სკოლა ანაბასისიკლასიკური მუსიკის მე-16 ეროვნული კონკურს-ფესტივალის ფინალისტმა რ. ლაღიძის სახელობის სამუსიკო სკოლის, სკოლა ,,ანაბასისის”კონტიგენტის გუნდმა , მონაწილეობა მიიღო ქალაქ თბილისში გამართულ გალა კონცერტში და ლაურიატის წოდება მიენიჭა.
ვულოცავთ გუნდის წევრებს მათ ღირსეულ პედაგოგს თეა მიქაბერიძეს მიღწეულ წარმატებას!
ვულოცავთ რ. ლაღიძის სახელობის სამუსიკო სკოლას შთამბეჭდავ შედეგებს!
თანამშრომლობა გვაძლიერებს და წარმატებებიც სახეზეა!
,, ნუ შეაჩერებ სამყაროს სუნთქვას“
სკოლა ანაბასისის მესამე კლასელებმა (პედაგოგები ლოლიტა ნებიერიძე , ეკა ჯიმშიაშვილი ) ,,დედამიწის დღის ‘’ კვირეული ფარგლებში , განახორციელეს პროექტი ,, ნუ შეაჩერებ სამყაროს სუნთქვას“.
პროექტის მიზანი: მოსწავლეთა ცნობიერების ამაღლება გარემოსდაცვითი მიმართულებით წარმატებით შესრულდა. მოსწავლეები გაეცნენ მასწავლებლების მიერ მომზადებულ პრეზენტაციას ,,დედამიწის დღე“, ნახეს და იმსჯელეს ვიდეორგოლებზე: ,,დედამიწა,’’ ,,გარემოს დაცვა’’, ,,ცხოველთა მიგრაცია.’’მათ გააცნობიერეს რით განსხვავდება სუფთა და დაბინძურებული გარემო, რა აბინძურებს ჰაერს, წყალსა და ნიადაგს, რა არის ნარჩენი, როგორ აბინძურებენ ისინი გარემოს. შესაბამისი არგუმენტირებული დასკვნებიც გააკეთეს: დედამიწა ცოცხალი არსებაა და მას ისეთივე მოფრთხილება სჭირდება, როგორც ნებისმიერ ცოცხალ არსებას. განახორციელეს ასევე რამდენიმე საინტერესო აქტივობა: შექმნეს სლოგანები, საჰაერო ბურთები გამოიყენეს დედამიწის მოდელად და და მოხატეს ისინი, დაასუფთავეს სკოლის მიმდებარე ტერიტორია, დარგეს მცენარეები.
ჩვენმა მოსწავლეებმა უკვე იციან , რომ 22 აპრილი არის ყველაზე სასარგებლო და ჰუმანური დღესასწაულია, რომელიც ეძღვნება გარემოს დაცვას, პლანეტის გამწვანებას და ბუნებასთან ფრთხილად მოპყრობის ხელშეწყობას. დედამიწის დღე გვახსენებს, როგორი აუცილებელია ჩვენს პლანეტაზე ზრუნვა და მოფრთხილება. ჩვენ შეგვიძლია გავაკეთოთ ეს წელიწადის განმავლობაში, და არა მხოლოდ დედამიწის დღეს.
წარმატებები მესამე კლასელებს და მათ პედაგოგებს ამ დიდ საქმეში რასაც დედამიწაზე ზრუნვა და გაფრთხილება წარმოადგენს!
ანაბასისის ინტელექტუალების წარმატება!
ზესტაფონის მუნიციპალიტეტის მერიის, საკრებულოსა და საგანმანათლებლო რესურსცენტრის მხარდაჭერით საჯარო და კერძო სკოლებს შორის ინტელექტუალური თამაში “რა? სად? როდის?” გაიმართა.
კონკურსში 33 საჯარო და კერძო სკოლა იღებდა მონაწილეობას. პირველი ადგილი პირველი სვირის საჯარო სკოლას ერგო, მეორე ადგილზე სკოლა “ანაბასისი”, ხოლო მესამე საკონკურსო ადგილი მეხუთე საჯარო სკოლამ დაიკავა. თამაშის წამყვანი ცნობილი ტელეშოუს “რა? სად? როდის?” ავტორი გიორგი მოსიძე გახლდათ.
ინტელექტუალური თამაშის მონაწილეებს ზესტაფონის საკრებულოს თავმჯდომარე ვახტანგ ღამბაშიძე, მერი, ვასილ გველესიანი, მაჟორიტარი დეპუტატი, ბეჟან წაქაძე, საკრებულოს, მერიის და რესურს ცეტრის წარმომადგენლები ესწრებოდნენ.
სკოლა ანაბასისის ინტელექტუალთა გუნდმა ღირსეულად წარმოაჩინა საკუთარი შესაძლებლობები! ვულოცავთ მიღწეულ წარმატებას გუნდის წევრებს: გიორგი ფერაძეს, თემო გოგიაშვილს, სანდრო ფუტკარაძეს, დავით ჯღამაძეს, თამარ კაპანაძეს, ანანო შერგელაშვილს. გუნდი მოამზადა სკოლის ხარისხის მართვის მენეჯერმა თეა სამხარაძემ.
მაკულატურიდან მწვანე ნერგებამდე !
სკოლა ანაბასისის ეკოლოგთა , მკვლევართა, სამოქალაქო კლუბის ინიციტივით სკოლაში მაკულატურის შეგროვების აქცია წარმატებით დასრულდა. აქციაში აქტიურად ჩაერთო ყველა კლასი. შეგროვებული იქნა 321 კგ მაკულატურა , რომელიც ერთ-ერთ კომპანიას ჩაბარდა და ნარგავების შეძენის ყულაბა 96 ლარით შეივსო. აღნიშნული თანხით შეძენილი იქნება მარადმწვანე ხის ნერგები სკოლის ეზოში დაირგვება, ისინი გალამაზებენ და გააჯანსაღებენ გარემოს.
ნარჩენების დახარისხებას და გადამუშავებას დღეს მსოფლიოში დიდ მნიშვნელობას ანიჭებენ. მაკულატურა ნარჩენების ერთ-ერთი სახეა. მისი გადამუშავება, ტყის გაჩეხვასაც შეამცირებს, რადგან 1 ტონა მაკულატურის გადამუშავება 17 ხის გადარჩენას ნიშნავს.
ქაღალდის ნაწარმი შეგიძლია, გადაყრის ნაცვლად შეინახო, ამით მარტივად შეგვიძლია, რომ მეორეული ქაღალდის წარმოებას შევუწყოთ ხელი. ასევე ნაკლებად დავაბინძურებთ ისედაც უკვე ძალიან დაბინძურებულ გარემო და გადავარჩენთ ის ხეები, რომლებიც რეალურად ამ ქაღალდისთვის იჭრება. ქაღალდის წარმოების პროცესი მოითხოვს უამრავ დროსა და ენერგიას. მაკულატურის გადაამუშავებით – ნაკლები ენერგია იხარჯება.
როგორც წესი, ზოგადად, როდესაც ქაღალდს ვყრით ქუჩაში, ის ნაგავსაყრელად იქცევა, რაც ცუდად იმოქმედებს ეკოლოგიაზე. ამის შედეგად კი, ეს ნაგავსაყრელები აბინძურებენ ჰაერს სხვადასხვა ტოქსიკური აირის გამოყოფით. ქაღალდის გადამუშავება გვეხმარება, დედამიწა ნაკლებად ჭუჭყიანი და დაბინძურებული ადგილსამყოფელი გავხადოთ. ქაღალდის გადამუშავებას ნაკლები ენერგია სჭირდება, ამის შედეგად, ეს უზრუნველყოფს ატმოსფეროში ნაკლები რაოდენობის მეთანისა და ნახშიროჟანგის არსებობას. ასე, რომ ქაღალდის გადამუშავება და მაკულატურის ჩაბარება უკეთ სუნთქვის საშუალებას გვაძლევს. ქაღალდის დასამზადებლად, ხეების მოჭრა გარდაუვალია.ყოველწლიურად, ქაღალდის დასამზადებლად, ასობით ათასი ახალი ხე იჭრება.ქაღალდის გადამუშავებამ შესაძლოა მნიშვნელოვნად შეამციროს ხეების ჭრა და განადგურება. ეს კი საშუალებას იძლევა ეკოსისტემა გაჯანსაღდეს.
დიდი მადლობა ყველა მოსწავლეს და მასწავლებელს მაკულატურის შეგროვების აქციაში აქტიური ჩართულობისათვის.
ერთად ბევრი კარგი საქმის კეთებას შევძლებთ!
ლეგენდები ტაურაგეზე
საერთაშორისო პროექტის ,, ლეგენდები ტაურაგეზე“მოთხოვნებს სკოლა ანაბასისის მასწავლებლები და მოსწავლეები გულმოდგინედ და პასუხისმგებლობით გაეცნენ. ერთად წაიკითხეს ლეგენდები ტაურაგეზე , გაიაზრეს მიღებული ინფორმაცია, რომელიც გახდა მოსწავლეთა შთაგონების წყარო . სწორედ მათზე დაყრდნობით და ფანტაზიით შექმნეს მრავალფეროვანი ნახატები. ზესტაფონის მერიის ორგანიზებით კი პროექტში მონაწილე სკოლებიდან წარმოდგენილი ნახატები ზესტაფონის სამხატვრო გალერიის საგამოფენო დარბაზში განთავსდა და დამთვალიერებლების გულწრფელი მოწონება დაიმსახურა.სკოლა ანაბასისიდან წარმოდგენილი იყო მასწავლებლების მარიამ ჭულუხაძის , თამარ ვეფხვაძის, ეკა ჯიმშიაშვილის , ლანა ჩუბინიძის მოსწავლეთა ნამუშევრები.
შერჩეულ ნამუშევრებს შორის ორი ანაბასისელი მოსწავლის ნამუშევარი მოხვდა: სალომე შერგელაშვილის , (პედაგოგი მარიამ ჭულუხაძე) და ლუკა ხუსკივაძის (პედაგოგი ეკა ჯიმშიაშვილი.) ყველა მონაწილის ნანუშევრის ელექტრონული ვერსია გადაგზავნილია ტაურაგეში და ისინი საერთაშორისო კონკურსის მონაწილეები არიან. ვულოცავთ მათ მიღწეულ წარმატებას. ჩვენი მოსწავლეთა ნამუშევრები პირველ ივნისს ტაურაგეში გამოიფინება და შეფასდება. პროექტის ხელმძღვანელი ზესტაფონის საპატიო მოქალაქე , ტაურაგეს ხელოვნების სკოლის დირექტორი იოლანტა კაზლაუსკიანეა, ზესტაფონში კი კოორდინირება ორგანიზაცია ,,ლიტველი მეგობრების“ დამფუძნებელმა ტაურაგეს საპატიო მოქალაქე ზეინაბ გველესიანმა გაუწია. დიდი მადლობა პროექტის ორგანიზატორებს საინტერესო პროექტის შემოთავაზებისათვის, დიდი მადლობა მონაწილეებს აქტიური ჩართულობისათვის.
ტვინების ბრძოლა! საქართველოს ჩემპიონატი გუნდურ-ინტელექტუალურ თამაშში!
2023 წლის 2 აპრილს ტვინების ბრძოლის იმერეთის რეგიონულ ჩემპიონატს, ქალაქ ზესტაფონში, კონსტრუქტ2 • Construct2 მასპინძლობდა .
ტვინების ბრძოლის მიზანია ახალგაზრდობის თვითრეალიზაციისთვის ხელის შეწყობა, წიგნიერების პროპაგანდა მოსწავლე ახალგაზრდებში და ცოდნის წახალისება.
სკოლა ანაბასისის გუნდმა „ ვარსკვლავები “ , რომლის წევრები არიან -დავით აბაშიძე, თეკლა ლუტიძე, მათე კობახიძე, ამირან კაკაურიძე, სანდრო ლეჟავა- წარმატებით იასპარეზა რეგიონულ ჩემპიონატზე და მონაწილეობას მიიღებს ფინალურ თამაშში, რომელიც გაიმართება 2023 წლის 23 აპრილს;
ფინალში გამოვლინდება სამივე ასაკობრივი კატეგორიის ქვეყნის ჩემპიონები.
ჩემპიონატის მთავარი პრიზი “ინტელექტუალური ფესტივალის საგზური” – იგივე ტვინების ბრძოლის საზაფხულო ბანაკია.
წარმატებები ანაბასისის „ვარსკვლავებს “
ტვინების ბრძოლის ხელმძღვანელი პედაგოგი თეა სამხარაძე.
კლასის ხელმძღვანელი ეკატერინე ჩაჩიბაია.
ტვინების ბრძოლა – Battle Of Brains
ჯანმრთელობა, როგორც უფლება თუ პრივილეგია?
2023 წლის 7 აპრილს, ჯანდაცვის მსოფლიო დღეს, ჯანდაცვის მსოფლიო ორგანიზაციამ აღნიშნა 75 წლის იუბილე. სკოლა ანაბასისში ეს დღე მრავალფეროვანი ღონისძიებებით აღინიშნა.
ჩატარდა მოსწავლეთა კონფერენცია ,, ჯანსაღი ცხოვრების წესი უალტერნატივოა“ ჯანმრთელობის დაცვის მსოფლიო ორგანიზაციის უკანასკნელი მონაცემებით, ადამიანის ჯანმრთელობის მდგომარეობა 15%-ით დამოკიდებულია სამედიცინო სამსახურის ორგანიზაციაზე, 15%-ით – გენეტიკურ თავისებურებებზე, ხოლო 70%-ით – კვებისა და ცხოვრების წესზე.
დღეს უკვე ეჭვს არ იწვევს ის გარემოება, რომ რაციონალური კვება ჯანმრთელობის შენარჩუნების, ადამიანის ორგანიზმის ნორმალური ზრდისა და განვითარების ძირითადი პირობაა. სრულფასოვანი საკვები გულისხმობს არა მარტო მის ენერგეტიკულ ღირებულებას, ცილებით, ცხიმებითა და ნახშირწყლებით დაბალანსებული რაციონის არსებობას, არამედ მის უზრუნველყოფას ვიტამინებით, მიკროელემენტებითა და მინერალებით. სწორედ ვიტამინებზე გაკეთდა ძირითადი აქცენტი პრეზენტატორების მიერ. სკოლაში მოეწყო პოსტერების გამოფენა ჯანსაღი ცხოვრების წესის თემატიკაზე.
მოსწავლეები ეწვივნენ ზესტაფონში არსებულ მრავალფუნქციურ ქალთა ესთეტიკისა და ფიტნეს ცენტრს,სადაც არის გარემო ქალბატონებმა იზრუნონ სილამაზე , ჯანმრთელობაზე და პოზიტიურ განწყობაზე. მათ გულთბილად უმასპინძლა ცენტრის ხელმძღვანელმა თეო სუთიძემ.
მოინახულეს ვაჟთა ფიტნეს კლუბი, რომელშიც ჯანმრთელობას ვაჟები იკაჟებენ.
ბლექსი საცურაო აუზში სტუმრობისას წარმომადგენელი მოსწავლეებს ცურვის მნიშვნელობაზე ესაუბრა .,, ცურვა საოცრად კარგი გზაა თქვენი სხეულისა და გულ-სისხლარღვთა სისტემის ასამუშავებლად. ერთსაათიანი ცურვა იმდენ კალორიას წვავს, რამდენსაც სირბილი , თანაც ძვლები და სახსრები ბევრად ნაკლებ ზეწოლას განიცდის. ‘’ აღნიშნა მან.
ჩატარებულმა ღონისძიებებმა მოსწავლეები კიდევ ერთხელ დაარწმუნა ჯანმრთელობა უფლებაა და არა პრივილეგია. მას დიდი გაფრთხილება უნდა.
ღონისძიებებს ორგანიზება გაუწია სამოქალაქო, მკვლევართა და ეკოლოგთა კლუბებმა. კურატორები: თეა სამხარაძე, ქეთევან ედიბერიძე, თამარ მალაღურაძე.
„გაზაფხული -რწმენა, იმედი…“ .
სკოლა ანაბასისში მოსწავლეთა შემოქმედებითი უნარების წარმოჩენასა და განვითარებას მნიშვნელოვანი ყურადღება ექცევა. სწორედ ამიტომ, სკოლაში მრავალფეროვანი ღონისძიებები და აქტივობები იმართება.
მე-7 ბ კლასის მოსწავლეებმა გაზაფხულის ღონისძიება ჩაატარეს, რომელსაც ხელმძღვანელობდა კლასის დამრიგებელი თამარ მალაღურაძე.
ღონისძიების დევიზი იყო – „გაზაფხული -რწმენა, იმედი…“ .
ღონისძიება მრავალფეროვანი აქტივობებით იყო გაჯერებული, რაც საოცარ სადღესასწაულო განწყობას ქმნიდა.მხატვრულ ნომერს სიმღერა და ცეკვა ცვლიდა. ყველა ნომერი დიდი მონდომებით და პასუხისმგებლობით წარმოადგინეს მეშვიდე კლასელებმა. ამ ლამაზი ნომრების მომზადებაში მათ მუსიკის პედაგოგი თეა მიქაბერიძე და ცეკვის პედაგოგი სოფო ცქიტიშვილი დაეხმარათ.
ღონისძიების მომზადების პროცესში აქტიურად იყო ჩართული სკოლის ბიბლიოთეკარი თამარ გვალია.
მოსწავლეებმა თავიანთი შესაძლებლობები სრულად წარმოაჩინეს და ლამაზი საღამო აჩუქეს თავიანთ მშობლებს და სხვა დამსწრე საზოგადოებას.
ღონისძიების კონკრეტული ადრესატები მოსწავლეთა დედიკოები იყვნენ.თავიანთი დამოკიდებულება ლექსში , გამონათქვამებში გააცოცხლეს და მოეფერნენ დედებს. ,,დედა მარტო დედა არაა! ყველაფერია რაც ამ ქვეყანასთან გვაკავშირებს, რასაც სიცოცხლე ჰქვია, რასაც სული უდგას და მზე უცქერის.’’ – ოტია იოსელიანი. ,,თუ დედა არ გენატრება და არც არაფრის გეშინია, სიცოცხლეს ფასი არ ჰქონია შენთვის. დედის მონატრებაა ადამიანობა“’… – ოთარ ჭილაძე.
ემოციურად მიულოცეს გაზაფხული დამსწრე საზოგადოებას„გაზაფხულივით ლაღები და ლამაზები ყოფილიყავით ძვირფასო ქალბატონებო, ყოველი დღე გეამაყოთ საკუთარი თავითა და საყვარელი ადამიანების მზრუნველი მზერით. დიდხანს სიცოცხლესა და ჯანმრთელობას გისურვებთ! ‘’ მიმართეს მათ დარბაზს.
მსგავსი ღონისძიებები მოსწავლეთა მრავალმხრივ განვითარებასა და მოტივაციის ამაღლებას უწყობს ხელს . წარმატებები ჩვენს მოსწავლეებს.
სპორტი ხელს უწყობს სამყაროში პოზიტიურ ცვლილებებს!
2013 წელს, გაეროს გენერალურმა ასამბლეამ, 6 აპრილი სპორტის საერთაშორისო დღედ გამოაცხადა. მიღებული დადგენილების თანახმად, 2014 წლიდან, ყოველი წლის 6 აპრილს, საქართველო მსოფლიოსთან ერთად აღნიშნავს ამ თარიღს. ჩვენი ქვეყანა ყოველწლიურად ღირსეულად უერთდება ინიციატივას, რომელიც მსოფლიოში სპორტის საშუალებით მშვიდობის დამკვიდრებისა და განვითარებისკენაა მიმართული.
სკოლა ანაბასისში სპორტის საერთაშორისო დღისადმი რამდენიმე აქტივობა დაიგეგმა და განხორციელდა მოსწავლეთა თვითმართველობისა და სკოლაში არსებული კლუბების ხელმძღვანელობით. ( კურატორები: ქეთევან ედიბერიძე, თეა სამხარაძე, თამარ მალაღურაძე, სპორტის პედაგოგი კობა სვიანაძე)
მოეწყო სემინარი ,, სპორტი ჩვენს ცხოვრებაში“ , რომელზეც მე-9 კლასის მოსწავლეები ანზორ მაღლაკელიძემ და ნიკოლოზ ცხადაძემ საინტერესო პრეზენტაცია წარუდგინეს მოსწავლეებს . ისაუბრეს რატომ აღვნიშნავთ ამ დღეს.მათ აღნიშნეს:
ეს დღე ყოველწლიურად იძლევა შესაძლებლობას აღვნიშნოთ სპორტის ძალა, რომელიც ხელს უწყობს სოციალური ცვლილებების განვითარებას, საზოგადოების განვითარებას, სამართლიანობისა და ჩართულობის წახალისებას და მშვიდობისა და ურთიერთგაგების განმტკიცებას ინდივიდებს, თემებსა და ერებს შორის.
ამ დღის აღნიშვნით ჩვედნ ვიზიარებთ ხედვას, რომ სპორტი ხელს უწყობს სამყაროში პოზიტიურ ცვლილებებს.
6 აპრილი სიმბოლურად იქნა შერჩეული, რადგან სწორედ ამ დღეს – 1896 წლის 6 აპრილს, საბერძნეთის დედაქალაქ ათენში ოფიციალურად გაიხსნა თანამედროვეობის პირველი ოლიმპიური თამაშები. ასე რომ, სპორტის საერთაშორის დღე ოლიმპიადების აღორძინების თარიღს უკავშირდება.
სპორტი ადამიანის ცხოვრებაში მნიშვნელოვან ადგილს იკავებს,გარდა იმისა რომ იგი წარმოადგეს ჯამრთელობის წინაპირობას ასევე მას შეუძლია უამრავი სასიკეთო რამ მოუტანოს.
“ჯანსაღ სხეულში ჯანსაღი სული”ეს ფრაზა ყველასთვის კარგად არის ცნობილი და თუ ჩვენ გვინდა რომ გვქონდეს როგორც ჯანსაღი სხეული ასევე სულიც მნიშვნელოვანი ყურადღება უნდა მივაქციოთ და გავითავისოთ ის რომ სპორტი ამისათვის არის ის პირველი საშუალება რომელიც დაგვეხმარება ჩვენი მიზნის მიღწევაში,სპორტი ადამიანში უამრავ დადებით რეაქციას იწვევს მაგალითად.აძლიერებს იმუნიტეტს,ანვითარებს ტვინის უჯრედებს და ა.შ
სემინარი ინტერაქტიურ რეჟიმში წარიმართა და მოსწავლეებმა ისაუბრეს თუ რა ადგილი უჭირავს სპორტს მათ ცხოვრებაში.
სკოლის ეზოში არსებულ სპორტულ მოიდანზე გაიმართა კლასებს შორის ფეხბურთის ჩემპიონატი და გამოვლინდა ფინალში გადასული ორი გუნდი.
მოსწავლეებმა განახორციელეს ფეხით მსვლელობა ზესტაფონში და ესტუმრნენ სპორტულ სკოლას, სადაც სკოლის დირექტორმა ბატონმა ზაზა მახათაძემ გულთბილი მასპინძლობა გაუწია მათ, ესაუბრა იმ წარმატებაზე, რომელიც ზესტაფონელმა სპორტსმენებმა რესპუბლიკურ და საერთაშორისო ასპარეზზე მიაღწიეს. შედეგები ნამდვილად არ არის მოკრძალებული. ორი სახელოვანი მწვრთნელის სიმონ საყვარელიძის და ჯონდო ჯანიაშვილის ვარსკვლავი სწორედ ამ დღეს გაიხსნა და სკოლის კიბის საფეხურებზევე შებიჯებისას გრძნობ პატივისცემას იმ ადამიანების მიმართ , რომლებმაც სასახელო სპორტსმენები გაუზარდეს სამშობლოს. მოსწავლეებმა სვლა განაგრძეს სპორტის სასახლისაკენ , დაესწრნენ რაიონულ ჩემპიონატს მაგიდის ჩოგბურთში, გაიზიარეს გამარჯვებულთა სიხარული. ანაბასისის რამდენიმე მოსწავლე ჩართული იყო რაიონის მიერ დაგეგმილ ღონისძიებებში.
განხორციელებული ღონისძიებები ემსახურებდა სპორტის პოპულარიზაციას, რომელიც მოსწავლეთა აქტიური ჩართულობით წარიმართა.
ყველა ადამიანი უნიკალურია!
2007 წელს 18 დეკემბერს გაეროს გენერალურმა ანსამბლეამ 2 აპრილი აუტიზმის შესახებ ინფორმაციის გავრცელების მსოფლიო დღედ გამოაცხადა. აპრილის თვე აუტიზმის მსოფლიო თვედაა აღიარებული და აუტიზმის შესახებ ცნობიერების ამაღლებას ეძღვნება.
სკოლა ანაბასისის ეკოლოგთა, მკვლევართა, სამოქალაქო კლუბის წევრებმა ჩაატარეს სემინარი სკოლის მოსწავლეებისათვის, რომლის მიზანი აუტიზმთან დაკავშირებით ცნობიერების ამაღლება იყო. მე-8 კლასის მოსწავლეებმა ანი კობერიძემ და ანასტასია ჯუღელმა წარმოადგინეს პრეზენტაცია და ისაუბრეს აუტიზმზე, აუტისტური სპექტრის დამახასიათებელ ნიშნებზე, გამომწვევ მიზეზებზე, მკურნალობის მეთოდებზე, თერაპიის ტიპებზე. აუტიზმის მქონე ცნობილი ადამიანების შესახებაც მიაწოდეს ინფორმაცია, მათი რიცხვი არცთუ ცოტაა. ბილ გეიტსი, ლიონელ მესი, ენტონი ჰოპკინსი ….
აუტიზმის მქონე პირებს გააჩნიათ გამორჩეული უნარები: მათემატიკური შესაძლებლობები, კომპიუტერული მუსიკალური შესაძლებლობები, ვიზუალური აზროვნება, გარემოში ორიენტაციის უნარი ..
მონაწილეები აქტიურად ჩართნენ სემინარის მუშაობაში და საერთო დაკვნა გამოიტანეს:
აუტისტური სპექტრის მქონე ადამიანები ისეთივე უნიკალურები არიან, როგორც თითოული ჩვენგანი.
