2023 წლის 2 ნოემბერს, კერძო სკოლა „ანაბასისის“ 1 ა კლასში ჩატარდა ღია გაკვეთილი. გავიხსენეთ და პატივი მივაგეთ ჩვენს ბრძენკაცს,დედაენის შემქმნელს, დიდ საბავშვო მწერლსა და საზოგადო მოღვაწეს იაკობ გოგებაშვილს, რომელსაც 2023 წელის 27 0ქტომბერს დაბადებიდან 183 წელი შეუსრულდა.
ქართველებს 4 უმთავრესი წიგნი გვაქვს: ბიბლია, ვეფხისტყაოსანი, ქართლის ცხოვრება და დედაენა. სწორედ ამ დღეს მოსწავლეები მოეფერნენ დედაენას, გაეცნენ პირველ ასო-ბგერებს, სიტყვას და წინადადებას. მოსწავლეებმა ლექსებით, სიმღერებითა და თავიანთი ნამუშევრებით ისახელეს თავი. ეს დღე არასდროს დაავიწყდებათ მათ.
პირველმა მასწავლებელმა მათ სახსოვრად დაურიგა სამკერდე
, რომელზედაც ყვავილი ია და პირველი წინადადებაა გამოსახული. სკოლის დირექტორმა მოსწავლეებს საჩუქრად გადასცა სამინისტროს მიერ გამოგზავნილი „დედაენები“.
სკოლის ეზოში პირველი სიტყვის ასო-ბგერების მიხედვით დადგნენ ბავშვები და ჰაერში გაუშვეს იისფერი ბუშტები. რომელმაც განსაკუთრებული ხალისი გამოიწვია მოსწავლეებში. ასე იმოგზაურებენ ჩვენი თვალხატულა გოგო-ბიჭები ცოდნის ჯადოსნურ სამყაროში. აბა, თქვენ იცით რაც შეიძლება მეტი ცოდნა შეიძინეთ, რათა თქვენი სამშობლოს ღირსეული შვილები გახდეთ და აღარ დაგჭირდებათ სხვისი დახმერება ზღაპრების, მოთხრობების, ლექსების.. კითხვაში, თქვენ თავად შეძლებთ ყველაფრის წაკითხვასა და გაგებას. კიდევ ერთხელ დიდი მადლობა ვუთხრათ დედაენის შემქმნელს, ჩვენს იაკობ გოგებაშვილს.
„გახდი მედიაწიგნიერი და სწორად გაიკვლიე გზა ინფორმაციის სამყაროში!“ ასეთი დევიზით ჩაერთო სკოლა ანაბასისი მედია და ინფორმაციული წიგნიერების კვირეულის ფარგლებში სამოქალაქო განათლების კლუბის და მოსწავლეთა თვითმმართველობის წევრთა ხელმძღვანელობით;
მედია და ინფორმაციული წიგნიერების კვირეული კომუნიკაციების კომისიის ორგანიზებით საქართველოში უკვე 3 წელია, გაეროს მიერ მიღებული რეზოლუციის ფარგლებში, ტარდება. კვირეული საზოგადოებაში მედიაწიგნიერებისა და მისი მნიშვნელობის შესახებ, ცნობიერების ამაღლებას ემსახურება.
ანაბასისიში კვირეულის ფარგლებში სხვადასხვა აქტივობა დაიგეგმა და განხორციელდა;
კომუნიკაციების კომისიამ, მედია და ინფორმაციული წიგნიერების გლობალური კვირეული საქართველოს განათლებისა და მეცნიერების სამინისტროში, მასწავლებელთა ფორუმით დაიწყო, რომელშიც მონაწილეობა მიიღო სამოქალაქო განათლების პედაგოგმა თეა სამხარაძემ.
ფორუმის ფარგლებში, განხილული იყო მედიაწიგნიერების საგანმანათლებლო სტანდარტი და ფორმალურ განათლებაში მედიაწიგნიერების ინტეგრირების უპირატესობები. მოგვიანებით, მონაწილეებისთვის ასევე გაიმართა “მედიაწიგნიერების გაკვეთილების” სახელმძღვანელოს პრეზენტაცია და სემინარი, რომლის ფარგლებშიც, მასწავლებლებმა სკოლებში მედიაწიგნიერების საგნის სწავლების შესახებ, დეტალური ინფორმაცია მიიღეს.
პედაგოგმა ფორუმზე მიღებული ინფორმაცია ანაბასისის მოსწავლეებს გაუზიარა და გააცნო მათ “მედიაწიგნიერების გაკვეთილების” სახელმძღვანელო, ისაუბრა სასწავლო პროცესში მედიაწიგნიერების კომპეტენციაზე დაუფლების მნიშვნელობაზე;
ანაბასისის მეცხრე კლასის მოსწავლეებმა დავით ჯუღელმა, ნიკოლოზ ქუძიაშვილმა, დავით მესხმა თანასკოლელების წინაშე წარადგინეს პრეზენტაცია: „რა არის მედიაწიგნიერება“, ისაუბრეს ტროლებისა და ბოტების, ფიშინგისა და სმიშინგის, დეზინფორმაციის, მისინფორმაციის და მალინფორმაციის შესახებ;
განიხილეს საინფორმაციო პოსტერი, სადაც მოცემული იყო სკოლაში, მეგობრებთან, უცნობ ადამიანებთან, ინტერნეტის გამოყენებისას საჭირო რეკომენდაციები.
მოეწყო სასწავლო ფილმის „მედიაწიგნიერება და კრიტიკული აზროვნება“ ჩვენება და განხილვა.
მოსწავლეებმა განიხილეს მედიასივრცეში ცრუ ინფორმაციის გავრცელების მაგალითები, იმსჯელეს ყალბი და ნამდვილი ამბის განსხვავების ხერხებზე და ისაუბრეს მედიაწიგნიერების აუცილებლობაზე.
ანაბასისლებმა იციან,რომ მედიაწიგნიერება არის პასუხი ციფრული საუკუნის გამოწვევებზე. მედიაწიგნიერება გულისხმობს ინფორმაციაზე კონტროლის დამყარებას. რაც უფრო მაღალია ადამიანის მედიაწიგნიერების ხარისხი, მით უფრო დიდია რეალურ სამყაროსა და მედიის მიერ შექმნილ სამყაროს შორის არსებული საზღვრის დანახვის უნარი.
ანაბასისელები ხაზგასმით აღნიშნავენ, რომ როდესაც ადამიანი მედიაწიგნიერია, ეს მას ეხმარება, სწორად გაიკვალოს გზა ინფორმაციის სამყაროში. მედიაწიგნიერი ადამიანი იძენს გამოცდილებას და იმ ინფორმაციას, რომელიც მისთვის სასარგებლოა; ხოლო მისთვის საზიანო ან ზედმეტ ინფორმაციას თავს არიდებს.
მედიაწიგნიერი ადამიანი არ ექცევა ინფორმაციის წნეხში და არ აძლევს მედიას საშუალება, დააპროგრამოს მისი გონება და მისი დღის წესრიგი. სწორედ ამიტომ, განსაკუთრებით მნიშვნელოვანია, რომ მედიაწიგნიერების მიდგომები ფართოდ იქნას გამოყენებული სწავლების პროცესში, რათა მოსწავლეებმა სკოლიდანვე მიიღონ საჭირო ცოდნა და უნარ-ჩვევები და გახდნენ მედიაწიგნიერები.
პედაგოგები ქეთევან ედიბერიძე, თეა სამხარაძე, რუსუდან გურგენაშვილი.
შვედეთის ეკოტრენინგცენტრის მიერ ორგანიზებულ Junior Environmental Leadership Diploma 5″-ისთვის ანაბასისელმა მე-10 კლასის მოსწავლემ ანზორ მაღლაკელიძემ და მე-8 კლასელმა ბარბარე კაპანაძემ ყველა დავალება უმაღლეს ქულაზე შეასრულეს! მათი მოტივატორი კი ინგლისური ენისა და ლიტერატურის პრდაგოგი ნანა ფერაძეა! ვულოცავთ მოსწავლეებს და მათ პედაგოგს მიღწეულ წარმატებას და მადლობას ვუხდით გაწეული შრომისათვის!
დიდი მადლობა კლუბის ყველა წევრს. პროექტში ჩართულ მოსწავლეებს:
ნიკოლოზ ცხადაძეს , ნიკოლოზ ჩინჩალაძეს, ქეთი დოღაძეს, ელენე მელაძეს,ლუკა ფუტკარაძეს, საბა გეწაძეს.
ხელოვნების პედაგოგს ქალბატონ ნანა გიორგაძეს თანამშრომლობისათვის.
,,საუკეთესო ახალგაზრდა მკვლევართა კლუბი-2023“- კონკურსის შედეგები
Inbox
Yexclub .
18:40 (57 minutes ago)
to bcc: me
მოგესალმებით!
პირველ რიგში ძალიან დიდი მადლობა, რომ გამოთქვით სურვილი და ჩაერთეთ კონკურსში „საუკეთესო ახალგაზრდა მკვლევართა კლუბი-2023“ .
ამ კონკურსმა დაგვანახა თუ როგორი საინტერესო და ინოვაციური პროექტები შეიძლება შეიქმნას კლუბური მუშაობის დროს და ნამდვილად გვახარებს მასწავლებელებისა და მოსწავლეების ასეთი ჩართულობა.
ჟიურის გადაწყვიტილებით, კონკურსის პირობებისა და კრიტერიუმების გათვალისწინებით, პირველ ადგილი დაიმსახურა სპს თავაძე და კომპანია სკოლა ანაბასისის (კლუბის ხელმძღვანელი- ქეთევან ედიბერიძე) პროექტმა ,,პიგმენტები ფერწერისათვის ნორჩი მკვლევარებისაგან!”. მკვლევართა კლუბის “ანაბასისის” მასწავლებელი გაემგზავრება ვარშავაში, კოპერნიკის სამეცნიერო ცენტრში (პოლონეთი) გამართულ ფორუმზე; კლუბს კი გადაეცემა სასაჩუქრე ნაკრები (კლუბის განვითარებისთვის და მისი მუშაობის შემდგომი ხელშეწყობისთვის).
მეორე ადგილი დაიმსახურა სსიპ ილია ჭავჭავაძის სახელობის N2 საჯარო სკოლის (კლუბის ხელმძღვანელი: ელისო აბრამიშვილი) პროექტმა “სამზარეულოს ქიმია”.
მესამე ადგილი კი მიენიჭა სსიპ ქალაქ თელავის N7 საჯარო სკოლის (კლუბის ხელმძღვანელი- ნუნუ ჯავახიშვილი) პროექტს “აბრეშუმისმაგვარი ბოჭკო”.
მეორე და მესამე ადგილზე გასულებს “მკვლევართა კლუბებს “ნორჩი ქიმიკოსები” და “ნაბიჯი მეცნიერებაში” ილიას სახელმწიფო უნივერსიტეტისგან გადაეცემათ “ლიგამუსის” სასაჩუქრე ვაუჩერები.
კიდევ ერთხელ გვინდა მადლობა გადაგიხადოთ ყველა მონაწილეს და გისურვოთ წარმატება!
ზოგადსაგანმანათლებლო დაწესებულების ავტორიზაციის ახალ სტანდარტებზე ტრენინგი, სკოლა ანაბასისის პედაგოგოგებსა და ადმინისტრაციას ზოგადი განათლების ხარისხის უზრუნველყოფის სერთიფიცირებულმა ექსპერტმა, მომავლის ბიზნეს სკოლის ხარისხის მართვის მენეჯერმა გიორგი ნებიერიძემ ჩაუტარა . პედაგოგებთან შეხვედრის დროს ყურადღება გამახვილდა სასკოლო კურიკულუმის შემუშავების მეთოდოლოგიაზე, შინაარსზე, განხორციელებაზე, მონიტორინგსა და შეფასებაზე, კურიკულუმის გადასინჯვასა და რევიზიაზე. ადმინისტრაციასთან და სამუშაო ჯგუფთან შეხვედრის მთავარი თემა კი სკოლის ფილოსოფია იყო. სკოლის მისიის, ხედვის, ღირებულებების და სტრატეგიული დაგეგმარების კომპონენტებზე, ინდიკატორებსა და მტკიცებულებზე გამახვილდა ყურადღება. ექსპერტმა ასევე მიმოიხილა სასწავლო პროცესის ადმინისტრაციული, ინფრასტრუქტურული და მოსწავლეთა მხარდაჭერა. ტრენინგზე იყო პოზიტიური ,თანამშრომლობითი გარემო და ინტერაქტიურ რეჟიმში, მსმენელთა აქტიური ჩართულობით მიმდინარეობდა. დიდი მადლობა გულისხმიერ, პროფესიონალს ბატონ გიორგის სკოლის საჭიროებებზე მორგებული საინტერესო ტრენინგისათვის!
2023 წელს, საქართველოში პირველად, მე-10, მე-11 და მე-12 კლასელებისთვის ეკონომიკის საერთაშორისო სასკოლო ოლიმპიადა ჩატარდა.
კონკურსი 3 ეტაპისგან შედგება, ორი ეტაპი ჩატარდა საქართველოში.
ადგილობრივი ეტაპი მოიცავდა:
1. სკოლის რაუნდს
2. ეროვნულ რაუნდს
საგანმანათლებლო პროექტი საქართველოს ბანკის მხარდაჭერითა და GELi . საქართველოს ეკონომიკური წიგნიერების ინიციატივას პარტნიორობით გაიმართა .
ეკონომიკის ოლიმპიადა მოსწავლეებს აცნობს და აახლოვებს ეკონომიკასთან იმ დონეზე, რომელიც მათ პირადი და საზოგადოებრივი გადაწყვეტილებების მიღების პროცესში გამოადგებათ.
საქართველოში გამართულ ეკონომიკის საერთაშორისო ოლიმპიადის სკოლის რაუნდში მონაწილეობა 1230-ზე მეტმა მოსწავლემ მიიღო.
ოლიმპიადა საქართველოში საერთაშორისო ეკონომიკის ოლიმპიადის ფარგლებში გაიმართა, რომელსაც ჩეხური ორგანიზაცია ეკონომიკური განათლების ინსტიტუტი (INEV) წელს მსოფლიოს 17 ქვეყანაში პარტნიორებთან ერთად ახორციელებს.
აღსანიშნავია, რომ რეგიონიდან მონაწილე ქვეყნებს შორის საქართველო ყველაზე მაღალი აქტივობით გამოირჩეოდა.
სკოლის რაუნდის შედეგები 12 მარტისთვის გახდა ცნობილი, ეროვნულ რაუნდში გადავიდა 230 მონაწილე, მათ შორის სკოლა ანაბასისის მეათე კლასის მოსწავლე ანა ჩუბინიძე.
ანამ 11 ივნისს მონაწილეობა მიიღო ოლიმპიადის ეროვნულ ტურში და დაჯილდოვდა სერტიფიკატით და ფასიანი საჩუქრებით.
გასაუბრების ეტაპზე გამარჯვებული 5 მონაწილე ფინალისტი სექტემბერში სლოვაკეთში საქართველოს სახელით ჩაერთვება საერთაშორისო რაუნდზე ოცამდე ქვეყნიდან შერჩეულ კონკურსანტებთან ერთად!
სერტიფიკატით და ფასიანი საჩუქრებით დაჯილდოვდნენ აგრეთვე მეთერთმეტე კლასის მოსწავლე თამარ კაპანაძე, სასკოლო რაუნდში აქტიური მონაწილეობისთვის და სამოქალაქო განათლების პედაგოგი , ეკონომიკის ოლიმპიადის (2023) სკოლის კოორდინატორი თეა სამხარაძე;
მადლობა ოლიმპიადის ორგანიზატორებს საინტერესო შემოთავაზებისთვის და ჩვენი სკოლის პედაგოგს და მოსწავლეებს ეკონომიკის საერთაშორისო ოლიმპიადაში აქტიური ჩართულობისთვის.
წარმატებას ვუსურვებთ თითოეულ მათგანს!
ეკონომიკის ოლიმპიადის გენერალური სპონსორია საქართველოს ბანკი.
ეკონომიკის ოლიმპიადის სპონსორია Economic Fundamentals Initiative და თავისუფალი უნივერსიტეტი – Free University.
ეკონომიკის ოლიმპიადის მხარდამჭერები არიან საქართველოს განათლებისა და მეცნიერების სამინისტრო და Institute of Economic Education (INEV)
ოლიმპიადის მედია პარტნიორია ბიზნეს მედია საქართველო (BMG).
ოლიმპიადის სოციალური მედია პარტნიორია ორჯერ ორი (2X2).
საერთაშორისო გამოფენა – კონკურსი – “ლეგენდა ტაურაგეზე” დასრულდა . გამოფენა არასამთავრებო ორგანიზაცია ,,ლიეტუველი მეგობრების” ხელმძღვანელის ზეინაბ გველესიანისა და ტაურაგეს ხელოვნების სკოლის დირექტორის იოლანტა კაზლაუზკიანეს ინიციატივით გაიმართა.
საერთაშორისო კონკურსში ევროპის 5 ქვეყანა იღებდა მონაწილეობას. მათ შორის ლიეტუვას, ქალაქ ტაურაგეს სკოლასთან დამეგობრებული საგანმანათლებლო დაწესებულებები ზესტაფონის მუნიციპალიტეტიდან.
ნახატების გამოფენა 1 ივნისს, ქალაქ ტაურაგეში გაიმართა.
ზესტაფონის ქალაქის მერიამ და საკრებულომ საზეიმოდ გადაცა სიგელები და დიპლომები კონკურსის მონაწილე მოსწავლეებს და მათ პედაგოგებს.
სკოლა ანაბასისის 13 მოსწავლის ნამუშევარი მონაწილობდა გამოფენაში, მათ და მათს პედაგოგებს :
მარიამ ჭულუხაძეს, ეკა ჯიმშიაშვილს, თამარ ვეფხვაძეს, ლანა ჩუბინიძეს სიგელები გადაეცათ. მადლობა გამოფენის ორგანიზატორებს! წარმატებები მონაწილეებს!
სკოლა ანაბასისის მე-9 კლასის მოსწავლეებმა -ეკოლოგთა , მკვლევართა კლუბისა და სამოქალაქო კლუბის წევრებმა მოაწყვეს კონფერენცია (კლუბის ლიდერები: თამარ მალაღურაძე, თეა სამხარაძე, ქეთევან ედიბერიძე) ,, ქიმია და მდგრადი განვითარება’’ მოსწავლეებმა საინტერესო პრეზენტაციები წარმოადგინეს: ,,ქიმიური დაბინძურებით გამოწვეული ეკოლოგიური პრობლემები’’, ,, სათბურის ეფექტი“, ,,ოზონის შრის გამოფიტვა’’, ,,მჟავა წვიმები’’, განსაკუთრებული ყურადღება კი გამახვილდა თემაზე ,,ქიმია და მდგრადი განვითარება; ‘’პრეზენტატორებმა აღნიშნეს , რომ ქიმია არის მდგრადი ტრანსფორმაციის გასაღები, ორი მნიშვნელოვანი მიზეზის გამო: მისი როლი, როგორც ისეთი პრობლემების გამომწვევი, როგორიცაა გარემოს დაბინძურება ან ჯანმრთელობის დაზიანება, მასიურად და გლობალურად უნდა შემცირდეს. ამავდროულად, ქიმია აუცილებელია ადამიანის კეთილდღეობისთვის.
იმის გამო, რომ ის უზრუნველყოფს გადაწყვეტილებების ფართო სპექტრს სხვადასხვა სფეროსთვის, როგორიცაა ჯანმრთელობა, კვება, კლიმატის დაცვა, მობილურობა, მაგალითად, მედიკამენტები და შესაბამისი მასალები და პროდუქტები, როგორიცაა ზოგიერთი პლასტმასი ან ელექტრონიკა. ქიმიასთან და ქიმიაში მდგრადი განვითარებისთვის აუცილებელი ტრანსფორმაციის სტრატეგიული მიზნები ყოვლისმომცველია.
მდგრადი განვითარების კონცეფციის გამოძახილია ქიმიის ახალი მიმართულება ,,მწვანე ქიმია“. იგი გასული საუკუნის 90-იან წლებში ჩამოყალიბდა და მისი მიზანია ისეთი ტექნოლოგიების შექმნა , რომლებიც ქიმიურ წარმოებას უსაფრთხოს გახდის და ამავდროულად ეკონომიკურად მომგებიანი იქნება. კონფერენციამ აამაღლა მოსწავლეთა ცნობიერება ეკოლოგიურ საკითხებზე.
მკვლევართა კლუბმა ,,ანაბასისმა” განახორციელა პროექტი ,, ხატვა ექსპერიმენტების შედეგებით!” სასკოლო ლაბორატორიაში ჩატარებული ექსპერიმენტების შედეგად მიღებულ იქნა სხვადასხვა ფერის პიგმენტები , რომელთა გამოყენებითაც ფერწერული ნამუშევრები შექმნეს კლუბის წევრებმა . პროექტზე მუშაობის პროცესში მოსწავლეები დაეუფლნენ კვლევის უნარ-ჩვევებს,დაამზადეს სხვადსხვა კონცენტრაციის ხსნარები, გამოიკვლიეს ნალექების მიღების ტექნიკები,დაკვირვება და ანალიზი აწარმოეს კათიონებისა და ანიონების თვისებითი რეაქციებზე , შედგენილი ფერების მიღებაზე და მიმდინარე პროცესების ქიმიაზე. ჩატარებული ექსპერიმენტების ,,ნარჩენებით“ შესრულებულმა ნახატებმა ქიმიასა და ხელოვნებას შორის კავშირიც დაადასტურა და მოსწავლეთა პირობისეული ცოდნის ფორმირებასაც შეუწყო ხელი. დაიგეგმა ფერთა პალიტრის გამრავალფეროვნება. თვალსაჩინოა , რომ ,,ქიმიამ შექმნა თავისი საგანი. ეს არის ხელოვნების მაგვარი შემოქმედებითობა“ . მარსელენ ბერტლო . ასევე მიღებული ცოდნისა და უნარების ყოველდღიურ ცხოვრებასთან კავშირებიც გამოიკვეთა, ნარჩენების მართვის გამოყენებული მეთოდი ,,მწვანე ქიმიის“ რამდენიმე მიმართულებას მოიცავს : უნარჩენო წარმოება, უსაფრთხო წარმოება, ნაკლები თანაპროდუქტები. პროექტი რეალისტურია საჭიროებს მცირე დანახარჯებს და ადვილად განხორციელდა სასკოლო ლაბორატორიაში.
პროექტმა მოსწავლეთა მოტივაცია გაზარდა საბუნებისმეტყველო მეცნიერებების მიმართ. ხელოვნებასთან ინტეგრაციამ ექსპერიმენტების არ მარტო გარეგნული ეფექტების არამედ ქიმიურ არსში ჩაწვდომის სურვილიც გაუჩინა მოსწავლეებს.ხალისით ჩაერთნენ პროექტში, მიღებული შედეგები გააცნეს თანატოლებს. პროექტის ხელმძღვანელები: ხელოვნების მასწავლებელი ნანა გიორგაძე და ქიმიის მასწავლებელი ქეთევან ედიბერიძე.
პროექტი მონაწილეობს ილიას სახელმწიფო უნივერსიტეტის საბუნებიმეტყველო განათლების კვლევითი ცენტრი SALiS და „მეცნიერება მთავარ როლში (Science on Stage) საქართველო“- ს მიერ ორგანიზებულ მესამე ეროვნულ ფესტივალში. ფესტივალის დევიზია – მასწავლებლები მასწავლებლებისთვის.
სპს თავაძე და კომპანია სკოლა ანაბასისში წარმატებით განხორციელდა პროექტი: „ვებრძოლოთ ადიქციას!“
პროექტის ტიპი: ინფორმაციული
პროექტის განხორციელების ვადები: აპრილ-მაისი
პროექტის სამიზნე ჯგუფი: VII- X კლასის მოსწავლეები
კავშირი ეროვნული სასწავლო გეგმის პრიორიტეტულ თემასთან/თემებთან: ჯანსაღი ცხოვრება
პროექტის შესაბამისობა სამიზნე ცნებებთან და მკვიდრ წარმოდგენებთან:
საზოგადოება, დემოკრატია, სამოქალაქო მონაწილეობა, მდგრადი განვითარება
კავშირი XXI საუკუნის რვა საკვანძო კომპეტენციასთან:
წიგნიერება, რაოდენობრივი წიგნიერება, სამოქალაქო კომპეტენცია;
პროექტის მიზანი: ადიქციური ქცევის პრობლემებისა და მასთან ბრძოლის შესახებ ცნობიერების ამაღლება, გაანალიზება და ჯანსაღი ცხოვრების წესის პოპულარიზაციის ხელშეწყობა სასკოლო თემში.
პროექტის ამოცანები:
1. მოსწავლემ შეძლოს ადამიანის ადიქციური ქცევის პრობლემების შესახებ ცნობიერების ამაღლება; იმის გააზრება, თუ რა შედეგები მოსდევს დამოკიდებულებას და რამდენად უარყოფითად აისახება ის ადამიანის პიროვნულ განვითარებაზე;
2. მოსწავლემ შეძლოს გააზრება, როგორ არეგულირებს საქართველოს კონსტიტუცია და საერთაშორისო დოკუმენტები ადამიანის უფლებების (ჯანმრთელობის) დაცვას და რამდენად მნიშვნელოვანია აქტიური მოქალაქეების პასუხისმგებლობა და ასერტული ქცევა ჯანსაღი ცხოვრების წესის პოპულარიზაციის, როგორც მავნე დამოკიდებულებების ჩამოყალიბების ეფექტური პრევენციის თვალსაზრისით;
3. მოსწავლემ შეძლოს გაცნობიერება, თუ რამდენად ხელსაყრელია ადიქციასთან ბრძოლის საქმეში საზოგადოებრივ ინსტიტუტებთან, არასამთავრობო ორგანიზაციებთან, სახელმწიფო სტრუქტურებთან თანამშრომლობა და არაძალადობრივი ქმედითი ნაბიჯების განხორციელება სხვა ადამიანთა ინტერესების გათვალისწინებით;
4. მოსწავლემ შეძლოს იმის გააზრება, თუ რატომ არის მნიშვნელოვანი აქტიური მოქალაქეების როლი ადიქციასთან ბრძოლასა და მომავლის პერსპექტივების გათვალისწინებით დაგეგმილ ლოკალურ ქმედებებში ჯანსაღი ცხოვრების წესის პოპულარიზაციის მისაღწევად.
პროექტის ფარგლებში დაიგეგმა და განხორცილედა სხვადასხვა აქტივობები:
აქტივობა 1. გამოკითხვა
აქტივობის მიზანი: მოსწავლეებმა გაიგონ, რა იციან რესპოდენტებმა ადიქციური ქცევის პრობლემის შესახებ, რისი საჭიროება გამოიკვეთება გამოკითხვის შედეგად, რომ დაგეგმონ შესაბამისი ინტერვენციები.
აქტივობის აღწერა:
• მოსწავლეებმა მოაწყვეს სამუშაო შეხვედრა და ჩამოაყალიბეს კითხვარები;
• მოსწავლეებმა შეიმუშავეს სხვადასხვა კითხვარი (მოსწავლისთვის, მშობლისთვის, მასწავლებლისთვის);
ჩატარდა ლექცია-სემინარი ,,მავნე დამოკიდებულებებისაგან გამოწვეული ფსიქო-სომატური და ქცევითი დარღვევების შესახებ არასრულწლოვნებში“.
აქტივობის მიზანი: ხელი შეეწყოს მოსწავლეებში ადამიანის ადიქციური ქცევის პრობლემების შესახებ ცნობიერების ამაღლებას; იმის გააზრებას, თუ რა შედეგები მოსდევს დამოკიდებულებას, რომელიც ძალიან საშიშია ადამიანის პიროვნული განვითარებისთვის.
მოსწავლეების მიერ პრეზენტაციის ჩატარება სასკოლო თემში სახელწოდებით ,,ფსიქიკური და ქცევითი დამოკიდებულებების შესახებ“.
აქტივობის მიზანი: მოსწავლეებმა შეისწავლონ ადიქციური ქცევის პრობლემები და გაიაზრონ მიჯაჭვულობის საშიში გავლენა ადამიანის პიროვნულ განვითარებაზე.
აქტივობის აღწერა:
• მოსწავლეები დაიყვნენ მცირე ჯგუფებად;
• მოიძიეს ლიტერატურა და დაამუშავეს;
• მოაწყვეს პრეზენტაცია სასკოლო თემში.
აქტივობა 4 . საინფორმაციო პლაკატების და პოსტერების შექმნა.
საინფორმაციო პლაკატების შექმნა სლოგანით ,,ვებრძოლოთ ადიქციას და ვიცხოვროთ ჯანსაღი ცხოვრების წესით!“;
აქტივობის მიზანი: მოსწავლეებმა გაიაზრონ აქტიური მოქალაქის მისია დემოკრატიულ სახელმწიფოში, რომელიც ებრძვის ადიქციას და ასერტული ქცევით, ტოლერანტობის პრინციპებით თანამშრომლობს სოციალურ ჯგუფებთან ჯანსაღი ცხოვრების პოპულარიზაციის მიზნით.
აქტივობის აღწერა:
• მოსწავლეებმა მოაწყვეს სამუშაო შეხვედრა საინფორმაციო პლაკატების/პოსტერების შექმნასთან დაკავშირებით;
• შეთანხმდნენ პლაკატის/პოსტერის ფორმატის, შრიფტისა და ლოგოს შემუშავებაზე;
• შექმნეს პლაკატები/პოსტერები და სასკოლო სივრცეში განათავსეს;
მოსწავლეებმა განახორციელეს ფეხით მსვლელობა ზესტაფონში და ესტუმრნენ სპორტულ სკოლას, სადაც სკოლის დირექტორმა ბატონმა ზაზა მახათაძემ გულთბილი მასპინძლობა გაუწია მათ, ესაუბრა იმ წარმატებაზე, რომელიც ზესტაფონელმა სპორტსმენებმა რესპუბლიკურ და საერთაშორისო ასპარეზზე მიაღწიეს. შედეგები ნამდვილად არ არის მოკრძალებული. ორი სახელოვანი მწვრთნელის სიმონ საყვარელიძის და ჯონდო ჯანიაშვილის ვარსკვლავი სწორედ ამ დღეს გაიხსნა და სკოლის კიბის საფეხურებზევე შებიჯებისას გრძნობ პატივისცემას იმ ადამიანების მიმართ , რომლებმაც სასახელო სპორტსმენები გაუზარდეს სამშობლოს. მოსწავლეებმა სვლა განაგრძეს სპორტის სასახლისაკენ , დაესწრნენ რაიონულ ჩემპიონატს მაგიდის ჩოგბურთში, გაიზიარეს გამარჯვებულთა სიხარული. ანაბასისის რამდენიმე მოსწავლე ჩართული იყო რაიონის მიერ დაგეგმილ ღონისძიებებში.
მოსწავლეები ეწვივნენ ზესტაფონში არსებულ მრავალფუნქციურ ქალთა ესთეტიკისა და ფიტნეს ცენტრს,სადაც არის გარემო ქალბატონებმა იზრუნონ სილამაზე , ჯანმრთელობაზე და პოზიტიურ განწყობაზე. მათ გულთბილად უმასპინძლა ცენტრის ხელმძღვანელმა თეო სუთიძემ.
მოინახულეს ვაჟთა ფიტნეს კლუბი, რომელშიც ჯანმრთელობას ვაჟები იკაჟებენ.
ბლექსი საცურაო აუზში სტუმრობისას წარმომადგენელი მოსწავლეებს ცურვის მნიშვნელობაზე ესაუბრა .,, ცურვა საოცრად კარგი გზაა თქვენი სხეულისა და გულ-სისხლარღვთა სისტემის ასამუშავებლად. ერთსაათიანი ცურვა იმდენ კალორიას წვავს, რამდენსაც სირბილი , თანაც ძვლები და სახსრები ბევრად ნაკლებ ზეწოლას განიცდის. ‘’ აღნიშნა მან.
ჩატარებულმა ღონისძიებებმა მოსწავლეები კიდევ ერთხელ დაარწმუნა ჯანმრთელობა უფლებაა და არა პრივილეგია. მას დიდი გაფრთხილება უნდა.
განხორციელებული ღონისძიებები ემსახურებდა სპორტის პოპულარიზაციას, რომელიც მოსწავლეთა აქტიური ჩართულობით წარიმართა.
აქტივობა 6. მოსწავლეთა კონფერენცია ,, ჯანსაღი ცხოვრების წესი უალტერნატივოა“
ჩატარდა მოსწავლეთა კონფერენცია ,, ჯანსაღი ცხოვრების წესი უალტერნატივოა“ ჯანმრთელობის დაცვის მსოფლიო ორგანიზაციის უკანასკნელი მონაცემებით, ადამიანის ჯანმრთელობის მდგომარეობა 15%-ით დამოკიდებულია სამედიცინო სამსახურის ორგანიზაციაზე, 15%-ით – გენეტიკურ თავისებურებებზე, ხოლო 70%-ით – კვებისა და ცხოვრების წესზე.
დღეს უკვე ეჭვს არ იწვევს ის გარემოება, რომ რაციონალური კვება ჯანმრთელობის შენარჩუნების, ადამიანის ორგანიზმის ნორმალური ზრდისა და განვითარების ძირითადი პირობაა. სრულფასოვანი საკვები გულისხმობს არა მარტო მის ენერგეტიკულ ღირებულებას, ცილებით, ცხიმებითა და ნახშირწყლებით დაბალანსებული რაციონის არსებობას, არამედ მის უზრუნველყოფას ვიტამინებით, მიკროელემენტებითა და მინერალებით. სწორედ ვიტამინებზე გაკეთდა ძირითადი აქცენტი პრეზენტატორების მიერ. სკოლაში მოეწყო პოსტერების გამოფენა ჯანსაღი ცხოვრების წესის თემატიკაზე.
აქტივობა 7. ვიდეორესურსის ჩვენება
მოსწავლეთა სასკოლო კლუბების (სამოქალაქო განათლების ,მკვლევართა და ეკოკლუბის)და თვითმმართველობის ინიციატივითა და სკოლის ადმინისტრაციის მხარდაჭერით ვიდეორესურსის ჩვენების დაგეგმვა სასკოლო თემში ადიქციის პრობლემასა და მასთან ბრძოლის გზებზე.
აქტივობის მიზანი: სასკოლო თემმა გაიაზროს და გააცნობიეროს ადიქციის პრობლემის შედეგები, მასთან ბრძოლის აუცილებლობა დაინახოს და დაგეგმოს პრევენციისკენ მიმართული ღონისძიებები.
აქტივობის აღწერა:
მოსწავლეთა სასკოლო კლუბების (სამოქალაქო განათლების ,მკვლევართა და ეკოკლუბის)და თვითმმართველობის ინიციატივითა და სკოლის ადმინისტრაციის მხარდაჭერით სკოლის სააქტო დარბაზში მოეწყო ვიდეორესურსის ჩვენება ადიქციის პრობლემასა და მასთან ბრძოლის გზებზე სასკოლო თემის ინფორმირების მიზნით. სასკოლო თემის წევრებმა მიიღეს ინფორმაცია, იმსჯელეს და დაფიქრდნენ არსებულ პრობლემასა და გადაჭრის გზებზე;
საჭირო რესურსი:
რა არის ადიქცია და როგორია მასთან გამკლავების გზები
მოსწავლეებმა შეადგინეს კითხვარი და გამოკითხეს ზესტაფონში არსებული აფთიაქის თანამშრომლები; კითხვები მრავალფეროვანი იყო და მოიცავდა შემდეგ საკითხებს: რომელი სახის დაავადებებია გავრცელებული ჩვენს მუნიციპალიტეტში სხვადასხვა ასაკობრივი ჯგუფის ადამიანებში? რომელი სახის მედიკამენტებია ყველაზე მოთხოვნადი? მიუწვდებათ თუ არა ხელი მომხმარებლებს წამლის ფასზე? აღემატება თუ არა დაავადებათა პრევენციაში დახარჯული თანხები მკურნალობაში დახარჯულ თანხებს? კვლევის შედეგები მოსწავლეებმა გაუზიარეს ერთმანეთს და გამოიტანეს საერთო დასკვნები;
აქტივობა 9.განმეორებითი კვლევა/გამოკითხვა;
მოსწავლეების მიერ სასკოლო საზოგადოებაში განმეორებითი გამოკითხვის ჩატარება ,,რა შევისწავლე ადიქციისა და ჯანსაღი ცხოვრების წესის შესახებ?“ და შედეგების ანალიზი;
აქტივობის მიზანი: მოსწავლეებმა დასკვნები გააკეთონ, როგორ განხორციელდა პროექტის მიზანი, რამ იმუშავა, რამ ვერა და, ასევე, შემდგომი ღონისძიებები დაგეგმონ; რა ინფორმაცია და ცოდნა არსებობს სასკოლო თემში ადიქციისა და ჯანსაღი ცხოვრების წესის შესახებ.
აქტივობის აღწერა:
• მოსწავლეებმა მოაწყვეს სამუშაო შეხვედრა, შეადგინეს კითხვარები;
• მოსწავლეებმა შეიმუშავეს სხვადასხვა კითხვარი (მოსწავლისთვის, მშობლისთვის, მასწავლებლისთვის);
პროექტის დასასრულს მოსწავლეებმა წარმოადგინეს პროექტის შედეგები:
პროექტის განხორციელების დროს მოსწავლეებმა გააცნობიერეს, რომ ადამიანს აქვს თავისუფალი განვითარებისა და ჯანმრთელობის დაცვის უფლება; საქართველოს კონსტიტუცია და საერთაშორისო დოკუმენტები ამ უფლებების დაცვას უზრუნველყოფს.
მოსწავლეები თანამშრომლობდნენ ერთმანეთთან, მასწავლებლებთან, მშობლებთან, სკოლის ადმინისტრაციასთან, მოსწავლეთა თვითმმართველობასთან, სასკოლო კლუბებთან, გარე ორგანიზაციებთან.
პროექტის განხორციელების შედეგად გაიზარდა სასკოლო საზოგადოების ჩართულობა სკოლის ცხოვრებაში.
პროექტის განხორციელებამ აამაღლა საშუალო საფეხურის მოსწავლეთა ცნობიერება მავნე ჩვევებისა და მასზე დამოკიდებულების შესახებ.
მოსწავლეებმა შეძლეს ადიქციური ქცევის პრობლემაზე ცნობიერების ამაღლება, დემოკრატიული სახელმწიფოს როლის გააზრება ადიქციის პრობლემასთან ბრძოლაში, გააანალიზეს, ასერტულობის დაცვით როგორ თანამშრომლობენ აქტიური მოქალაქეები სოციალურ ჯგუფებთან ჯანსაღი ცხოვრების წესის პოპულარიზაციის საქმეში. მოსწავლეებმა გააანალიზეს ადიქციასთან ბრძოლის ლოკალური ქმედებების დროს გარე ორგანიზაციებთან არაძალადობრივი მეთოდებითა და სხვა ადამიანთა ინტერესების გათვალისწინებით თანამშრომლობის მნიშვნელობა.
პროექტმა ხელი შეუწყო სასკოლო საზოგადოებაში ჯანსაღი ცხოვრების წესის პოპულარიზაციას;
პროექტის ხელმძღვანელები ქეთევან ედიბერიძე, თეა სამხარაძე, თამარ მალაღურაძე
კომუნიკაციების კომისიამ, მედია და ინფორმაციული წიგნიერების გლობალური კვირეული საქართველოს განათლებისა და მეცნიერების სამინისტროში, მასწავლებელთა ფორუმით დაიწყო, რომელშიც მონაწილეობა მიიღო სამოქალაქო განათლების პედაგოგმა თეა სამხარაძემ.
კონკურსი 3 ეტაპისგან შედგება, ორი ეტაპი ჩატარდა საქართველოში.
წარმატებას ვუსურვებთ თითოეულ მათგანს!
