_სკოლა ,,ანაბასისის” მე-7 კლასის გასვლითი პროექტი ინგლისურ ენაზე. _პრეზენტაცია,სახელწოდებით ,,იმერეთი- ეს საინტერესოა”
_პრეზენტაცია მოიცავდა 12 ლოკაციას
![](https://anabasisi.edu.ge/wp-content/uploads/2024/04/435399833_7446434168803471_2745462188762884512_n-1024x577.jpg)
![](https://anabasisi.edu.ge/wp-content/uploads/2024/04/435424502_7446405872139634_4188099806331966753_n-921x1024.jpg)
![](https://anabasisi.edu.ge/wp-content/uploads/2024/04/435460772_7446174498829438_3666559626792548585_n-1024x887.jpg)
![](https://anabasisi.edu.ge/wp-content/uploads/2024/04/435470808_7446478968798991_7781972315975637773_n-577x1024.jpg)
![](https://anabasisi.edu.ge/wp-content/uploads/2024/04/436253635_7446068265506728_3157428180100060982_n-1.jpg)
![](https://anabasisi.edu.ge/wp-content/uploads/2024/04/436277578_7446068915506663_969017335047193876_n-1-546x1024.jpg)
![](https://anabasisi.edu.ge/wp-content/uploads/2024/04/436277578_7446068915506663_969017335047193876_n-2-546x1024.jpg)
![](https://anabasisi.edu.ge/wp-content/uploads/2024/04/436361982_7446404952139726_2029928343287964087_n-576x1024.jpg)
_სკოლა ,,ანაბასისის” მე-7 კლასის გასვლითი პროექტი ინგლისურ ენაზე. _პრეზენტაცია,სახელწოდებით ,,იმერეთი- ეს საინტერესოა”
_პრეზენტაცია მოიცავდა 12 ლოკაციას
მკვლევართა კლუბ ანაბასისის STEM მიმართულების განყოფილებამ განახორციელა პროექტი : ავტომატური სათბურის შექმნა .
პროექტის მიზანი: მცენარეთა სასიცოხლო პირობების შექმნა ხელოვნურ გარემოში.
პროექტის მენტორი ქუთაისის ტექნოლოგიური უნივერსიტეტის სტუდენტი, სკოლის კურდამთავრებული გიორგი ურიადმყოფელი, ავტორები მე-10 კლასის მოსწავლეები ბექა ფერაძე და ნიკოლოზ ცხადაძე. პროექტში ჩაერთნენ მე-10 კლასის მოსწავლეები: საბა ბახტაძე , სანდრო ვარდოსანიძე, საბა გეწაძე, ლუკა ფუტკარაძე,ნიკა ჩინჩალაძე. მე-8 კლასელები ბარბარე კობერიძე და ბარბარე კაპანაძე. პროექტზე მუშაობის პროცესი ითვალისწინებდა სხვადასხვა საგნებში ქიმია , ფიზიკა ბიოლოგია , ტექნოლოგიებში, ინჟინერიაში შეძენილი ცოდნის ინტეგრაციას. გუნდის ერთობლივმა, გულმოდგინე მუშაობამ შედეგი გამოიღო არდუინოს გამოყენებით დაწერეს პროგრამა და პრაქტიკულად შეიქმნა ავტომატური სათბური. მისი მუშაობის პრინციპი შემდეგია, ტენიანობის სენსორი, ტენიანობის გარკვეული ზღვარის გადალახვის შემდეგ სიგნალს უგზავნის პროცესორს, რომელიც შემდეგ წყლის მტუმბავ მექანიზმთან აგზავნის 5v მუდმივ დენს, რის შედეგადაც წყლის მილში მიედინება ნაკადი, წყლის მილი დახვრეტილია სტანდარტის გათვალისწინებით, მცენარეები ირწყვება ტენიანობის ზღვრულ ნორმამდე. მიწოდებული სიგნალის საფუძველზე, სარწყვი სისტემა ირთვება და მთავრდება მორწყვა. მკვლევარები აგრძელებენ მუშაობას, რათა დამატებითი ელექტრონული ტექნოლოგიების დახმარებით გაზარდონ ავტომატური სათბურის ეფექტურობა და ზრუნავენ მცენარეს შეუნარჩუნონ სტაბილური PH გარემო.
პროექტის ავტორები #ნიკუშაცხადაძე და #beqaferadze მთელ დღეებს ატარებენ სკოლის STEM ლაბორატორიაში , სასურველი შედეგების მისაღწევად!
წარმატებები მკვლევარებს!
საქართველოს თავდაცვის სამინისტროსა და საქართველოს განათლების, მეცნიერებისა და ახალგაზრდობის სამინისტროს ერთობლივი პროექტის ,,ჩვენი ჯარი”-ს ფარგლებში დღეს , 2024 წლის 3 აპრილს, სპს თავაძე და კომპანია სკოლა ანაბასისში სასკოლო საზოგადოების წევრებთან საინფორმაციო შეხვედრა გაიმართა.
შეხვედრას უძღვებოდნენ მე-3 ქვეითი ბრიგადის სამხედრო მოსამსახურეები კაპრალსპეციალისტი მამუკა კაპანაძე და კაპრალსპეციალისტი გაგა ხუბუკელაშვილი.
ჯარისკაცებმა მოსწავლეებს სალექციო ფორმატში პრეზენტაციების სახით თავდაცვის ძალების ისტორია, ამოცანა, თავდაცვის ძალებში მოხვედრისა და სამხედრო განათლების მიღების შესაძლებლობები, თავდაცვის სფეროში მიმდინარე რეფორმები, ნატო-საქართველოს ურთიერთობები გააცნეს და საერთაშორისო მისიებში, საერთაშორისო სწავლებებში საქართველოს მონაწილეობის შესახებ ინფორმაცია მიაწოდეს.
მოსწავლეებმა საქართველოს ეროვნული გმირების,თითოეული მათგანის გმირობის ისტორია უშუალოდ ჯარისკაცებისგან მოისმინეს.
თავდაცვის სამინისტროს წარმომადგენლებმა მოსწავლეებს მათთვის საინტერესო კითხვებზე პასუხის მიღების, საკუთარი შეხედულებების დაფიქსირებისა და თემატურად მომზადებულ-შერჩეული, მაღალი ხარისხის ფოტო და ვიდეომასალის ხილვის შესაძლებლობა შესთავაზეს.
სკოლა ანაბასისის მე- 6 კლასელთა წარმატებული დებიუტი ონლაინ პროექტში ,,გლობალური საკლასო ოთახი” თემით “ხელოვნური ინტელექტი “.
21 საუკუნის გამოწვევები ზრდის და აყალიბებს მიზანდასახულ, დამოუკიდებელ, მოტივირებულ თაობებს, რაც არაფორმალური განათლებით მიიღწევა. შეხვედრაზე ანაბასისელ მოსწავლეებს, აღნიშნულ საკითხზე აქტიური და საინტერესო კომუნიკაცია ჰქონდათ ქართველ, მოლდოველ და ვიეტნამელ თანატოლებთან და პედაგოგებთან
პროექტის მიზანია საკომუნიკაციო და საპრეზენტაციო უნარების განვითარება, ენობრივი ბარიერის გადალახვა და ზოგადი ცნობიერების ამაღლება მოსწავლეებში.
2024 წლის 21 მარტს სპს თავაძე და კომპანია სკოლა ანაბასისის სამოქალაქო კლუბის, მკვლევართა კლუბის და ეკოკლუბის წევრებმა მოსწავლეთა თვითმმართველობის წევრებთან ერთად დაუნის სინდრომის საერთაშორისო დღესთან დაკავშირებით განახორციელეს პროექტი სახელწოდებით: „ ჩვენ არ ვითვლით ქრომოსომებს“. პროექტის ორგანიზატორებმა დაწყებითი და საბაზო საფეხურის მოსწავლეებს თავიანთი პრეზენტაციით მიაწოდეს ინფორმაცია დაუნის სინდრომის შესახებ; მოეწყო ფილმის ჩვენება და განხილვა, სამოქალაქო განათლების მასწავლებელმა მოაწყო გამოკითხვა ფორმატით- “მითია თუ რეალობა“, რომელშიც მოსწავლეები დიდი ინტერესით ჩაერთვნენ;
მოსწავლეთა მიერ მოხდა დაუნის სინდრომის თემაზე შექმნილი ბუკლეტების დარიგება და საინფორმაციო პლაკატის სკოლის სივრცეში განთავსება საზოგადოების ინფორმირებულობის გაზრდის მიზნით.
პროექტის ფარგლებში მოსწავლეებმა შეძლეს სოციალური დაავადების (დაუნის სინდრომი) მქონე ადამიანებისადმი საზოგადოების დანარჩენ წევრთა დამოკიდებულების შესახებ გააზრებული მსჯელობა და განივითარეს სოლიდარობის, თანაგრძნობის, ემპათიის, თანამშრომლობის, პრობლემის გააზრების და მისი მოგვარებისთვის საჭირო უნარ-ჩვევები ;
პროექტის ხელმძღვანელები ქეთევან ედიბერიძე, თეა სამხარაძე, თამარ მალაღურაძე;
კერძო სკოლა ,,ანაბასისში” დიდი ყურადღება ეთმობა პროექტებით სწავლებასა და მოსწავლეებისთვის სასწავლო პროცესის საინტერესოდ წარმართვას. ამჯერად, IVა კლასში ხელოვნების პედაგოგის,ნანა გიორგაძის ხელმძღვანელობით განხორციელდა პროექტი სახელწოდებით-,,გაცოცხლებული ხელოვნება-ქანდაკებიდან ანიმაციამდე”. პროექტის მიზანი იყო: შეძენილი ცოდნის შეჯამება და ახალ რეალობაში გადატანა თანამედროვე კომპიუტერული ტექნიკის გამოყენებით.აღსანიშნავია,რომ პროექტზე მუშაობის დროს მოსწავლეებმა რამდენიმე ეტაპი გაიარეს,მიზნის მისაღწევად მასწავლებელთან ერთად დეტალურად დაგეგმეს სამუშაო პროცესი,მოიძიეს და დაახარისხეს საჭირო ინფორმაცია,შეასრულეს პრაქტიკული სამუშაო,ბოლოს კი მიღწეული შედეგების პრეზენტაცია გაიმართა.პროექტი მიმდინარეობდა მოსწავლეთა სრული ჩართულობით. თეორიული საკითხების: რა არის ქანდაკება? როგორია ძველი და ახალი ქანდაკებები? -შესწავლის შემდეგ მოსწავლეებმა ნახეს ფილმი-,,ხელოვნება მეთისთან და დადასთან ერთად-მიქელანჯელო”, რომელმაც მათზე დიდი შთაბეჭდილება მოახდინა. მოსწავლეებმა იმსჯელეს და გადაწყვიტეს ქართული ხალხური ზღაპრის პოპულარიზაციის მიზნით შეერჩიათ ზღაპარი -,,კომბლე”,გამოეძერწათ ზღაპრის პერსონაჟები,შეექმნათ თეატრის დეკორაცია და გაეცოცხლებინათ საყვარელი ზღაპრის პერსონაჟები კომპიუტერული ტექნიკის გამოყენებით. კლასი დაიყო ჯგუფებად,მიმდინარეობდა ერთობლივი მუშაობა და მსჯელობა,თუ როგორ შეექმნათ ტყის იმიტაცია პერსონაჟებთან ერთად,ბოლოს კი იყო კულმინაცია:მათ მიერ შექმნილი პერსონაჟებითა და თეატრის დეკორაციით ,კომპიუტერული ტექნიკის გამოყენებით შეძლეს საყვარელი გმირების გაცოცხლება და გახმოვანება. ასე გახდა შესაძლებელი ხელოვნების დარგების კავშირი ერთმანეთთან,ასევე კავშირი კომპიუტერულ ტექნიკასთან,რაც პროექტის ძირითადი მიზანი იყო. პროექტის ფარგლებში შექმნილი პროდუქტის -ანიმაციის ჩვენება გაიმართა მოსწავლეების,მშობლების,სკოლის დირექციისა და მასწავლებლების წინაშე. შედეგმა მოლოდინს გადააჭარბა. ანიმაციის დასრულების შემდეგ მოსწავლეებმა დამსწრე საზოგადოებას გაუზიარეს პროექტზე მუშაობის დროს მიღებული დაუვიწყარი ემოციები და შთაბეჭდილებები.დასასრულს,სკოლის დირექტორმა,მშობლებმა და დამსწრე პედაგოგებმა მოსწავლეებსა და ხელოვნების პედაგოგ ნანა გიორგაძეს მადლობა გადაუხადეს ინოვაციური პროექტის განხორციელებისათვის.
მე- 6ბ კლასში ჩატარდა ინტეგრირებული გაკვეთილი თემაზე:”ემოციების მართვა და კომუნიკაცია”. პროექტის მიზანი გახლდათ მოსწავლეების ინფორმირება ბაზისური ემოციების შესახებ, ემოციების იდენტიფიცირება და განსაზღვრა ემოციების მართვის სხვადასხვა სტრატეგიების. ემოციების უმნიშვნელოვანესი ფუნქცია კომუნიკაციაა. საკუთარი ემოციების გამოხატვა და სხვისი ემოციური მდგომარეობის გამოცნობა გვეხმარება ადამიანებთან ურთიერთობაში, რაც უმნიშვნელოვანესია საზოგადოებაში. ბავშვებმა დაამზადეს ორენოვანი მაკეტები და პოსტერები. შექმნეს ბრაზის თერმომეტრი და პრობლემის მოგვარების შუქნიშანი, რითაც ასახეს ემოციების მონაცვლეობა და პრობლემის მოგვარების გზები კომუნიკაციის საშუალებით. გაკვეთილის ბოლოს სკოლის დირექტორის ქ. ქეთევანის მიერ აღნიშნულ თემებზე გაიმართა მსჯელობა და საკითხების შეჯამება.საინტერესო შეკითხვებს მოსწავლეებმა წარმატებით გაართვეს თავი. პროექტზე მუშაობის პროცესში ჯგუფის ყველა მოსწავლე აქტიურად იყო ჩართული. მადლობა საინტერესო და ნაყოფიერი თანამშრომლობისთვის
ანაბასისის ქართული ენისა და ლიტერატურის წამყვანი მასწავლებელი მარეხ ფორჩხიძე მოსწავლეთა მოტივაციის ასამაღლებლად ხშირად ცვლის ტრადიციულ საგაკვეთილო ფორმატს , არაფორმალურ განათლებაში რთავს მოსწავლეებს, ახორციელებს სხვადასხვა პროექტს, ამჟამად მერვეკლასელებთან ერთად განახორციელა პროექტი: ,,ოქროს შხეფზე გავსრიალდეთ ოცნებათა ნავზე ”. მადლობა გვინდა გადავუხადოთ და წარმატებები ვუსურვოთ ქალბატონ მარეხ ფორჩხიძეს და მერვეკლასელებს.
მოსწავლეებს შორის ჩატარებულ საჭადრაკო ჩემპიონატებში წარმატებული მონაწილეობით ყოველთვის გვახარებენ ,,ანაბასისელები”. ამ წარმატებაში სპორტისა და ჭადრაკის პედაგოგის ქალბატონ ვიოლეტა შეყილაძის დაუღალავ შრომას ლომის წილი აქვს. წლევანდელ რაიონულ საჭადრაკო ტურნირიდანაც ხელდამშვენებული დაგვიბრუნდნენ პატარა მოჭადრაკეები. 9 წლამდე ასაკის მოსწავლეებს შორის პირველი ადგილისა და 50 ლარიანი სასაჩუქრე ვაუჩერის მფლობელი გახდა მეორეკლასელი მითა მესხი , მეორე ადგილზე კი პირველკლასელი გუგა სებისკვერაძე გავიდა. ტურნირზე ძალიან კარგი თამაში აჩვენეს -ლევან სახვაძემ, ირაკლი წულუკიძემ, სანდრო ქათამაძემ, გიორგი ნასრაძემ, ნიკოლოზ თავაძემ, გაბრიელ წასიძემ და საბა ლუტიძემ .(ისინი ყველანი ერთი კლასის მოსწავლეები არიან. კლასის ხელ-ლი მარინა ჭულუხაძე) 11წლამდე ასაკის მონაწილეებს შორის ჩემპიონი გახდა მეოთხეკლასელი ირაკლი ცხადაძე, მასვე გადაეცა 50 ლარიანი სასაჩუქრე ვაუჩერი, მეორე ადგილზე კი მისი თანაკლასელი ანა სადუნიშვილია. (კლასის ხელმძღვანელი ლოლიტა ნებიერიძე). ვულოცავთ ნორჩ მოჭადრაკეებს და მათ პედაგოგს ქალბატონ ვიოლეტა შეყილაძეს მიღწეულ წარმატებას და მადლობას ვუხდით გაწეული შრომისათვის!
კერძო სკოლა ,,ანაბასისში” მოსწავლეებისთვის ხარისხიანი,თანამედროვე სტანდარტებზე მორგებული სასწავლო პროცესის შეთავაზებასა და მათ მხარდაჭერას ჩაერთონ არა მხოლოდ ქვეყნის,არამედ გლობალურ ინიციატივებში,განსაკუთრებული ყურადღება ეთმობა.ამჯერად,მე-10 კლასის მოსწავლეებმა ენერგეტიკის განახლებად წყაროებზე განხორციელებული პროექტის პრეზენტაცია საერთაშორისო ვებინარზე წარადგინეს,მათ მასწავლებელი ეკატერინე ორბელაძე ხელმძღვანელობდა.
,,აკადემიური გლობალური საერთაშორისო უნივერსიტეტი IIU შექმნილია ახალგაზრდობის,ცოდნის,ხედვის,განათლების გაზიარების მიზნით. ევროპის მიმართულების ხელმძღვანელი ჩვენი თანაქალაქელია-ქალბატონი ინგა ხარჩილავა,რომელიც არაერთი ადამიანის მოტივატორია,თავიანთი ცოდნა და გამოცდილება გააცნონ უცხოელ თანატოლებსა თუ კოლეგებს”-გვეუბნებიან სკოლაში.
,,ანაბასისის” ინგლისური ენისა და ლიტერატურის პედაგოგის-ეკატერინე ორბელაძის მე-10 კლასის მოსწავლეებმა კი თანამშრომლობისა და გუნდური მუშაობის შესანიშნავი მაგალითი აჩვენეს და ინგლისურ ენაზე საინტერესო წარადგინეს განხორციელებული პროექტის-,,ენერგიის განახლებადი წყაროები”,პრეზენტაცია.პრეზენტაციაზე მოსწავლეებმა ხაზი გაუსვეს იმას,რომ ენერგეტიკა არის მდგრადი განვითარების დღის წესრიგისა და პარიზის შეთანხმების ცენტრში.ჩვენი ყოველდღიური ცხოვრება წარმოუდგენელია ენერგიის გარეშე.განახლებადი ენერგიის უპირატესობა ის არის,რომ იგი ამოუწურავია.
მომხსენებლებმა მიიღეს მაღალი შეფასება და დაჯილდოვდნენ სერტიფიკატებით,მასწავლებლებთან ერთად. აღსანიშნავია,რომ მოსწავლეებმა იმავე პროექტის პრეზენტაცია უკვე ქართულ ენაზე თანატოლებისა და პედაგოგების წინაშე წარმოადგინეს და კიდევ ერთხელ აჩვენეს თავიანთი ხედვა ენერგიის განახლებად წყაროებზე და მათი განვითარების პერსპექტივაზე საქართველოში. დამსწრე საზოგადოებამ,პედაგოგებმა და სკოლის დირექტორმა ქეთევან ედიბერიძემ დადებითად შეაფასეს მოსწავლეთა მოტივაცია მონაწილეობა მიიღონ საერთაშორისო ვებინარებში და ითანამშრომლონ უცხოელ თანატოლებთან.
სკოლაში გლობალურ პლატფორმაზე მიღწეულ წარმატებას ულოცავენ მე-10 კლასელ მოსწავლეებს: ანი ჭანტურიძეს,ანზორ მაღლაკელიძეს,საბა ბახტაძეს,დათა კუპატაძეს,ბიძინა ლილუაშვილს,ლადო ქურციკიძეს, ალექსანდრე ხუსკივაძეს,სანდრო ვარდოსანიძეს,ბექა ფერაძესა და მათ პედაგოგს ეკატერინე ორბელაძეს.
სკოლაში მოსწავლეებსა და პედაგოგებს მადლობას უხდიან გაწეული შრომისათვის.