აკაკი წერეთლის სახელმწიფო უნივერსიტეტში მეთერთმეტეკლასელებისა და აბიტურიენტებისთვის მათემატიკაში კონკურსი ჩატარდა.
ზუსტ და საბუნებისმეტყველო მეცნიერებათა ფაკულტეტის და მათემატიკის დეპარტამენტის ორგანიზებით ჩატარებულ კონკურსში 150 აბიტურიენტი მონაწილეობდა.
კონკურსის მიზანია, გამოავლინოს ნიჭიერი ახალგაზრდები და ხელი შეუწყოს მათ შემდგომ წინსვლას.
პირველ ოცეულში მოხვედრილ კონკურსანტებს გადაეცათ სერტიფიკატები.
აბიტურიენტები, რომლებიც მიმდინარე წელს ჩაირიცხებიან აწსუ-ს მათემატიკის საბაკალავრო პროგრამაზე, ეროვნულ გამოცდებზე მათემატიკაში გადალახული ექნებათ 30% ბარიერი და აღნიშნული კონკურსის რანჟირებული სიის მიხედვით აღმოჩნდებიან I-III ადგილზე, სწავლების პირველი სემესტრის განმავლობაში ყოველთვიურად მიიღებენ ფულად წახალისებას შესაბამისად 200, 150 ან 100 ლარის ოდენობით.
აკაკი წერეთლის სახელმწიფო უნივერსიტეტში მეთერთმეტეკლასელებისა და აბიტურიენტებისათვის მათემატიკაში ჩატარებულ კონკურსში მონაწილეობდა ანაბასისის მეთორმეტე კლასის მოსწავლე თამარ კაპანაძე, რომელმაც შეძლო მიღწეული შედეგებით გამარჯვებულთა პირველ ოცეულში მოხვედრა და დაჯილდოვდა შესაბამისი სერტიფიკატით .
ვულოცავთ თამარს და მის პედაგოგ დავით ლაბაძეს კონკურსში გამარჯვებას და ვუსურვებთ შემდგომ წარმატებებს.
