჭიდაობის განვითარების და ხელშეწყობის საქმეში შეტანილი პირადი მნიშვნელოვანი წვილისათვის, ფედერაციის მადლობის სიგელი უსახსოვრა საქართველოს ქართული ჭიდაობის ეროვნული ფედერაციის პრეზიდენტს, გელა ბერუაშვილს, რომელმაც აჭარის ქართული ჭიდაობის ფედერაციას მადლობა გადაუხადა ლამაზი ღონისძიების ორგანიზებისათვის და ხაზი გაუსვა „იუნესკოს“ მიერ მიღებული გადაწყვეტილების განუზომელ მნიშვნელობას და აღნიშნა, რომ „შემდგომ წლებში ქართული ჭიდაობა კიდევ უფრო პოპულარული გახდება, რადგან ის მოჭიდავეები, რომლებიც ქართულ ჭიდაობას ჭიდაობენ, წარმატებას აღწევენ მსოფლიოს ასპარეზზე, ევროპის და მსოფლიოს ჩემპიონატებზე, ოლიმპიურ თამაშებზე. ჩვენი მხრივ გპირდებით, რომ საქართველოს ქართული ჭიდაობის ეროვნული ფედერაცია, მისი ხელმძღვანელობა, პირადად, მე, როგორც ფედერაციის პრეზიდენტი, მაქსიმალურად დაიხარჯება სპორტის ამ ეროვნული სახეობის კიდევ უფრო განვითარებისა და პოპულარიზაციისათვის
ჯემალ წულუკიძემ, „იუნესკოს“ მიერ ქართული ჭიდაობის მსოფლიო აღიარების დღისადმი მიძღვნილ რესპუბლიკურ ტურნირში აქტიური მონაწილეობისათვის, ფედერაციის მადლობის სიგელები გადასცა მოწვეული ქართული ჭიდაობის ნაკრები გუნდების წარმომადგენლებს.
ტურნირის ფინალურ შეხვედრებს ესწრებოდნენ აჭარის განათლების, კულტურისა და სპორტის მინისტრის მოადგილე ბადრი ნაკაშიძე და აჭარის სპორტის დეპარტამენტის უფროსის მოადგილე მინდია ქათამაძე.
6 წონით კატეგორიაში გამართულ მეტად საინტერესო და სანახაობრივ ორთაბრძოლებში, საპრიზო ადგილები დამსახურებულად მოიპოვეს სპორტსმენებმა;
ჩვენთვის სასიხარულოა ის ფაქტი,რომ გამარჯვებულთა შორისაა ანაბასისის მეთერთმეტე კლასის მოსწავლე .
ტურნირში საპრიზო ადგილებზე გასული სპორტსმენები, აჭარის ქართული ჭიდაობის ფედერაციამ თასებით, მედლებით, სიგელებით და ფასიანი საჩუქრებით დააჯილდოვა, ხოლო საქართველოს ქართული ჭიდაობის ეროვნული ფედერაციის მიერ, გამარჯვებულ სპორტსმენებს ფასიანი საჩუქრები (ვაუჩერები) გადაეცათ.
ვულოცავთ გაგას და მის პედაგოგ კობა სვიანაძეს მორიგ გამარჯვებას და ვუსურვებთ შემდგომ წარმატებებს!
2021 წლის 30 ნოემბერს ზესტაფონის მუნიციპალიტეტის საჯარო და კერძო სკოლების VIII- XI კლასის მოსწავლეებისთვის დისტანციურ რეჟიმში ჩატარდა საქართველოს ეროვნული ინტელექტ-ჩემპიონატი „ეტალონი“, რომელიც უკვე წლებია ერთგულად დგას განათლებული მომავალი თაობების სადარაჯოზე .
ინტელექტ-ჩემპიონატში მონაწილე ანაბასისის 28 მოსწავლიდან , 12-მა მოსწავლემ წარმატებით გადალახა პირველი ტური და ხვალ, 1 დეკემბერს 10:00 საათიდან 16:00 საათამდე სკოლის სახელით იასპარეზებს ეტალონის დისტანციური კონკურსის მეორე ეტაპზე.
ანაბასისის მეექვსე კლასის მოსწავლეებმა ბუნების პედაგოგის რუსუდან გურგენაშვილის ხელმძღვანელობით სკოლა ანაბასისის მიმდებარე ტერიტორია დაასუფთავეს.
დასუფთავების აქცია მოეწყო სასკოლო პროექტის „ჯანსაღ სხეულში, ჯანსაღი სულია“ ფარგლებში;
ჯანმრთელობისთვის უვნებელ გარემოში ცხოვრება ადამიანის ერთ-ერთი ძირითადი უფლებაა. ამ უფლების დაცვა მოსახლეობის ჯანმრთელობისა და კეთილდღეობის შენარჩუნების მნიშვნელოვანი წინაპირობაა.
სოციალური კამპანიის მიზანია გარემოს დაცვაზე ზრუნვა და ახალგაზრდების გარემოს დაცვით სამუშაოებში აქტიური ჩართულობა, ჯანმრთელობისათვის აუცილებელი სუფთა გარემოს შენარჩუნება.
დასუფთავების აქციის მიზანი გაეროს მდგრადი განვითარების მიზნებთანაა შესაბამისობაში.
დასუფთავების აქციის ფარგლებში წამახალისებელი შეჯიბრი სისტემატიურად მოეწყობა, გარემოს ყველაზე აქტიური დამცველი კლასი გამოვლინდება წლის ბოლოს და დაჯილდოვდება სპეციალური პრიზით.
