სკოლა ანაბასისი

ბუნებაში არსებობს ჰარმონია და ურთიერთსიყვარული!

მე-4 კლასში მასწავლებელ ლანა ჩუბინიძის გაკვეთილი ქართულ ენასა და ლიტერატურაში საინტერესოდ წარიმართა.

გაკვეთილის თემა : ვაჟა-ფშაველას ,, ია” მიზნები: მხატვრული ტექსტის კითხვა და ანალიზი. ლექსიკური მარაგის გამდიდრება ლექსის მხატვრული კითხვა ‘მარტივი საგანმანათლებლო ინფორმაციის მიწოდება ტექსტის ავტორზე .მსჯელობა მხატვრულ ნაწარმოებში ასახულ ამბავსა და პერსონაჟებზე.

მასწავლებელმა კარგად დაგეგმილი აქტივობებით შეძლო მოსწავლეებს ერთმანეთთან დაეკავშირებინათ გაზაფხული, დედა და ია… მოეფერენ ლამაზი სიტყვებითა და ლექსებით მათ. შეძლეს ტექსტის გაგრძელებითი კითხვა, შესრულდა ჯგუფური სამუშაო (პირამიდა) , გაეცნენ უცნობ სიტყვებს , დაახასიათეს ია .

ია-ვაჟას საყვარელი ყვავილია. პოეტისათვის ია უბრალოდ მცენარე კი არა, სულიერი არსებაა. ია ფიქრობს, მეტყველებს, განიცდის, უხარია… ადამიანივით. ია მიწიდან ჩნდება და მერე ისევ მიწას მიებარება.

მოსწავლეებმა უპასუხეს კითხვებს: რით გამოირჩევა უღრან ტყეში ამოსული პატარა ყვავილი? რატომ ნატრობს ის სიმღერის ნიჭს? ვინ ან რა მიაჩნია იას მფარველად? რატომ მოსწონს თავი იას. ამის შემდეგ მოსწავლეებმა დაახასიათეს პერსონაჟები, რომლებიც იის გარშემო არიან და მას სიცოცხლეს ულამაზებენ. ამ კითხვებზე პასუხების მოსმენისა და დისკუსიის შემდეგ შემდეგ მოსწავლეებმა გამოიტანეს დასკვნა – ბუნებაში არსებობს ჰარმონია და ურთიერთსიყვარული.

გაკვეთილი დაეხმარა მოსწავლეებს, უფრო შეიყვარონ და შეიგრძნონ ბუნება, მეტი მზრუნველობა გამოიჩინონ მის მიმართ, გააცნობიერონ, რომ ბუნების დაცვა მათი მოვალეობაა.გაკვეთილმა მიზანს მიაღწია იგი პოზიტიურად გაზაფხულის მხიარული სიმღერით დასრულდა.

წარმატებები ლანა მასწავლებელს მე-4 კლასელებთან ერთად!

ანაბასისის მეექვსე კლასში სასკოლო პროექტის „ჩემი კულტურა ჩემი სიმდიდრეა” ფარგლებში განხორციელდა კომპლექსური დავალების შემაჯამებელი პრეზენტაცია.

საგანი – ჩვენი საქართველო;

თემა -„ გურია-კურორტებით მდიდარი მხარე“.

კომპლექსური დავალების პირობა:

წარმოიდგინეთ, რომ ხართ ჟურნალისტი და უნდა დაწეროთ სტატია გურიის კურორტების უნიკალურობის შესახებ .

სტატიაზე/ნაშრომის პრეზენტაციისას ხაზგასმით წარმოაჩინეთ:

• როგორია თქვენს მიერ შერჩეული კურორტის გეოგრაფიული მდებარეობა, რელიეფი და კლიმატის თავისებურებები ?

• როგორ ახდენს გავლენას ბუნებრივი პირობები და რესურსები გურიის რეგიონში მეურნეობის დარგების მიმართულებასა და ადამიანთა საქმიანობაზე?

• გურიაში მცხოვრები ადამიანებისთვის რამდენად მნიშვნელოვანია კურორტების განვითარება? რატომ არის საჭირო კურორტის შენარჩუნება და მისი დაცვა ?

• როგორ დააინტერესებ ტურისტს გურიაში არსებული კურორტებით?

• რა საშუალებებით ზრუნავს/უნდა ზრუნავდეს სახელმწიფო კურორტების განვითარებით?

მოსწავლეებმა საინტერესოდ წარმოაჩინეს საკუთარი ცოდნა/დამოკიდებულებები გურიის და ზოგადად, საქართველოს კულტურული მემკვიდრეობის შესახებ;

გაკვეთილზე მონიტორინგს ახორციელებდა სკოლის ხარისხის განვითარების ჯგუფი.

ჩვენი საქართველოს პედაგოგი თეა სამხარაძე.

1 მარტს სკოლა ანაბასისში “ტვინების ბრძოლის” შიდასასკოლო ჩემპიონატი გაიმართა, რომელშიც მოსწავლეები დიდი ინტერესით და ხალისით ჩაერთვნენ.

2023 წლის გაზაფხულის სეზონზე საქართველოს ჩემპიონატის ფარგლებში, თებერვლისა და მარტის თვეები დაეთმობა “ტვინების ბრძოლის” შიდასასკოლო ჩემპიონატების” ჩატარებას.

2 აპრილს რეგიონული პირველობა გაიმართება, ხოლო 23 აპრილს – ფინალი.

მადლობა “ტვინების ბრძოლის” ჩემპიონატის ხელმძღვანელ გუნდს საინტერესო შემოთავაზებისთვის, ჩვენს მოსწავლეებს და პედაგოგებს აქტიური ჩართულობისა და თამაშის ორგანიზებულად ჩატარებისთვის!

პედაგოგები თეა სამხარაძე, ქეთი ყიფიანი, თამარ მალაღურაძე, თამარ გვალია, ქრისტინე ჩუბინიძე.

2023 წლის 9 თებერვალს სკოლა ანაბასისის ლიტერატურული კლუბის მორიგი შეხვედრა გაიმართა.

განხილული იქნა სოფი ჰანას „მონოგრამიანი მკვლელობები“, ნამდვილი დეტექტივი.

მეათე კლასის მოსწავლე კესო კახნიაშვილმა საინტერესოდ წარუდგინა თანატოლებს თავისი შეხედულებები და შთაბეჭდილებები ნაწარმოების შესახებ.

გასული საუკუნის 20-იანი წლების ლონდონი… ერკიულ პუაროს კონტინენტზე უკვე აქვს მოპოვებული დიდი მაძებრის სახელი, მაგრამ ნისლიან ალბიონზე პატარა ბელგიელს ჯერ არავინ იცნობს. მას მალე ეძლევა თავისი უნიკალური მაძებრული ნიჭის გამოვლენის საშუალება _ ლონდონის ერთ-ერთი ფეშენებელური სასტუმროს სამ სხვადასხვა ოთახში სამი ცხედარი იპოვეს და რაც ყველაზე უცნაურია, სამივეს პირში ერთი და იგივე მონოგრამიანი ოქროს საკინძე უდევს. ეს სამმაგი მკვლელობაა, მაგრამ რატომ და როგორ? დიდი ერკიულ პუარო ამ თავსატეხსაც ჩვეული ოსტატობით ამოხსნის.

ლიტერატურული კლუბის მიზანია, მოსწავლეებს გაუღვივოს უწყვეტი სწავლის სიყვარული, მისცეს მათ შესაძლებლობა, ენთუზიაზმით მოეკიდონ და მოიხიბლონ ლიტერატურის სამყაროთი. განივითარონ კრიტიკულ-ანალიტიკური აზროვნების უნარები,გაეცნონ სხვადასხვა ჟანრის ნაწარმოებებს და ერთმანეთს გაუზიარონ შთაბეჭდილებები.

კლუბის წევრები კვირაში ერთხელ ერთმანეთს წარუდგენენ თავიანთ საყვარელ ნაწარმოებებს, ჩაერთვებიან საინტერესო დისკუსიებსა და დებატებში იმ მრავალფეროვანი თემატიკიდან და უსაზღვრო შესაძლებლობებიდან გამომდინარე, რასაც მსოფლიო ლიტერატურის ფართო სპექტრი იძლევა.

კლუბის პოზიტიურსა და შემეცნებით გარემოში წახალისებულია ლიტერატურის სიყვარული.

საინტერესო და შემეცნებითი გარემო მოსწავლეებს აძლევს შესაძლებლობას თამამად გამოხატონ თავიანთი აზრი წერილობით და ზეპირმეტყველებით, მიიღონ ცოდნა და სხვასაც გაუზიარონ საკუთარი გამოცდილება.

პედაგოგები ქეთევან ედიბერიძე, თეა სამხარაძე, მარეხი ფორჩხიძე.

“სტუმრად ცნობილ ადამიანებთან”.

სკოლა ანაბასისში პროექტი „ვაქციოთ სკოლა გენდერული პასუხისმგებლობის მქონე დაწესებულებად“ აქტიურად მიმდინარეობს გაეროს ქალთა ორგანიზაციის (UN WOMEN) და UNFPA პროექტის „EU4 გენდერული თანასწორობა: ერთად სტერეოტიპებისა და გენდერული ძალადობის წინააღმდეგ“ ფარგლებში პარტნიორი ორგანიზაციის, სამოქალაქო ინტეგრაციისა და ეროვნებათშორისი ურთიერთობების ცენტრის (CCIIR) ორგანიზებით, რომელიც ხორციელდება ევროკავშირის ფინანსური მხარდაჭერით”.

ამჟამად პროექტის ფარგლებში საინტერესოდ წარიმართა აქტივობა „სტუმრად ცნობილ ადამიანებთან“ , რომელიც X კლასის მოსწავლეებმა სამოქალაქო განათლებაში პირველ პროექტულ სწავლებაში შერჩეული პროექტის ,, გენდერული მეინსტრიმინგისათვის” მიმართულებით დაგეგმეს.

აქტივობის მიზანი იყო ქალთა შესაძლებლობების შესახებ სტერეოტიპების და მითების მსხვრევა;

პროექტის სამიზნე ჯგუფის წევრებმა მოიძიეს ინფორმაცია მუნიციპალიტეტში თემის აქტივისტი ქალბატონების შესახებ, ვინც თავი დაამახსოვრა ზესტაფონის (და არა მარტო ზესტაფონის) საზოგადოებას თავისი საქმიანობით და პროფესიონალიზმით.

მოსწავლეები ესტუმრნენ ზესტაფონის საზოგადოებრივი ჯანმრთელობის ცენტრის ხელმძღვანელს ქალბატონ თამარ გველესიანს, რომელიც მოსწავლეებს საინტერესოდ ესაუბრა თავისი მოღვაწეობის შესახებ.

შეხვედრის დასასრულს მოსწავლეებმა ქალბატონი თამარი სკოლაში მიიწვიეს, სადაც დაგეგმილია მთელი სასკოლო საზოგადოების შეხვედრა ცნობილ ადამიანებთან.

მადლობა ქალბატონ თამარს საინტერესო და გულთბილი მასპინძლობისთვის, რომელიც ახალგაზრდების თქმით, მათ მეხსიერებაში სამუდამოდ აღიბეჭდა.

პედაგოგები ქეთევან ედიბერიძე და თეა სამხარაძე.

დავითობა ანაბასისში.

დავითობასთან დაკავშირებით ინტელექტუალურმა კლუბმა ტრადიციული შეხვედრა გამართა, რომელიც დავით აღმაშენებლის ბიოგრაფიის შესახებ მომზადებული პრეზენტაციით დაიწყო.

მეთორმეტე კლასის მოსწავლე თეიმურაზ გოგიაშვილმა ანაბასისელ ინტელექტუალებს საინტერესო კითხვები მოუმზადა.

“რა?სად?როდის?” ინტელექტუალური თამაში დადებითი ემოციებით დატვირთულ გარემოში წარიმართა.

პედაგოგები თეა სამხარაძე და ნანა გიორგაძე.

” ოჰ რა ბედნიერია იგი, ვინც არამც თუ ჩვენთან ყოფნით გვწვრთნის ჩვენ, არამედ მარტო თავისი სახელის ხსენებითაცო — ამისთანა ბედნიერი არს დავით აღმაშენებელი ქართველი ერისათვის.”

ანაბასისის IIIბ და IIბ კლასის მოსწავლეებმა აღნიშნეს დავით IV აღმაშენებლის ხსენების დღე ( კლასის ხელმძღვანელები: ეკა ჯიმშიაშვილი და ანა კახნიაშვილი).

მოსწავლეებმა ნახეს ვიდეო რგოლი და მიღებული ინფორმაცია დაუკავშირეს სახელმძღვანელოში ნასწავლ გაკვეთილს . იმსჯელეს და ისაუბრეს დავითის მიერ ვატარებულ რეფორმებსა და მოგებულ ომებზე. სიამაყით აღივსნენ იმ დროინდელი საქართველოს მთლიანობით _,,ნიკოფსიიდან დარუბანდამდე”

წარმოთქვეს ლექსები

სკოლა ანაბასისში პროექტის „ვაქციოთ სკოლა გენდერული პასუხისმგებლობის მქონე დაწესებულებად“ ფარგლებში მორიგი აქტივობა განხორციელდა.

ამჟამად მეშვიდე კლასის მოსწავლეებმა იმსჯელეს კრიტერიუმებზე, რომლის დახმარებითაც შეარჩევდნენ წარმატებულ ადამიანებს და დაასახელეს ადამიანები, რომელთა ფოტოების განთავსებასაც ისურვებდნენ სასკოლოს სივრცეში, ვინც მათი აზრით გამოირჩევა თავისი საქმიანობით და ცხოვრების წესით.

შეხვედრაზე მეშვიდე კლასის მოსწავლე ბარაბარე კაპანაძე თანაკლასელების წინაშე წარსდგა ცნობილი ქალბატონების შესახებ საინტერესო პრეზენტაციით, ვინც თავი დაამახსოვრა მსოფლიო საზოგადოებას თავისი განსაკუთრებული ღვაწლის გამო.

პროექტი „ვაქციოთ სკოლა გენდერული პასუხისმგებლობის მქონე დაწესებულებად“ აქტიურად მიმდინარეობს გაეროს ქალთა ორგანიზაციის (UN WOMEN) და UNFPA პროექტის „EU4 გენდერული თანასწორობა: ერთად სტერეოტიპებისა და გენდერული ძალადობის წინააღმდეგ“ ფარგლებში პარტნიორი ორგანიზაციის, სამოქალაქო ინტეგრაციისა და ეროვნებათშორისი ურთიერთობების ცენტრის (CCIIR) ორგანიზებით, რომელიც ხორციელდება ევროკავშირის ფინანსური მხარდაჭერით”.

პედაგოგები ქეთევან ედიბერიძე, თეა სამხარაძე, თამარ მალაღურაძე.

2023 წლის 1 თებერვალს საქართველოს წიგნის გამომცემელთა და გამავრცელებელთა ასოციაციის ინიციატივით, საქართველოში უკვე მერვედ, წიგნის საჯაროდ კითხვის მსოფლიო დღე აღინიშნა, რომელშიც აქტიურად ჩაერთვნენ ანაბასისის ლიტერატურული კლუბის წევრები.

წიგნის საჯაროდ კითხვის მსოფლიო დღე მსოფლიოში ცნობილი ღონისძიებაა, რომელშიც 100 სხვადასხვა ქვეყნიდან 90 მილიონზე მეტი ადამიანი მონაწილეობს და ერთიანდება საერთო სლოგანის გარშემო: იკითხე ხმამაღლა, შეცვალე მსოფლიო!

ეს დღე ადამიანებს მთელი მსოფლიოდან შესაძლებლობას აძლევს გაერთიანდნენ, გაიზიარონ წიგნის ხმამაღლა კითხვის სიხარული და თავადაც შეიტანონ წვლილი კითხვის პოპულარიზაციაში.

ანაბასისელებმა შეხვედრაზე ისაუბრეს თავიანთ საყვარელ წიგნებზე და წაიკითხეს ამონარიდები სასურველი ნაწარმოებებიდან.

ლიტერატურული კლუბის წევრები კვირაში ერთი დღე შეიკრიბებიან სკოლის ბიბლიოთეკაში და ერთმანეთს გაუზიარებენ თავიანთი საყვარელი წიგნის შესახებ შთაბეჭდილებებს.

წაკითხული წიგნის შესახებ თავიანთ პრეზენტაციაში ისინი ისაუბრებენ შემდეგ საკითხებზე:

1. მოკლე ინფორმაცია ავტორის შესახებ;

2. ნაწარმოების შინაარსის შესახებ;

3. რა მოეწონათ და რა არ მოეწონათ ნაწარმოებში?

4. რას შეცვლიდნენ ?

5. რატომ ურჩევდნენ სხვას აღნიშნული ნაწარმოების წაკითხვას?~

სკოლა ანაბასისში პროექტი „ვაქციოთ სკოლა გენდერული პასუხისმგებლობის მქონე დაწესებულებად“ აქტიურად მიმდინარეობს გაეროს ქალთა ორგანიზაციის (UN WOMEN) და UNFPA პროექტის „EU4 გენდერული თანასწორობა: ერთად სტერეოტიპებისა და გენდერული ძალადობის წინააღმდეგ“ ფარგლებში პარტნიორი ორგანიზაციის, სამოქალაქო ინტეგრაციისა და ეროვნებათშორისი ურთიერთობების ცენტრის (CCIIR) ორგანიზებით, რომელიც ხორციელდება ევროკავშირის ფინანსური მხარდაჭერით”.

ამჟამად პროექტის ფარგლებში საინტერესოდ წარიმართა პრეზენტაცია თემაზე: „ქალები ცვლილებებისთვის“, რომელიც X კლასის მოსწავლეებმა სამოქალაქო განათლებაში პირველ პროექტულ სწავლებაში შერჩეული პროექტის ,, გენდერული მეინსტრიმინგისათვის” მიმართულებით დაგეგმეს.

საკითხი-გენდერული თანასწორობა/ქალთა უფლებები და გენდერული სტერეოტიპები;

პროექტის ტიპი-ადვოკატირება;

ესგ პრიორიტეტული თემა- ადამიანის უფლებები;

ინტეგრირება სხვადასხვა საგნობრივ დისციპლინებთან-ინტეგრაცია ქართულთან,ისტორიასა და ხელოვნებასთან;

მიზანი: მოსწავლეებმა გააცნობიერონ სასკოლო საზოგადოებაში გენდერული თანასწორობის მნიშვნელობა, შესაბამისად ხელი შეეწყოს თანასწორობის პრინციპების დასაცავად საჭირო კომპეტენციების განვითარებას.

მდგრადი განვითარების მიზნები:

N 4 მიზანი: ხარისხიანი განათლება.

N 5 მიზანი : გენდერული თანასწორობა.

N10 მიზანი: შემცირებული უთანასწორობა.

N 17 მიზანი: პარტნიორობა მიზნების მისაღწევად;

მოსწავლეებმა სასკოლო საზოგადოების წინაშე საინტერესოდ წარმოადგინეს საკუთარი შეხედულებები და დამოკიდებულებები გენდერული თანასწორობისა და გენდერული სტერეოტიპების შესახებ, მათ ხაზგასმით აღნიშნეს, რომ აუცილებელია ქალთა შესაძლებლობების შესახებ არსებული სტერეოტიპების და მითების მსხვრევა;

პროექტის სამიზნე ჯგუფმა გამოაცხადა მითებისა და რეალობის კვირეული, რომელიც ეხება ქალებსა და მათ შესაძლებლობებზე წარმოდგენების ცვლილებას. საინფორმაციო შეხვედრაზე მოსწავლეებმა წარმოადგინეს ამომწურავი ინფორმაცია ცნობილი ქალბატონების შესახებ, ვინც თავი დაამახსოვრა მსოფლიო საზოგადოებას თავისი განსაკუთრებული ღვაწლის გამო.

პედაგოგები ქეთევან ედიბერიძე და თეა სამხარაძე.