კატეგორია: სკოლა ანაბასისი

შეხვედრა მზრუნველთა საბჭოსთან.სკოლა ანაბასისში შედგა მშობელთა თვითმმართველობის ორგანოს , მზრუნველთა საბჭოს მორიგი შეხვედრა სკოლის დირექციასთან. შეხვედრაზე განიხილეს მიმდინარე სასწავლო წელს სკოლის მიღწეული შედეგები, არსებული მდგომარეობა და გამოწვევები. ყურადღება გამახვილდა სკოლაში მიმდინარე გამართულ სასწავლო პროცესზე, პანდემიით გამოწვეულ სირთულეებზე , პირველი სემესტრის ბოლოს ჩატარებულ ტრადიციულ რეიტინგულ წერაზე , რომელიც მოსწავლეთა საჭიროებების დადგენის ერთგვარი ინდიკატორია, მიმდინარე კომპლექსურ დავალებებზე რომლებიც აქტიურად ხორციელდება მასწავლებლის , მოსწავლის და მშობლის თანამშრომლობით , განათლებისა და მეცნიერების სამინისტროს მიერ დაანონსებულ სადიაგნოსტიკო შეფასებებზე , როგორც ერთ-ერთ საინტერესო გამოწვევაზე .როგორც ცნობილია, სამინისტრო უზრუნველყოფს სკოლებისათვის მოსწავლეთა მიერ შესასრულებელი დავალებისა და მასწავლებლის მიერ ამ დავალების შესაფასებელი სქემის მოწოდებას. მოსწავლეს მიიღებს განმავითარებელ შეფასებას და არა განმსაზღვრელს ( არ დაუწერება ქულა)მოხდება მოსწავლეების საგანმანათლებლო საჭიროებების გაანალიზება და შესაბამისი აქტივობების დადგენა მათი წინსვლის ხელშესაწყობად. მიღებული შედეგები საინტერესო და სასარგებლო იქნება სწავლ-სწავლების პროცესის ყველა მონაწილე მხარისათვის. შეხვედრაზე ასევე განხილულ იქნა სკოლისათვის მნიშვნელოვანი სხვა მიმდინარე საკითხები. სკოლა ანაბასისის წარმატების საიდუმლო მშობლებთან აქტიურ თანამშრომლობაშია. სასწავლო პროცესში მშობელთა ჩართულობა ამდიდრებს სკოლის კულტურას და ხელს უწყობს მის განვითარებას. სკოლა დაინტერესებულია მშობელთან აქტიური თანამშრომლობით, რაც დადებითად აისახება სასკოლო საზოგადოებაზე , მასწავლებლებზე, მშობლებსა და მოსწავლეებზე. მშობლები და მასწავლებლები ერთიანდებიან ხელი შეუწყონ მოსწავლეთა აკადემიური მიღწევების ზრდას, სოციალურ, ემოციურ, ინტელექტუალურ განვითარებას. მზრუნველთა საბჭო ყველა კლასის მოსწავლეთა მშობლების წარმომადგენელთა ნებაყოფლობითი საზოგადოებაა , რომელიც დაინტერესებულია სკოლის მოსწავლეთა სწავლა -აღზრდის პროცესის სრულყოფით და მისთვის მატერიალური ბაზის გაუმჯობესებით . მადლობა ანაბასისის მოსწავლის ყველა მშობელს თანამშრომლობისათვის , ერთად ნამდვილად შევძლებთ მყარი საძირკველი ჩაუყაროთ ჩვენი შვილების ნათელ მომავალს!

ახალი ტექნოლოგიები მუსიკაშისკოლა ანაბასისის ხარისხის განვითარების ჯგუფი დაუკვირდა და შეაფასა მუსიკის წამყვანი პედაგოგის თეა მიქაბერიძის მე-5 კლასში ჩატარებული გაკვეთილი თემაზე : ,,ახალი ტექნოლოგიები მუსიკაში“ . გაკვეთილზე შექმნილი იყო ურთიერთპატივისცემისა და ურთიერთგაგების ხელშეწყობის გარემო. იგრძნობოდა რომ მასწავლებელსა და მოსწავლეებს შორის ურთიერთობა პიროვნული თანასწორობისა და თანამშრომლობის პრინციპზეა აგებული. განსხვავებული მოსაზრების გამოხატვა ჩვეული პრაქტიკაა . გაკვეთილის მიზანი პედაგოგმა დაუკავშირა გრძელვადიან მიზანს.ქალბატონმა თეამ, გამოამჟღავნა საგნის ღრმა, ფუნდამენტური და დარგში არსებული უახლესი მიღწევების ცოდნა, წარმატებულად დაამყარა შიდასაგნობრივი და საგანთაშორის კავშირები, მოსწავლეებს მისცა ცნებების მკაფიო განმარტება, გაამდიდრა მოსწავლეების ლექსიკურ მარაგი როგორც საგნის ფარგლებში, ასევე ტერმინთა და სიტყვათა ზოგადი გამოყენების თვალსაზრისით.სწორად წარმართულმა სტრატეგიებმა, მიზნობრივად შერჩეულმა რესურსებმა მოსწავლეებს შესაძლებლობა მისცა რინგტონისა ( მობილურის მუსიკალური ზარი) და კლასიკური მუსიკის მელოდიები ერთმანეთისათვის დაეკავშირებინათ. დავალების შესრულების მოტივაცია საინტერესო დავალებამ, ნათლად და მკაფიოდ ჩამოყალიბებულმა ინსტრუქციებმა უზრუნველყო. მიუხედავად იმისა რომ რინგტონებში კლასიკური მელოდიის მხოლოდ მცირე ნაწილს იყენებენ სწორად ამოიცვნეს ლუდვიგ ვან ბეთჰოვენის , სონატა 17, ნაწილი III, ედვარდ გრიგის, საფორტეპიანო კონცერტი, კლოდ დებიუსის ,,მთვარის შუქი“ და ერიკ სატის ,, Gymnopedies” სხვადასხვა კომპანიის მობილური ტელეფონების მუსიკალურ ზარებში. ამაში დაეხმარათ საფუძვლიანად მიღებული წინარე ცოდნა, რომელიც ასევე გახდა საფუძველი მობილურში არსებული ხატულებისათვის მოსმენილი მუსიკალური ხმოვანი სიგნალები მიესადაგებინათ, დაკვირვებოდნენ რა ემოციას იწვევდა ეს სიგნალი მათში. გააკეთეს დასკვნა, რომ მუსიკით შეიძლება ემოცია გამოხატო. აქტივობა საშუალებას მისცემს მათ მიზნობრივად გამოიყენონ მობილურში არსებული ხატულები ემოციის გამოსახატად მუსიკალური სიგნალების საშუალებით. მოსწავლეები აქტიურად იყვნენ ჩართულები საგაკვეთილო პროცესში, მსჯელობდნენ არგუმენტირებულად, ასაბუთებდნენ თავიანთ მოსაზრებებს , გამოქონდათ სწორი დასკვნები. მასწავლებელი ეფექტიანად იყენებდა მოსწავლეთა აქტიურობას, გაკვეთილი დინამიურად და საინტერესოდ მიმდინარეობდა. ჩატარებული გაკვეთილზე განხორციელდა კომპლექსირი დავალების ,, მუსიკა და თანამედროვე ტექნოლოგიები“ ორი ეტაპი.წარმატებები მუსიკის წამყვან პედაგოგს თეა მიქაბერიძეს და მის მოსწავლეებს!

პროქტ გაკვეთილი: ჩვენ ვსწავლობთ ,,ვეფხისტყაოსანს“.მიუხედავად იმისა,რომ მრავალი ადამიანი მოუხიბლავს დიდებულ ,,ვეფხისტყაოსანს“ , უნდა ვაღიაროთ , რომ სკოლაში ვრცელი პოემის რთულ ლაბირინთებში გავლას ხნგრძლივ და მოსაბეზრებელ პროცესად თვლიან ხოლმე მოსწავლეები. ამიტომ ქართული ენისა და ლიტერატურის წამყვანი მასწავლებელი მარეხ ფორჩხიძე მუდმივად ეძიებს იმ გზებს, რომლებიც შემოქმედებითად აღაქმევინებს მოსწავლეებს პერსონაჟთა სახეებს , მათ ქმედებებს კი ფიქრისა და განსჯის უშრეტ წყაროდ აქცევს . სკოლა ანაბასისის მე -10 კლასელებმა შეძლეს დებატებში გამოეწვიათ ერთმანეთი პერსონაჟთა სახეებზე მსჯელობისას . მათ ლევან ბერძენიშვილის , ნოდარ ნათაძისა და სხვათა კვლევებზე დაყრდნობით საკუთარი თვალსაზრისები წარმოადგინეს და შთამბეჭდავი გახადეს პროექტ-გაკვეთილი ჩვენ ვსწავლობთ ,,ვეფხისტყაოსანს“.გაკვეთილს ესწრებოდა სკოლის ხარისხის განვითარების ჯგუფი. წარმატებები ქალბატონ მარეხს და მის მოსწავლეებს!

მსჯავრდებულია იმუნური სისტემა! სასკოლო პრიექტ ,,ჯანსაღი ცხოვრების წესი უალტერნატივოა” ფარგლებში ბიოლოგიის გაკვეთილი ჩატარდა თემაზე იმუნური სისტემა.იმუნური სისტემას უდიდესი როლი აქვს ადამიანის ჯანმრთელობისათვის, ვინაიდან მისი გამართული მუშაობა განაპირობებს ცოცხალი ორგანიზმის მდგრადობას. იმუნური სისტემის შესახებ ცნობიერების ამაღლება იყო პროექტ გაკვეთილის მიზანი, რომელიც ჩატარდა მე-8 ა კლასში ბიოლოგიის უფროსი მასწავლებლის თამარ მალაღურაძის მიერ. გაკვეთილის ერთ-ერთი საინტერესო აქტივობა იყო ,,იმუნიტეტის გასამართლება „ მოსწავლეების უშუალო მონაწილეობით მოეწყო ფიზიკური გარემო. საკლასო ოთახი სასამართლო დარბაზად გადაიქცა , სადაც ადგილები განკუთვნილი იყო მოსამართლის, მსჯავდებულის, პროკურორებისა და დაცვის მხარეებისათვის. მსჯავრდებულის სკამზე აღმოჩნდა იმუნიტეტი . რომელიც მოსამართლის განაჩენს მოთმინებით ელოდებოდა. პროკურორებმა სასამართლოს წარუდგინეს იმუნური სისტემის ხარვეზები, ისაუბრეს ალერგიულ და აუტოიმუნურ დაავადებებზე, როგორც იმუნური სისტემის შეცდომაზე. პროკურორების ბრალდების გაქარწყლებას დაცვის მხარეები დამჯარებელი არგუმენტებით ცდილობდნენ, ისაუბრეს იმუნიტეტის ფორმებზე, ბუნებრივ და ხელოვნურ იმუნიტეტზე, აცრისა და სამკურნალო შრატის მნიშვნელობაზე. მათ მოიყვანეს თვალსაჩინო მაგალითი(ვირუსული დაავადება აივ-ინფექცია, რომლის ბოლო სტადია შიდსია და ამ დროს იმუნური სისტემა იმდენადაა დასუსტებული, რომ უმნიშვნელო გაციებაც კი ადამიანისათვის შეიძლება მომაკვდინებელი აღმოჩნდეს), რომელიც იმუნური სისტემის ფუნქციას კარგად გამოხატავს, მის გარეშე არსებობა შეუძლებელია, კარგი იმუნური სისტემა ნიშნავს ორგანიზმის ჯანმრთელობას. იმუნური სისტემის სრულყოფილი ფუნქციონირება კი ჯანსაღი ცხოვრების წესითაა შესაძლებელი. სასამართლო პროცესზე სიტყვით ალერგია და ავტოიმუნური დაავადებებიც გამოვიდნენ, რომლებიც პროკურორების ბრალდების გამყარებას შეეცადნენ. მოსამართლემ იმსჯელა, საქმის მასალებიდან გამომდინარე და დაცვის მხარის მტკიცებულებების გათვალისწინებით მიიღო გადაწყვეტილება : თავისუფლება იმუნიტეტს, მიეცეს რეკომენდაცია ხარვეზების გამოსასწორებლად. სასამართლოს განაჩენმა დარბაზი კმაყოფილი დატოვა. მოსწავლეებმა იმუნიტეტის როლი და მნიშვნელობა სხვადასხვა კუთხით დაინახეს, შეიძინეს პირობისეული ცოდნა რაც გულისხმობს დეკლარატიული და პროცედურული ცოდნის გამოყენების პირობების გააზრებას. საგანთა, მოვლენათა, სიტუაციათა არსებითი ასპექტების გააზრების, კატეგორიზაციის უნარს, რომელიც ცოდნის სხვადასხვა კონტექსტში გადატანის (ტრანსფერის) შესაძლებლობას იძლევა. იგი დინამიკური ხასიათისაა და უპასუხებს შეკითხვებს: როდის, რა შემთხვევაში? რატომ. გაკვეთილს დაუკვირდა და შეაფასა სკოლის ხარისხის განვითარების ჯგუფი. წარმატება ბიოლოგიის ახალგაზრდა პედაგოგს თამარ მალაღურაძეს მოსწავლეებთან ერთად!

მალარია უძველესი დაავადებაეკოკლუბმა ,,ანაბასისმა ‘’ ნიკო კეცხოველის პროექტის ფარგლებში მალარიის მსოფლიო დღესთან დაკავშირებით რამდენიმე აქტივობა განახორციელა. 1. სემინარი . ,, მალარია უძველესი დაავადებაა“ . თანატოლებს საინტერესო პრეზენტაცია წარუდგინა ეკოკლუბელმა ქეთი ცერცვაძემ. მან ისაუბრა მალარიის გავრცელების გზებზე, სიმპტომებზე და პრევენციულ ღონისძიებებზე. ისტორიულად იგი უძველეს დაავადებათა ჯგუფს მიეკუთვნება. ამჟამად მსოფლიოში ასზე მეტი ქვეყანა არის მალარიისათვის ენდემური. 2020 წელს, მსოფლიოში დაფიქსირდა მალარიის 241 მილიონი ახალი შემთხვევა და 627 000 მალარიით გამოწვეული სიკვდილი, ამჟამად საქართველოში, მალარია, ელიმინაციის სტადიაშია. 2013 წლიდან ადგილობრივი შემთხვევა არ დაფიქსირებულა. ფიქსირდება მხოლოდ შემოტანილი შემთხვევები. დღეს ჩვენი ქვეყნის მთავარი მიზანი მალარიისგან თავისუფალი ქვეყნის სტატუსის შენარჩუნებაა. ზესტაფონი მიეკუთვნება ჰიპერმალარიოგენულ ზონას და დაავადების შემოტანის შემთხვევაში დაავადების გავრცელების რისკი მაღალია. ამიტომ ცნობიერების ამაღლება ამ მიმართულებით აუცილებელია. მე-2 აქტივობა საზოგადოების წევრების გამოკითხვა იყო. გამოკითხვის დროს ყურადღება გავამახვილდა შემდეგ საკითხებზე. 1. არის თუ არა საქართველოში მალარია?2. რა ძირითადი სიმპტომით ხასიათდება მალარია?3. რით ხდება მალარიი გადაცემა?4. როგორ დავიცვათ თავი მალარიისაგან?5. ვინ არის მალარიის რისკის ქვეშ?6. როგორი მდგომარეობა გვაქვს ზესტაფონის რაიონში მალარიასთან დაკავშირებით?გამოკითხვის შედეგების გაანალიზებამ ეკოკლუბელებს აჩვენა,რომ მალარია ერთერთი მივიწყებული დავადებაა საზოგადოებისათვის. არადა ზესტაფონი ჰიპერმალარიოგენულ ზონას წარმოადგენს და მის მოსახლეობას უნდა ქონდეს ინფორმაცია დაავადების სიპტომების, გავრცელების, საფრთხეების , თავიდან აცილების შესახებ. ამიტომ ეკოკლუბელებმა გადაწყვიტეს მე-3 აქტივობის განხორციელება. შექმნეს ბუკლეტები , რომელშიც ასახეს ინფორმაცია მალარიასთან დაკავშირებით და დაურიგეს საზოგადოების წევრებს. მუშაობა საზოგადოების ცნობიერების ამაღლების მიმართულებით აუცილებელია გაგრძელდეს, რათა ყველამ იზრუნოს, საქართველომ შეინარჩუნოს მალარიისაგან თავისუფალი ქვეყნის სტატუსი.

ანაბასისელი ელენე შალამბერიძე, გლობალურ პლატფორმაზე ვებინარის ,,ერთად ავღნიშნოთ დედამიწის დღე” ერთ-ერთი საუკეთესო პრეზენტატორია. შეხვედრის ორგანიზატორი ქვეყანა ხორვატია იყო. ,,დედამიწის დღე ერთ-ერთი უდიდესი გარემოსდაცვითი ღონისძიებაა მსოფლიოში, სადაც ყოველწლიურად ათასობით ორგანიზაცია და მილიონობით მოხალისე მონაწილეობს დაახლოებით ორასი ქვეყნიდან. დედამიწის დღე საქართველოში 1990 წლიდან ყოველწლიურად აღინიშნება. ჩვენი პასუხისმგებლობაა ვიზრუნოთ გარემოზე, შევზღუდოთ ქმედებები, რომლებიც ზიანს აყენებს ჩვენს პლანეტას. შემოგვიერთდით 22 აპრილს და წვლილი შეიტანეთ დედამიწისა და თქვენი ქვეყნის სისუფთავეში.” აღნიშნა ელენემ თავის გამოსვლაში. მან საერთაშორისო აკრედიტებული სერთიფიკატები და აღიარება მოიპოვა! იგი თვლს, რომ ეს დღე მისთვის მნიშვნელოვანი იყო , რომელმაც დიდი გამოცდილება შესძინა, ბევრი რამ ისწავლა და გაიზარდა პიროვნულად. ვულოცავთ ელენეს წარმატებას! იგი ღირსეულად წარსდგა გლობალურ პლატფორმზე , წარმოაჩინა საკუთარი თავი და ქვეყანა!

„ბედნიერი აღდგომის დღესასწაული ყველას!“ -აღნიშნული სახელწოდებით საქველმოქმედო პროექტი ანაბასისში ტრადიციულად ხორციელდება უკვე რამდენიმე წელია. სამოქალაქო განათლების კლუბის და ეკოკლუბის წევრებმა სააღდგომოდ მარტოხელა ხანდაზმულ მოხუცებთან ერთად სოციალურად დაუცველთა ოჯახები მოინახულეს და სხვადასხვა სახის პროდუქტთან ერთად თავიანთი სითბო და ყურადღება გაუნაწილეს მათ.„ნუ დაუკავებ სიკეთეს მას, ვინც ამას იმსახურებს, როცა შენს ხელს ამის ძალა შესწევს“ (იგავები 3:27). “სიკეთე გადამდებია!””გააგრძელეთ კეთილი საქმის კეთება!”

დედამიწის დღესთან დაკავშირებით სკოლა ანაბასისში განხორციელდა პროექტი ,, გაუფრთხილდეთ დედამიწას- გაუფრთხილდეთ ჯანმრთელობას’’ ადამიანის მავნე ზემოქმედება გარემოზე ყველაზე მძიმედ თვით ადამიანის ჯანმრთელობაზე აისახება. რთულია მოუსმინო იმ საფრთხეს რაც შეიძლება დაბინძურებულმა გარემომ მიაყენოს ადამიანს და ეს არ გახდეს მისი შეცვლის საწინდარი. პროექტის ინიციატორია სკოლის ეკოლოგთა კლუბი. მიზანი გარემოს დაცვითი ცნობიერების ამაღლება, გარემოზე ჩვენს მოქმედებასა და გარემოს ჩვენზე გავლენას შორის არსებული კავშირის მიმართულებით. პროექტის ფარგლებში დაიგეგმა დაგანხორციელდა აქტივობები: 1. დასუფთავებისაქცია. ბუნებისმეტყველების პედაგოგ რუსუდან გურგენაშვილთან ერთად სკოლის ეკოკლუბელებმა მე-5 კლასის დასუფთავების აქციას გაუკეთეს ორგანიზება. მათ დაასუფთავეს სკოლის მიმდებარე ტერიტორია . ის გარემო, რომელიც ადამიანის ხელითვე იყო დაბინძურებული. ბავშვები ემოციებს ვერ მალავდნენ, გარემოში არსებულმა მდგომარეობამ მათში დიდი გულისტკივილი გამოიწვია. გარემო დაბინძურებული იყო პოლიეთილენის პარკებით, პლასტმასის ბოთლებით და სხვა ისეთი ნივთებით, რომლის დაშლას წლები სჭირდება ან ზოგიერთი მათგანის ლპობა შეუძლებელია. მოსწავლეები აღნიშნავდნენ, რომ მომავალშიც გააგრძელებენ დასუფთავების აქციებში მონაწილეობას. 2. კონფერენცია ,, დედამიწა საფრთხეშია“ ეკოკლუბელებმა და მათმა მეგობრებმა თანატოლებს საინტერესო პრეზენტაციები შესთავაზეს ჰაერისა და წყლის დაცვის აუცილებლობის შესახებ, რომელიც ადამიანთა ჯანმრთელობის დაცვასთან უშუალო კავშირშია და მიმოიხილეს ის საფრთხეები რაც შეიძლება გამოიწვიოს ჰაერის ან წყლის დაბინძურებამ. 3. ეკოკლუბელმა ქეთი ცერცვაძემ და ელენე მელაძემ თანატოლების ოთხ გუნდს ეკოლოგიური თამაში ,, რა, სად,როდის“ შესთავაზეს . კითხვებმა ეკოლოგიურ საითხებზე , მცენარეთა და ცხოველთა დაცვაზე მოსწავლეთა დაინტერესება გამოიწვია და მოსწავლეთა ცნობიერება გარემოს დაცვით მიმართულებით აამაღლა. ,,ყველა დღე უნდა ვაქციოთ დედამიწის დაცვის დღედ“ . ასკვნიან ანაბასისელი ეკოკლუბელები და მომავალშიც არაერთი იდეის განხორციელებას აპირებენ ამ მიმართულებით.

სკოლა ანაბასისის უფროსმა მასწავლებელმა დიანა მუმლაძემ მესამე ა კლასში ინგლისურ ენაში ჩაატარა გაკვეთილი, რომელსაც დაუკვირდა და შეაფასა სკოლის ხარისხის განვითარების ჯგუფი. გაკვეთილის თემა იყო ,,წელიწადის დროები’’.მოსწავლეებმა შეძლეს მათთვის ნაცნობ თემატიკაზე მარტივ ინტერაქციაში მონაწილეობა, ნაცნობი თემატიკის გარშემო ინგლისურ ენაზე საუბარი. მასწავლებლის მიერ დაგეგმილმა სახალისო აქტივობებმა უზრუნველყო გაკვეთილის მიზნის მიღწევა.აქტივობების შესასრულებლად ინსტრუქციები იყო მკაფიო და მოიცავდა მოსწავლეთა სავარაუდო შეცდომების პრევენციას. სასწავლო აქტივობების შესრულების ინსტრუქციების შემუშავების დროს გათვალისწინებული იყო მოსწავლეთა განსხვავებული საჭიროებები. მასწავლებელი სიტუაციის შესაბამისად იყენებდა მიმიკას, ჟესტიკულაციას, ჩანდა, რომ მოსწავლეებსა და მასწავლებელს შორის დამყარებულია ეფექტური კომუნიკაცია. საგაკვეთილო პროცესში, მოსწავლეებს უწევდათ როგორც ინდივიდუალური, ისე ჯგუფურად მუშაობა. აქტიურად ერთვებოდნენ სახალისო ქვიზების შესრულებაში. გაკვეთილის დასკვნით ნაწილში, შეასრულეს ჯგუფური სამუშაო და წარმოადგინეს მოკლე პრეზენტაციები ინგლისურ ენაზე წელიწადის სხვა და სხვა დროებზე. გაკვეთილის მიზნის მიღწევას ხელი შეუწყო მრავალფეროვანმა, გაკვეთილის მიზნის შესაბამისმა მოსწავლეთა მამოტავირებელმა რესურსებმა. წარმატებები მოსწავლეებს და ინგლისური ენის ახალგაზრდა პედაგოგს დიანა მუმლაძეს.

სკოლა ანაბასისის უფროსმა მასწავლებლმა ნანა გიორგაძემ მეექვსე პირველ კლასში ჩაატარა ხელოვნების გაკვეთილი , რომელსაც დაუკვირდა და შეაფასა სკოლის ხარისხის განვითარების ჯგუფი. მოსწავლეებმა შეძლეს სახვითი ხელოვნების ერთ- ერთი ჟანრის – პორტრეტის, წინარე ცოდნაზე დაყრდნობით გაეცნოთ და გაეანალიზებინათ ისტორიული და მხატვრული თვალსაზრისით ძალზე საინტერესო პორტრეტის ნიმუში – ფაიუმის პორტრეტი; მოსწავლეებს განუვითარდათ დაკვირვების , ხელოვნების ნიმუშზე ასახული განწყობილების ამოკითხვისა და სიტყვიერად მიღებული შთაბეჭდილების გადმოცემის უნარები.
რასაც ადასტურებდა მათი პასუხები მასწავლებლის მიერ დასმულ კითხვებზე. მასწავლებელი გაკვეთილის მსვლელობის დროს იყენებდა მრავალფეროვან კითხვებს, რომლებიც მოსწავლეებისაგან დაფიქრებას, საკითხის გააზრებასა და მსჯელობას მოითხოვდა. მასწავლებელი თანმიმდევრული იყო კითხვების დასმის დროს, იწყებდა მარტივით და თანდათან ართულებდა მათ. მაღალი სააზროვნო დონის შეკითხვების გამოყენებით ხელს უწყობდა მოსწავლეთა მეტაკოგნიტური უნარების განვითარებას.
გაკვეთილზე გამოყენებულ იქნა მიზნის შესაბამისი აქტივობები, რაც დაეხმარათ ბავშვებს ახალი ინფორმაცია დაეკავშირებინათ განვლილ მასალასთან. ვენის დიაგრამით, მოსწავლეებმა შეძლეს შეედარებინათ სხვადასხვა ეპოქაში შესრულებული პორტრეტები, რომაელი ქალის პორტრეტი ფაიუმის პორტრეტს, მხატვრულ -მახასიათებელი თვისებების გააზრებულ ცოდნაზე დაყრდნობით წარმატებით გაართვეს თავი დავალებას, სხვადასხვა ეპოქაში შექმნილ პორტრეტები დაელაგებინათ ქრონოლოგიურად უძველესიდან უახლესამდე.
გაკვეთილმა აჩვენა,რომ გააზრებულად დაგეგმვა და კოორდინირება ზრდის მოსწავლის ქმედუნარიანობას, ეხმარება მას სიძნელეთა გადალახვაში, შესაძლებლობას აძლევთ მასწავლებლის შერჩეული ხერხებითა და მიდგომებით გამოავლინონ ცოდნის სამივე კატეგორია: დეკლარატიული, პროცედურული და პირობისეული. პირველი გულისხმობს ფაქტებისა და თეორიების ცოდნას, მეორე გულისხმობს ცოდნის რეალიზებას და მესამე კი პასუხობს კითხვას როდის ან რატომ უნდა გამოვიყენო შეძენილი ცოდნა და უზრუნველყოფს ცოდნის ადეკვატურად გამოყენებას სხვადასხვა კონტექსტში
წარმატებები მოსწავლეებს და მასწავლებელს ქალბატონ ნანა გიორგაძეს!