სკოლა ანაბასისის მე-9 კლასის მოსწავლეებმა -ეკოლოგთა , მკვლევართა კლუბისა და სამოქალაქო კლუბის წევრებმა მოაწყვეს კონფერენცია (კლუბის ლიდერები: თამარ მალაღურაძე, თეა სამხარაძე, ქეთევან ედიბერიძე) ,, ქიმია და მდგრადი განვითარება’’ მოსწავლეებმა საინტერესო პრეზენტაციები წარმოადგინეს: ,,ქიმიური დაბინძურებით გამოწვეული ეკოლოგიური პრობლემები’’, ,, სათბურის ეფექტი“, ,,ოზონის შრის გამოფიტვა’’, ,,მჟავა წვიმები’’, განსაკუთრებული ყურადღება კი გამახვილდა თემაზე ,,ქიმია და მდგრადი განვითარება; ‘’პრეზენტატორებმა აღნიშნეს , რომ ქიმია არის მდგრადი ტრანსფორმაციის გასაღები, ორი მნიშვნელოვანი მიზეზის გამო: მისი როლი, როგორც ისეთი პრობლემების გამომწვევი, როგორიცაა გარემოს დაბინძურება ან ჯანმრთელობის დაზიანება, მასიურად და გლობალურად უნდა შემცირდეს. ამავდროულად, ქიმია აუცილებელია ადამიანის კეთილდღეობისთვის.
იმის გამო, რომ ის უზრუნველყოფს გადაწყვეტილებების ფართო სპექტრს სხვადასხვა სფეროსთვის, როგორიცაა ჯანმრთელობა, კვება, კლიმატის დაცვა, მობილურობა, მაგალითად, მედიკამენტები და შესაბამისი მასალები და პროდუქტები, როგორიცაა ზოგიერთი პლასტმასი ან ელექტრონიკა. ქიმიასთან და ქიმიაში მდგრადი განვითარებისთვის აუცილებელი ტრანსფორმაციის სტრატეგიული მიზნები ყოვლისმომცველია.
მდგრადი განვითარების კონცეფციის გამოძახილია ქიმიის ახალი მიმართულება ,,მწვანე ქიმია“. იგი გასული საუკუნის 90-იან წლებში ჩამოყალიბდა და მისი მიზანია ისეთი ტექნოლოგიების შექმნა , რომლებიც ქიმიურ წარმოებას უსაფრთხოს გახდის და ამავდროულად ეკონომიკურად მომგებიანი იქნება. კონფერენციამ აამაღლა მოსწავლეთა ცნობიერება ეკოლოგიურ საკითხებზე.
მკვლევართა კლუბმა ,,ანაბასისმა” განახორციელა პროექტი ,, ხატვა ექსპერიმენტების შედეგებით!” სასკოლო ლაბორატორიაში ჩატარებული ექსპერიმენტების შედეგად მიღებულ იქნა სხვადასხვა ფერის პიგმენტები , რომელთა გამოყენებითაც ფერწერული ნამუშევრები შექმნეს კლუბის წევრებმა . პროექტზე მუშაობის პროცესში მოსწავლეები დაეუფლნენ კვლევის უნარ-ჩვევებს,დაამზადეს სხვადსხვა კონცენტრაციის ხსნარები, გამოიკვლიეს ნალექების მიღების ტექნიკები,დაკვირვება და ანალიზი აწარმოეს კათიონებისა და ანიონების თვისებითი რეაქციებზე , შედგენილი ფერების მიღებაზე და მიმდინარე პროცესების ქიმიაზე. ჩატარებული ექსპერიმენტების ,,ნარჩენებით“ შესრულებულმა ნახატებმა ქიმიასა და ხელოვნებას შორის კავშირიც დაადასტურა და მოსწავლეთა პირობისეული ცოდნის ფორმირებასაც შეუწყო ხელი. დაიგეგმა ფერთა პალიტრის გამრავალფეროვნება. თვალსაჩინოა , რომ ,,ქიმიამ შექმნა თავისი საგანი. ეს არის ხელოვნების მაგვარი შემოქმედებითობა“ . მარსელენ ბერტლო . ასევე მიღებული ცოდნისა და უნარების ყოველდღიურ ცხოვრებასთან კავშირებიც გამოიკვეთა, ნარჩენების მართვის გამოყენებული მეთოდი ,,მწვანე ქიმიის“ რამდენიმე მიმართულებას მოიცავს : უნარჩენო წარმოება, უსაფრთხო წარმოება, ნაკლები თანაპროდუქტები. პროექტი რეალისტურია საჭიროებს მცირე დანახარჯებს და ადვილად განხორციელდა სასკოლო ლაბორატორიაში.
პროექტმა მოსწავლეთა მოტივაცია გაზარდა საბუნებისმეტყველო მეცნიერებების მიმართ. ხელოვნებასთან ინტეგრაციამ ექსპერიმენტების არ მარტო გარეგნული ეფექტების არამედ ქიმიურ არსში ჩაწვდომის სურვილიც გაუჩინა მოსწავლეებს.ხალისით ჩაერთნენ პროექტში, მიღებული შედეგები გააცნეს თანატოლებს. პროექტის ხელმძღვანელები: ხელოვნების მასწავლებელი ნანა გიორგაძე და ქიმიის მასწავლებელი ქეთევან ედიბერიძე.
პროექტი მონაწილეობს ილიას სახელმწიფო უნივერსიტეტის საბუნებიმეტყველო განათლების კვლევითი ცენტრი SALiS და „მეცნიერება მთავარ როლში (Science on Stage) საქართველო“- ს მიერ ორგანიზებულ მესამე ეროვნულ ფესტივალში. ფესტივალის დევიზია – მასწავლებლები მასწავლებლებისთვის.
სპს თავაძე და კომპანია სკოლა ანაბასისში წარმატებით განხორციელდა პროექტი: „ვებრძოლოთ ადიქციას!“
პროექტის ტიპი: ინფორმაციული
პროექტის განხორციელების ვადები: აპრილ-მაისი
პროექტის სამიზნე ჯგუფი: VII- X კლასის მოსწავლეები
კავშირი ეროვნული სასწავლო გეგმის პრიორიტეტულ თემასთან/თემებთან: ჯანსაღი ცხოვრება
პროექტის შესაბამისობა სამიზნე ცნებებთან და მკვიდრ წარმოდგენებთან:
საზოგადოება, დემოკრატია, სამოქალაქო მონაწილეობა, მდგრადი განვითარება
კავშირი XXI საუკუნის რვა საკვანძო კომპეტენციასთან:
წიგნიერება, რაოდენობრივი წიგნიერება, სამოქალაქო კომპეტენცია;
პროექტის მიზანი: ადიქციური ქცევის პრობლემებისა და მასთან ბრძოლის შესახებ ცნობიერების ამაღლება, გაანალიზება და ჯანსაღი ცხოვრების წესის პოპულარიზაციის ხელშეწყობა სასკოლო თემში.
პროექტის ამოცანები:
1. მოსწავლემ შეძლოს ადამიანის ადიქციური ქცევის პრობლემების შესახებ ცნობიერების ამაღლება; იმის გააზრება, თუ რა შედეგები მოსდევს დამოკიდებულებას და რამდენად უარყოფითად აისახება ის ადამიანის პიროვნულ განვითარებაზე;
2. მოსწავლემ შეძლოს გააზრება, როგორ არეგულირებს საქართველოს კონსტიტუცია და საერთაშორისო დოკუმენტები ადამიანის უფლებების (ჯანმრთელობის) დაცვას და რამდენად მნიშვნელოვანია აქტიური მოქალაქეების პასუხისმგებლობა და ასერტული ქცევა ჯანსაღი ცხოვრების წესის პოპულარიზაციის, როგორც მავნე დამოკიდებულებების ჩამოყალიბების ეფექტური პრევენციის თვალსაზრისით;
3. მოსწავლემ შეძლოს გაცნობიერება, თუ რამდენად ხელსაყრელია ადიქციასთან ბრძოლის საქმეში საზოგადოებრივ ინსტიტუტებთან, არასამთავრობო ორგანიზაციებთან, სახელმწიფო სტრუქტურებთან თანამშრომლობა და არაძალადობრივი ქმედითი ნაბიჯების განხორციელება სხვა ადამიანთა ინტერესების გათვალისწინებით;
4. მოსწავლემ შეძლოს იმის გააზრება, თუ რატომ არის მნიშვნელოვანი აქტიური მოქალაქეების როლი ადიქციასთან ბრძოლასა და მომავლის პერსპექტივების გათვალისწინებით დაგეგმილ ლოკალურ ქმედებებში ჯანსაღი ცხოვრების წესის პოპულარიზაციის მისაღწევად.
პროექტის ფარგლებში დაიგეგმა და განხორცილედა სხვადასხვა აქტივობები:
აქტივობა 1. გამოკითხვა
აქტივობის მიზანი: მოსწავლეებმა გაიგონ, რა იციან რესპოდენტებმა ადიქციური ქცევის პრობლემის შესახებ, რისი საჭიროება გამოიკვეთება გამოკითხვის შედეგად, რომ დაგეგმონ შესაბამისი ინტერვენციები.
აქტივობის აღწერა:
• მოსწავლეებმა მოაწყვეს სამუშაო შეხვედრა და ჩამოაყალიბეს კითხვარები;
• მოსწავლეებმა შეიმუშავეს სხვადასხვა კითხვარი (მოსწავლისთვის, მშობლისთვის, მასწავლებლისთვის);
ჩატარდა ლექცია-სემინარი ,,მავნე დამოკიდებულებებისაგან გამოწვეული ფსიქო-სომატური და ქცევითი დარღვევების შესახებ არასრულწლოვნებში“.
აქტივობის მიზანი: ხელი შეეწყოს მოსწავლეებში ადამიანის ადიქციური ქცევის პრობლემების შესახებ ცნობიერების ამაღლებას; იმის გააზრებას, თუ რა შედეგები მოსდევს დამოკიდებულებას, რომელიც ძალიან საშიშია ადამიანის პიროვნული განვითარებისთვის.
მოსწავლეების მიერ პრეზენტაციის ჩატარება სასკოლო თემში სახელწოდებით ,,ფსიქიკური და ქცევითი დამოკიდებულებების შესახებ“.
აქტივობის მიზანი: მოსწავლეებმა შეისწავლონ ადიქციური ქცევის პრობლემები და გაიაზრონ მიჯაჭვულობის საშიში გავლენა ადამიანის პიროვნულ განვითარებაზე.
აქტივობის აღწერა:
• მოსწავლეები დაიყვნენ მცირე ჯგუფებად;
• მოიძიეს ლიტერატურა და დაამუშავეს;
• მოაწყვეს პრეზენტაცია სასკოლო თემში.
აქტივობა 4 . საინფორმაციო პლაკატების და პოსტერების შექმნა.
საინფორმაციო პლაკატების შექმნა სლოგანით ,,ვებრძოლოთ ადიქციას და ვიცხოვროთ ჯანსაღი ცხოვრების წესით!“;
აქტივობის მიზანი: მოსწავლეებმა გაიაზრონ აქტიური მოქალაქის მისია დემოკრატიულ სახელმწიფოში, რომელიც ებრძვის ადიქციას და ასერტული ქცევით, ტოლერანტობის პრინციპებით თანამშრომლობს სოციალურ ჯგუფებთან ჯანსაღი ცხოვრების პოპულარიზაციის მიზნით.
აქტივობის აღწერა:
• მოსწავლეებმა მოაწყვეს სამუშაო შეხვედრა საინფორმაციო პლაკატების/პოსტერების შექმნასთან დაკავშირებით;
• შეთანხმდნენ პლაკატის/პოსტერის ფორმატის, შრიფტისა და ლოგოს შემუშავებაზე;
• შექმნეს პლაკატები/პოსტერები და სასკოლო სივრცეში განათავსეს;
მოსწავლეებმა განახორციელეს ფეხით მსვლელობა ზესტაფონში და ესტუმრნენ სპორტულ სკოლას, სადაც სკოლის დირექტორმა ბატონმა ზაზა მახათაძემ გულთბილი მასპინძლობა გაუწია მათ, ესაუბრა იმ წარმატებაზე, რომელიც ზესტაფონელმა სპორტსმენებმა რესპუბლიკურ და საერთაშორისო ასპარეზზე მიაღწიეს. შედეგები ნამდვილად არ არის მოკრძალებული. ორი სახელოვანი მწვრთნელის სიმონ საყვარელიძის და ჯონდო ჯანიაშვილის ვარსკვლავი სწორედ ამ დღეს გაიხსნა და სკოლის კიბის საფეხურებზევე შებიჯებისას გრძნობ პატივისცემას იმ ადამიანების მიმართ , რომლებმაც სასახელო სპორტსმენები გაუზარდეს სამშობლოს. მოსწავლეებმა სვლა განაგრძეს სპორტის სასახლისაკენ , დაესწრნენ რაიონულ ჩემპიონატს მაგიდის ჩოგბურთში, გაიზიარეს გამარჯვებულთა სიხარული. ანაბასისის რამდენიმე მოსწავლე ჩართული იყო რაიონის მიერ დაგეგმილ ღონისძიებებში.
მოსწავლეები ეწვივნენ ზესტაფონში არსებულ მრავალფუნქციურ ქალთა ესთეტიკისა და ფიტნეს ცენტრს,სადაც არის გარემო ქალბატონებმა იზრუნონ სილამაზე , ჯანმრთელობაზე და პოზიტიურ განწყობაზე. მათ გულთბილად უმასპინძლა ცენტრის ხელმძღვანელმა თეო სუთიძემ.
მოინახულეს ვაჟთა ფიტნეს კლუბი, რომელშიც ჯანმრთელობას ვაჟები იკაჟებენ.
ბლექსი საცურაო აუზში სტუმრობისას წარმომადგენელი მოსწავლეებს ცურვის მნიშვნელობაზე ესაუბრა .,, ცურვა საოცრად კარგი გზაა თქვენი სხეულისა და გულ-სისხლარღვთა სისტემის ასამუშავებლად. ერთსაათიანი ცურვა იმდენ კალორიას წვავს, რამდენსაც სირბილი , თანაც ძვლები და სახსრები ბევრად ნაკლებ ზეწოლას განიცდის. ‘’ აღნიშნა მან.
ჩატარებულმა ღონისძიებებმა მოსწავლეები კიდევ ერთხელ დაარწმუნა ჯანმრთელობა უფლებაა და არა პრივილეგია. მას დიდი გაფრთხილება უნდა.
განხორციელებული ღონისძიებები ემსახურებდა სპორტის პოპულარიზაციას, რომელიც მოსწავლეთა აქტიური ჩართულობით წარიმართა.
აქტივობა 6. მოსწავლეთა კონფერენცია ,, ჯანსაღი ცხოვრების წესი უალტერნატივოა“
ჩატარდა მოსწავლეთა კონფერენცია ,, ჯანსაღი ცხოვრების წესი უალტერნატივოა“ ჯანმრთელობის დაცვის მსოფლიო ორგანიზაციის უკანასკნელი მონაცემებით, ადამიანის ჯანმრთელობის მდგომარეობა 15%-ით დამოკიდებულია სამედიცინო სამსახურის ორგანიზაციაზე, 15%-ით – გენეტიკურ თავისებურებებზე, ხოლო 70%-ით – კვებისა და ცხოვრების წესზე.
დღეს უკვე ეჭვს არ იწვევს ის გარემოება, რომ რაციონალური კვება ჯანმრთელობის შენარჩუნების, ადამიანის ორგანიზმის ნორმალური ზრდისა და განვითარების ძირითადი პირობაა. სრულფასოვანი საკვები გულისხმობს არა მარტო მის ენერგეტიკულ ღირებულებას, ცილებით, ცხიმებითა და ნახშირწყლებით დაბალანსებული რაციონის არსებობას, არამედ მის უზრუნველყოფას ვიტამინებით, მიკროელემენტებითა და მინერალებით. სწორედ ვიტამინებზე გაკეთდა ძირითადი აქცენტი პრეზენტატორების მიერ. სკოლაში მოეწყო პოსტერების გამოფენა ჯანსაღი ცხოვრების წესის თემატიკაზე.
აქტივობა 7. ვიდეორესურსის ჩვენება
მოსწავლეთა სასკოლო კლუბების (სამოქალაქო განათლების ,მკვლევართა და ეკოკლუბის)და თვითმმართველობის ინიციატივითა და სკოლის ადმინისტრაციის მხარდაჭერით ვიდეორესურსის ჩვენების დაგეგმვა სასკოლო თემში ადიქციის პრობლემასა და მასთან ბრძოლის გზებზე.
აქტივობის მიზანი: სასკოლო თემმა გაიაზროს და გააცნობიეროს ადიქციის პრობლემის შედეგები, მასთან ბრძოლის აუცილებლობა დაინახოს და დაგეგმოს პრევენციისკენ მიმართული ღონისძიებები.
აქტივობის აღწერა:
მოსწავლეთა სასკოლო კლუბების (სამოქალაქო განათლების ,მკვლევართა და ეკოკლუბის)და თვითმმართველობის ინიციატივითა და სკოლის ადმინისტრაციის მხარდაჭერით სკოლის სააქტო დარბაზში მოეწყო ვიდეორესურსის ჩვენება ადიქციის პრობლემასა და მასთან ბრძოლის გზებზე სასკოლო თემის ინფორმირების მიზნით. სასკოლო თემის წევრებმა მიიღეს ინფორმაცია, იმსჯელეს და დაფიქრდნენ არსებულ პრობლემასა და გადაჭრის გზებზე;
საჭირო რესურსი:
რა არის ადიქცია და როგორია მასთან გამკლავების გზები
მოსწავლეებმა შეადგინეს კითხვარი და გამოკითხეს ზესტაფონში არსებული აფთიაქის თანამშრომლები; კითხვები მრავალფეროვანი იყო და მოიცავდა შემდეგ საკითხებს: რომელი სახის დაავადებებია გავრცელებული ჩვენს მუნიციპალიტეტში სხვადასხვა ასაკობრივი ჯგუფის ადამიანებში? რომელი სახის მედიკამენტებია ყველაზე მოთხოვნადი? მიუწვდებათ თუ არა ხელი მომხმარებლებს წამლის ფასზე? აღემატება თუ არა დაავადებათა პრევენციაში დახარჯული თანხები მკურნალობაში დახარჯულ თანხებს? კვლევის შედეგები მოსწავლეებმა გაუზიარეს ერთმანეთს და გამოიტანეს საერთო დასკვნები;
აქტივობა 9.განმეორებითი კვლევა/გამოკითხვა;
მოსწავლეების მიერ სასკოლო საზოგადოებაში განმეორებითი გამოკითხვის ჩატარება ,,რა შევისწავლე ადიქციისა და ჯანსაღი ცხოვრების წესის შესახებ?“ და შედეგების ანალიზი;
აქტივობის მიზანი: მოსწავლეებმა დასკვნები გააკეთონ, როგორ განხორციელდა პროექტის მიზანი, რამ იმუშავა, რამ ვერა და, ასევე, შემდგომი ღონისძიებები დაგეგმონ; რა ინფორმაცია და ცოდნა არსებობს სასკოლო თემში ადიქციისა და ჯანსაღი ცხოვრების წესის შესახებ.
აქტივობის აღწერა:
• მოსწავლეებმა მოაწყვეს სამუშაო შეხვედრა, შეადგინეს კითხვარები;
• მოსწავლეებმა შეიმუშავეს სხვადასხვა კითხვარი (მოსწავლისთვის, მშობლისთვის, მასწავლებლისთვის);
პროექტის დასასრულს მოსწავლეებმა წარმოადგინეს პროექტის შედეგები:
პროექტის განხორციელების დროს მოსწავლეებმა გააცნობიერეს, რომ ადამიანს აქვს თავისუფალი განვითარებისა და ჯანმრთელობის დაცვის უფლება; საქართველოს კონსტიტუცია და საერთაშორისო დოკუმენტები ამ უფლებების დაცვას უზრუნველყოფს.
მოსწავლეები თანამშრომლობდნენ ერთმანეთთან, მასწავლებლებთან, მშობლებთან, სკოლის ადმინისტრაციასთან, მოსწავლეთა თვითმმართველობასთან, სასკოლო კლუბებთან, გარე ორგანიზაციებთან.
პროექტის განხორციელების შედეგად გაიზარდა სასკოლო საზოგადოების ჩართულობა სკოლის ცხოვრებაში.
პროექტის განხორციელებამ აამაღლა საშუალო საფეხურის მოსწავლეთა ცნობიერება მავნე ჩვევებისა და მასზე დამოკიდებულების შესახებ.
მოსწავლეებმა შეძლეს ადიქციური ქცევის პრობლემაზე ცნობიერების ამაღლება, დემოკრატიული სახელმწიფოს როლის გააზრება ადიქციის პრობლემასთან ბრძოლაში, გააანალიზეს, ასერტულობის დაცვით როგორ თანამშრომლობენ აქტიური მოქალაქეები სოციალურ ჯგუფებთან ჯანსაღი ცხოვრების წესის პოპულარიზაციის საქმეში. მოსწავლეებმა გააანალიზეს ადიქციასთან ბრძოლის ლოკალური ქმედებების დროს გარე ორგანიზაციებთან არაძალადობრივი მეთოდებითა და სხვა ადამიანთა ინტერესების გათვალისწინებით თანამშრომლობის მნიშვნელობა.
პროექტმა ხელი შეუწყო სასკოლო საზოგადოებაში ჯანსაღი ცხოვრების წესის პოპულარიზაციას;
პროექტის ხელმძღვანელები ქეთევან ედიბერიძე, თეა სამხარაძე, თამარ მალაღურაძე
სკოლა ანაბასისის ეზოს ახალი ბინადარნი ჰყავს . მოსწავლეთა მოერ შეგროვებულმა მაკულატურამ უკვე მეორე სიცოცხლე დაიწყო. მაკულატურიდან მიღებული თანხით ,სკოლის ეკოკლუბელებმა მცენარეები საგულდაგულოდ შეარჩიეს , შეიძინეს და სკოლის ეზოში მიუჩინეს ბინა. გაეცნენ მათი მოვლის წესებს და ცდილობენ სათანადო პირობები შეუქმნან მათ. ეს ლამაზი მცენარეებია :კამელია რომელიც მარადმწვანე ხე-ბუჩქია. მისი 80-ზე მეტი სახეობა გავრცელებულია აზიის ტროპიკებსა და სუბტროპიკებში. ნორჩი ყლორტებისაგან ამზადებენ ჩაის. აღნიშნული მცენარე დიდ ყურადღებასა და მოწონებას იმსახურებს თავისი სილამაზით. მისთვის დამახასიათებელია მოვლის შემდეგი პირობები და ღონისძიებები: პირველ რიგში კამელია მოთხოვნას უყენებს ნიადაგს მისთვის ოდნავ მჟავა ტიპის ნიადაგი.
აზალია -ულამაზესი დეკორატიული მცენარეა . შემოტანილი იქნა ინგლისიდან. უყვარს ტენიანი ნიადაგი და სითბო. ეს მცენარე ითვლება ოჯახში ბედნიერების მომტანად, მას ბრძენთა ყვავილსაც ეძახიან, მას უფრთხიან ჭიანჭველები, ფოთლები აცხრობს თვალის შეშუპებას, მისი ცქერისას თვალები მშვიდდება, სწორ პირობებს თუ შევუქმნით ნამდვილად გაგვახარებს.
სკოლის ეზოს უკვე მკვიდრ , ძლიერ მარადმწვანე მცენარეებს შეემატა კედარი -მარადმწვანე ლამაზი ხე, იგი ნელა იზრდება, თუმცა შეუძლია შთამბეჭდავი სიმაღლის მიღწევა. ყველა ტიპის ნიადაგს კარგად ეგუება. ხის ქერქს არომატული სუნი აქვს. ანტისეპტიკური მცენარეა, ინფექციებთან მებრძოლი. პრაქტიკულად მთელი მცენარე შეიძლება გამოვიყენოთ გაცივების ,ალერგიის დასხვათა სამკურნალოდ ქერქი , თესლი, ეთერზეთი.
დღეგრძელობა და გახარება ახალმოსახლეებს! კიდევ გამოვთქვამთ მადლიერებას ყველა მოსწავლის, მასწავლებლის, მშობლის მიმართ, ვინც მაკულატურის შეგროვების აქციაში მიიღო მონაწილეობა! დარწმუნებულები ვართ ეკოკლუბელების ახალი წამოწყება ,,მწვანე ყუთების აქცია“, საშუალებას მოგვცემს კვლავ გავამრავალფეროვნოთ ჩვენი სკოლის ეზო საინტერესო და უნიკალური მცენარეებით.
მოსწავლეთა და მასწავლებელთა ყოველწლიური კონფერენცია ქიმიაში ,,ოქროს რიცხვი ‘’ 2023წლის 14 მაისს გაიმართა აკაკი წერეთლის უნივერსიტეტში. დასავლეთ კონფერენციაში მონაწილეობდა დასავლეთ საქართველოს სხვადასხვა რაიონის ნორჩ ქიმიკოსთა კლუბის წევრების მიერ განხორციელებული პროექტები. სკოლა ანაბასისის მკვლევართა კლუბმა კონფერენციაზე წარმოადგინა პროექტი ,,როგორ შეიძლება განვსაზღვროთ საკვების კალორიულობა საკუთარი ხელით“ კლუბის წევრებმა მე-9 კლასის მოსწავლეებმა საბა ბახტაძემ, ანზორ მაღლაკელიძემ და ბექა ფერაძემ წარმოადგინეს საკუთარი ხელით დამზადებული კალორიმეტრებით ჩატარებული კვლევის შედეგები, ისინი დაეყრდნენ იმ ცოდნას, რომელიც ფიზიკის , ქიმიის , ბიოლოგიის სასკოლო კურსში შეიძინეს. პროექტის ხელმძღვანელია ქიმიის პედაგოგი ქეთევან ედიბერიძე.მათი ნაშრომი შეაფასეს კონფერენციის ორგანიზატორებმა . კონფერენციაზე ანაბასისელები სხვა კლუბების ნამუშევრებსაც გაეცნენ და ახალი იდეებიც გაუჩნდათ სამომავლოდ სამუშაოდ. მომავალი წარმატებები მკვლევართა კლუბ ,,ანაბასისს“
ინტელექტუალური თამაშები თანამედროვეობის ერთ-ერთი ყველაზე სასარგებლო გასართობია, რომელიც ხელს უწყობს მეხსიერების განვითარებას და პოტენციური შესაძლებლობების მაქსიმალურ რეალიზებას.
საბაზო საფეხურის სტანდარტის მიხედვით, ხელოვნების სწავლების მიზანია, მოსწავლეს აღუძრას ხელოვნების ნაწარმოებთან ,,ურთიერთობის“ სურვილი, უბიგოს აზროვნებისაკენ, შემოქმედებითი აქტივობისაკენ. ასევე მოსწავლეს მისცეს ცოდნა ხელოვნების ისტორიის სფეროში, რათა მან შეძლოს ხელოვნების ნაწარმოების აღქმა, აღძრული ემოციების და შთაბეჭდილებების გაანალიზება, საკუთარი აზრის გამომუშავება და მკაფიოდ ჩამოყალიბება.
ამ მიზნით სკოლა ,,ანაბასისში“ ხელოვნების პედაგოგის ნანა გიორგაძის ხელმძღვანელობით ორ ეტაპად ჩატარდა კონკურსი “რა, სად, როდის?”, რომელიც მოიცავდა ხელოვნების ისტორიის საკითხებს.
2023 წლის 11 აპრილს ტესტირების სახით ჩატარდა პირველი ტური, რომელშიც მონაწილეობდა 28 მოსწავლე .
ანზორ მაღლაკელიძე( კაპიტანი), ბექა ფერაძე, ნია ცერცვაძე, საბა ბახტაძე, დავით კუპატაძე.
კონკურსის მეორე ეტაპი 11 მაისს გაიმართა და მოიცავდა შემდეგ საკითხებს:
1. ხელოვნების ნიმუშის მიხედვით ამოიცანით მიმდინარეობები.
2. მოცემული ფრაგმენტის მიხედვით ამოიცანით მოქანდაკე, მხატვარი.
3. დაალაგე ქრონოლოგიურად ერთი მხატვრის შემოქმედება.
4. ბავშვობის ფოტოს მიხედვით ამოიცანით მხატვარი.
5. ეკრანიზაცია.
6. ფინალური კითხვები.
7. რა დევს შავ ყუთში?
ჟიურის შემადგენლობაში შედიოდნენ სკოლის დირექტორი ქეთევან ედიბერიძე, სკოლის ფსიქოლოგი მარიამ წერეთელი, მეთერთმეტე კლასის მოსწავლე თამარ კაპანაძე.
სხვადასხვა ნომინაციაში გამარჯვებული მოსწავლეები დაჯილდოვდნენ ფასიანი საჩუქრებით.რომელიც გადაცა ქლბატონმა ნანა გიორგაძემ, სკოლის ბიბლიოთეკარმა თამარ გვალიამ, საკუთარი პრიზი გადაცა ბლიც შეკითხვებში გამარჯვებულ მონაწილეს.
თამაში სასიამოვნო ემოციებით დატვირთულ შემოქმედებით გარემოში წარიმართა და მაყურებელთა მოწონება დაიმსახურა.
სკოლა ანაბასისში სამოქალაქო განათლების კლუბის, ეკოკლუბის, მკვლევართა კლუბის და მოსწავლეთა თვითმმართველობის აქტიური მონაწილეობით განხორციელდა პროექტი „ ორად გაყოფილი მსოფლიო“.
პროექტის მიზანი:
მეორე მსოფლიო შესახებ ინფორმირებულობის გაზრდა და მშვიდობის აუცილებლობის გააზრება.
ცალკეულ ადამიანებზე, ქვეყნებსა და კაცობრიობაზე საომარი მოქმედებების გავლენის შესახებ მსჯელობა და ცნობიერების ამაღლება.
სასკოლო საზოგადოებაში კონფლიქტების ამოცნობისა და მისი პრევენციის ხელშეწყობა.
პროექტის ფარგლებში განხორციელდა სხვადასხვა აქტივობები:
1. კვლევა – მეორე მსოფლიო ომი და საქართველო;
2. თანატოლგანმანათლებელთა საინფორმაციო შეხვედრა- „სიძულვილის ენა და მისი შედეგები;
3. ფილმის ჩვენება/განხილვა – მეორე მსოფლიო ომი და მისი შედეგები; „კურდღელი ჯოჯო“
4. პრეზენტაცია – ნიუნბერგის პროცესი;
5. დისკუსია – „ ვინ არის დამნაშავე? “
კაცობრიობის ისტორიაში ყველაზე მასშტაბურმა და სისხლისმღვრელმა მეორე მსოფლიო ომმა იმსხვერპლა 60 მილიონამდე ადამიანის სიცოცხლე, მათ შორის 20 მილიონამდე მშვიდობიანი მოქალაქის.
ომის სულისკვეთება გაჟღენთილი იყო მძლავრი იდეოლოგიზმით, რამაც ურიცხვი სამხედრო დანაშაული და მშვიდობიან მოსახლეობაზე სისტემატიური ძალადობა გამოიწვია, რომელიც გენოციდშიც კი გადაიზარდა.
მეორე მსოფლიო ომში, საქართველომ, სტალინის სამშობლომ, პროცენტულად ყველაზე დიდი მსხვერპლი გაიღო. ომში საქართველოდან 700 000 ადამიანი წავიდა, აქედან ნახევარი, უკან არ დაბრუნებულა.
1945 წლის 8 მაისს გერმანიის მიერ კაპიტულაციის გამოცხადების შემდეგ 9 მაისი ფაშიზმზე გამარჯვების დღედ გამოცხადდა.
პროექტის ორგანიზებაში კლუბის მეურვეებთან ერთად მონაწილეობდა ისტ-ის პედაგოგი ქრისტინე ჩუბინიძე.
სკოლა ანაბასისის მკვლევართა, სამოქალაქო განათლებისა და ეკოლოგთა კლუბის წევრები, კურატორები თამარ მალაღურაძე, თეა სამხარაძე, ქეთევან ედიბერიძე , ა (ა)იპ სოფლის განვითარების სააგენტოს იმერეთის რეგიონულ სამსახურს სტუმრობდნენ . მათ გულთბილი მასპინძლობა გაუწიეს სამსახურის მეცნიერ თანამშრომელმა თემურ ქათამაძემ , მაია მახათაძემ.სოფლის განვითარების სააგენტოს იმერეთის რეგიონულ სამსახურის უფროსმა კი დავით ჯინორიძემ საინტერესო პრეზენტაცია წარმოგვიდგინა სოფლის განვითარების სააგენტოს საქმიანობის შესახებ. მან აღნიშნა,რომ ,,ჩვენი უპირველესი მამოძრავებელი, სოფლად რეალური კეთილდღეობის შექმნაა. ჩვენი ამოცანა სოფელსა და ქალაქს შორის ძლიერი ხიდის აშენებაა. ხიდის, რომელიც წლების მანძილზე დაგროვილ ცოდნას, თანამედროვე სამყაროს სიახლეებთან გააერთიანებს.“
2015 წლიდან არაერთმა ადამიანმა ისარგებლა სახელმწიფოს მიერ შეთავაზებული პროგრამებით და გაიუმჯობესეს საკუთარი პირობები. შეიქმნა საფერმერო თუ კოოპერატიული მეურნეობები არაერთი მიმართულებით. ინფორმაციები წარმატებული ადამიანების შესახებ და მიმდინარე პროგრამების შესახებ განთავსებულია მისამართზე http://www.rda.gov.ge/articles/stories. სიახლეა, რომ 2023 წელს, შეღავათიანი აგროკრედიტის პროექტის ბიუჯეტი იზრდება და 200 მლნ ლარს შეადგენს. ბიუჯეტის ზრდის მიზანია, აგროწარმოებაში ჩართული ან დაინტერესებული პირებისთვის მეტი ფინანსური რესურსი იყოს ხელმისაწვდომი როგორც შეღავათიანი აგროკრედიტის, ასევე აგროლიზინგის პროექტების საშუალებით.„შეღავათიანი აგროკრედიტი“ პროექტი სოფლის მეურნეობის პირველადი, გადამმუშავებელი და აგროპროდუქციის შენახვის მიმართულებებით ფინანსურ მხარდაჭერას ითვალისწინებს. მევენახე ფერმერები აგროდაზღვევის პროგრამის ფარგლებში, 50%-ის ნაცვლად 70%-იანი თანადაფინანსებით ისარგებლებენ. თუ წარმოადგენთ სასოფლო-სამეურნეო კოოპერატივს, მეფუტკრეობის მიმართულებით სახელმწიფო გთავაზობთ ფინანსურ მხარდაჭერას. პროგრამა მხარს უჭერს სასოფლო-სამეურნეო კოოპერატივებს, კოოპერატივებს სადაც მეპაიების არანაკლებ 50% ქალებია, ან დევნილები, ასევე გამყოფი ხაზისა და მაღალმთიანი დასახლები მაცხოვრებლებია. მოქმედებს სადაზღვევო პოლისი , რომელიც ფარავს ისეთ სადაზღვევო რისკებს, როგორიცაა, სეტყვა, წყალდიდობა, ქარიშხალი და საშემოდგომო ყინვა . ეს მხოლოდ შეთავაზებული პირობების ნაწილია. აღნიშნული ინფორმაციების უმრავლესობა სიახლე იყო მოსწავლეებისათვის. არაერთი კითხვით მიმართეს ბატონ დავითს და ამომწურავი პასუხები მიიღეს. მათ მადლობა გადაუხადეს მასპინძლებს და გამოხატეს მზადყოფნა მოსმენილი ინფორმაციები მიაწოდონ თავიანთ ახლობლებს, საზოგადოებას და აამაღლონ მათი ცნობიერება მიმდინარე პროგრამების შესახებ. წარმატებები ჩვენს მასპინძლებს თავიანთ საქმიანობაში!
როგორ შეიძლება განვსაზღვროთ საკვების კალორიულობა საკუთარი ხელით
მკვლევართა კლუბმა ,,ანაბასისისმა“ განახორციელა პროექტი: როგორ შეიძლება განვსაზღვროთ საკვების კალორიულობა საკუთარი ხელით.
საკვები პროდუქტების ეტიკეტზე მითითებულია ,,ენერგეტიკული ღირებულება“, რომელიც კალორიებით არის გამოსახული. კალორიების მიხედვით ურჩევენ დიეტოლოგები პაციენტებს ჯანსაღი კვებისათვის რომელი საკვები და რა რაოდენობით მიირთვან.
ორგანიზმისათვის აუცილებელი ენერგია, რომელსაც საკვებიდან ვიღებთ წარმოიქმნება საკვებში არსებული ორგანული ნივთიერებების დაშლისა და დაჟანგვის შედეგად.ეს ენერგია რაოდენობრივად იმ სითბოს ტოლია , რომელიც ამ ნივთიერების დაწვის შედეგად გამოიყოფა.
მკვლევართა კლუბის წევრების მიზანი იყო საკვები პროდუქტის ენერგეტიკული ღირებულების განვსაზღვრა საკუთარი ხელით დამზადებული მარტივი ხელსაწყოს კალორიმეტრის დახმარებით.
კვლევაში გამოვიყენეთ საკუთარი ხელით დამზადებული კალორიმეტრები. იგი დამზადდა საკვები პროდუქტების შესანახი ლითონის კონტეინერებისაგან. კონტეინერის ფსკერზე მოთავსებულია კორპის საცობი, რომელშიც ჩარჭობილია ნემსი. ამ ნემსზე დავამაგრეთ საკვლევი ნიმუში და მოუკიდეთ ცეცხლი, წვისას გამოყოფილმა ენერგიამ გაათბო შიდა კონტეინერი, რომელშიც წყალი ესხა.მასში მოთავსებული გვქონდა თერმომეტრი და ვინიშნავდით ჩვენებებს . დაწვის შემდეგ დარჩენილი ნიმუშის მასა ავწონეთ და მონაცემები შევიტანეთ ცხრილში თითოეულ ექსპერიმენტს ვიმეორებდით სამჯერ.
საკვები პროდუქტების კვებითი ღირებულება შეიძლება განვსაზღვროთ საკუთარი ხელით დამზადებული მარტივი ხელსაწყოს, კალორიმეტრის დახმარებით.
გამოვიკვლიეთ თხილის, ნიგოზის და არაქისის ენერგეტიკული ღირებულება. დავადგინეთ , რომ აღნიშნული პროდუქტები მაღალი კალორიულობით გამოირჩევიან. პროექტი განახორციელეს მე-9 კლასის მოსწავლეებმა: ბექა ფერაძემ, საბა ბახტაძემ და ანზორ მაღლაკეკიძე. კლუბის კურატორი ქეთევან ედიბერიძე.
