კატეგორია: სკოლა ანაბასისი

ანაბასისში ინტელექტუალურმა კლუბმა “რა?სად?როდის?” გაზაფხულის სეზონი დაიწო.

თამაშები საფეხურების მიხედვით გაიმართება და საბოლოოდ გამოვლენილ გამარჯვებულ გუნდებს შესაბამისი სიგელები გადაეცემათ!

წარმატებები ანაბასისელ ინტელექტუალებს!

სასკოლო პროექტი ,, ჯანსაღი ცხოვრება უალტერნატივოა“ . დაინფიცირება და ჯანმრთელობა. პანდემიის პირობებში დაინფიცირების საფრთხე ყველა ჩვენგანს ემუქრება . დაინფიცირებიდან რამდენ ხანში გამოგვივლინდება სიმპტომები, რამდენი ადამიანს ემუქრება საფრთხე ერთი დაინფიცირებული ადამიანიდან, (თუ ერთი ადამიანს შეუძლია 4 ადამიანის დაინფიცირება.) რა რაოდენობა წამალი უნდა მივიღო დაინფიცირების შემთხვევაში? ჯანმრთელობის აღსადგენად რეაბილიტაციის ცენტრში რამდენი ვიზიტი დაგვჭირდება და რა თანხა უნდა გადავიხადოთ სარეაბილიტაციოდ? ამ კითხვებზე პასუხები მივიღეთ მე-9 კლასელებისგან მათემატიკის გაკვეთილზე , რომლის თემა იყო ,, არითემატიკური და გეომეტრიული პროგრესიები’’. სამიზნე ცნება მიმდევრობა.არითმეტიკური და გეომეტრიული პროგრესიების n ური წევრების და პირველი n წევრების ჯამის გამოსათვლელმა ფორმულების სწორად და გააზრებულად გამოყენებით მოსწავლეებმა პასუხები გასცეს პრაქტიკული ცხოვრებიდან აღებულ პრობლემურ კითხვებს . სათანადო გაანგარიშებით კი გვაჩვენეს, რომ თუ ერთი ადამიანი 4 ადამიანს კი არ დააინფიცირებს არამედ სამს და ის ერთი დაიცავს რეგულაციებს, პირად ჰიგიენას 7 დღეში , 21000 ადამიანის ნაცვლად , დაინფიცირდება 3280, შთამბეჭდავი განსხვავება თვალნათლივ გვარწმუნებს რეგულაციებისა და პირადი ჰიგიენის დაცვის აუცილებლობაში. გაკვეთილზე მიმდინარეობდა განზოგადებით მიღებული დასკვნების დასაბუთება, ლოგიკური მსჯელობა. მათემატიკური ტერმინების , აღმოჩენების და სიმბოლოების კორექტულად და ლოგიკურად გამოყენება, მათემატიკურ იდეებს შორის კავშირების დადგენა, ყოველდღიურ ცხოვრებაში არსებული ობიექტებისა და პროცესების მათემატიკური ფორმულირება.ამოცანის ამოხსნის შემდეგ მიღებული შედეგის კრიტიკული შეფასება , ანალიზი ამოცანის კონტექსტის გათვალისწინებით.მათემატიკური პრობლემის გადაჭრის გზა მოსწავლეებმა ვიზუალურად საპრეზენტაციო პროგრამით აჩვენეს, ტექნოლოგიების გამოყენებით შეადგინეს ცხრილები და გრაფიკები. მოსწავლეთა მიღწეული შედეგებიც მათ მიერ სათანადოდ შექმნილ დოკუმენტში აისახა. მასწავლებელი მიმართებებს ამყარებდა საგაკვეთილო მიზანსა და გრძელვადიან მიზნებს შორის. ჩანდა საგნის ღრმა, ფუნდამენტური და დარგში არსებული უახლესი მიღწევების ცოდნა, წარმატებულად ხორციელდებოდა შიდასაგნობრივი და საგანთაშორისი კავშირები, მოსწავლეებმა მიიღეს კონცეფციების, ცნებების, წესების და ა.შ. მკაფიო/ზუსტ განმარტება, რომელიც სრულიად შეესაბამება მოსწავლეთა ასაკობრივ თავისებურებებს. გაკვეთილი არ შემოიფარგლება მხოლოდ სახელმძღვანელოში არსებული მასალით, გახილულ იქნა საინტერესო ინფორმაციეები, რომელიც პრაქტიკულ ცხოვრებაში არსებულ სიტუაციებს მათემატიკური გაანგარიშებებით ადასტურებს. ერთ-ერთი იყო ,, ფიბონაჩის მიმდევრობა’’ფიბონაჩი ცნობილია, როგორც შუა საუკუნეების “უდიდესი მათემატიკოსი”. იგი დაიბადა 1170 წელს და გარდაიცვალა 1240 წელს…მან დაგვიტოვა საკმაოდ ღრმა და საფუძვლიანი ცნობები “ოქროს კვეთასა” და ღვთიურ მიმდევრობაზე. ფიბონაჩის რიცხვებს ხშირად ბუნების ნუმერაციის სისტემასაც უწოდებენ , რადგან სამყაროში თითქმის ყველაფერი მას და ოქროს კვეთის პროპორციას ემყარება, ეს ორი საკითხი კი საკმაოდ მჭიდროდაა ერთმანეთთან დაკავშირებული…. ახალი იდეების გაცნობა მოსწავლეებს მისცემს საშუალებას, შეადგინონ ახალი საინტერესო ამოცანები , რომელშიც ცხოვრებისეული პრობლემა იქნება გადასაწყვეტი. გაკვეთილი კომპლექსური დავალების -დაინფიცირება და ჯანმრთელობის ერთ-ერთი ეტაპი იყო. გაკვეთილმა მიზანს მიაღწია,იგი მიმდინარეობდა საინტერესოდ. მოსწავლეებმა შეიძინეს 21 -ე საუკუნის უნარები. პრობლემის გადაჭრა და კრიტიკული უნარები.გაკვეთილს დაუკვირდა და შეაფასა სკოლის ხარისხის განვითარების ჯგუფი. წარმატებები პედაგოგ დავით ლაბაძეს და მის მოსწავლეებს !

წარსულის ნაკვალევზე. რას გვიმალავს მიწა?
დიმიტრი უზნაძე ბრძანებდა : „სწავლაში ძირითადი მნიშვნელობა იმ პროდუქტს კი არ აქვს, რომელსაც კონკრეტული ჩვევის ან კონკრეტული შინაარსის მქონე ცოდნის სახით გვაძლევენ, არამედ – განსაზღვრული მიმართულებით მოსწავლის ძალების განვითარებას”. 21-ე საუკუნის მოსწავლისათვის მნიშვნელოვანია არა მხოლოდ ცოდნის დაგროვება, არამედ იმ უნარ-ჩვევების დაუფლება და განვითარება, რომლებიც მას მთელი ცხოვრების განმავლობაში კონკურენტუნარიანსა და წარმატებულს გახდის. სწორედ ამ კონტექსტის გათვალისწინებითაა საინტერესო და მნიშვნელოვანი პროექტებით სწავლება.
ანაბასისის წამყვანი მასწავლებელი ლოლიტა ნებიერიძე სწავლების პროცესში წარმატებით ახორციელებს სასწავლო პროექტებს. ერთ-ერთი მათგანია ,,წარსულის ნაკვალევზე. რას გვიმალავს მიწა? ‘’, ჩატარებული აქტივობებით მოსწავლეებმა შეიტყვეს, რომ მრავალი წლის განმავლობაში მიწამ და მტვერმა დაფარა ძველი ნასახლარები. შემდეგ ეს მიწა მცენარეებით დაიფარა და ყველაფერი დაიმალა. არქეოლოგები სწორედ ის ადამიანები არიან , რომელიც მიწის ქვეშ ნასახლარებს, ძველ საგნებს პოულობენ. ამ ნივთებს ასუფთავებენ და ფრთხილად ინახავენ სპეციალურ შენობაში, რომელსაც მუზეუმი ჰქვია. ამიტომაც განსაკუთრებული ცნობისმოყვარეობით ელოდებოდნენ მეორეკლასელები ზესტაფონის მხარეთმცოდნეობის მუზეუმში ვიზიტს . მათი ცნობისმოყვარეობა თბილმა, თავის საქმეზე შეყვარებულმა და პროფესიონალმა მასპინძლებმა სრულიად დააკმაყოფილეს. ქალბატონმა ნინო აბესაძემ ინფორმაციები არქეოლოგიაზე, ფოტოებზე და ექსპონანტებზე დაკვირვებით მათთვის კარგად გასაგები და აღქმადი გახადა. ყველაზე მთავარი კი იმიტირებული ,,არქეოლოგიური სამარხები“ იყო , კარგად დამალული ,,წარსულით’’ , მოსწავლეებმა არქეოლოგების როლები სიამოვნებით მოირგეს და საინტერესო ,,აღმოჩენებიც’’ განახორციელეს. აღმოჩენის სიხარულიც იგემეს და პროექტის შეჯამებაც მოახდინეს. დამაჯერებელი და არგუმენტირებული პასუხი გასცეს კითხვას: რას გვიმალავს მიწა?
მეორეკლასელთა ექსკურსიის ორგანიზატორები იყვნენ სკოლა ანაბასისის წამყვანი მასწავლებლები ლოლიტა ნებიერიძე და ხათუნა წითელაშვილი . წარმატებები მათ მოსწავლეებთან ერთად!
მადლობა მხარეთმცოდნეობის მუზეუმს თბილი მასპინძლობისათვის და თანამშრომლობისათვის!

„PIZA 2022“ ანაბასისში.სკოლა ანაბასისი მონაწილეობს საერთაშორისო კვლევში, რომლის სრული სახელწოდებაა მოსწავლეთა საერთაშორისო შეფასების პროგრამა, “PIZA”. აღნიშნულ კვლევაში მონაწილეობით დგინდება როგორ იციან მოსწავლეებმა მათემატიკა, კითხვა და საბუნებისმეტყველო საგნები მთელი მსოფლიოს მასშტაბით. საქართველოს სახელით კვლევაში მონაწილეობს 7130 მოსწავლე. საქართველო ერთ-ერთია PIZA-ის კვლევაში მონაწილე 85 ქვეყანასა და საგანმანათლებლო სისტემას შორის.

შეხვედრა მზრუნველთა საბჭოსთან.სკოლა ანაბასისში შედგა მშობელთა თვითმმართველობის ორგანოს , მზრუნველთა საბჭოს მორიგი შეხვედრა სკოლის დირექციასთან. შეხვედრაზე განიხილეს მიმდინარე სასწავლო წელს სკოლის მიღწეული შედეგები, არსებული მდგომარეობა და გამოწვევები. ყურადღება გამახვილდა სკოლაში მიმდინარე გამართულ სასწავლო პროცესზე, პანდემიით გამოწვეულ სირთულეებზე , პირველი სემესტრის ბოლოს ჩატარებულ ტრადიციულ რეიტინგულ წერაზე , რომელიც მოსწავლეთა საჭიროებების დადგენის ერთგვარი ინდიკატორია, მიმდინარე კომპლექსურ დავალებებზე რომლებიც აქტიურად ხორციელდება მასწავლებლის , მოსწავლის და მშობლის თანამშრომლობით , განათლებისა და მეცნიერების სამინისტროს მიერ დაანონსებულ სადიაგნოსტიკო შეფასებებზე , როგორც ერთ-ერთ საინტერესო გამოწვევაზე .როგორც ცნობილია, სამინისტრო უზრუნველყოფს სკოლებისათვის მოსწავლეთა მიერ შესასრულებელი დავალებისა და მასწავლებლის მიერ ამ დავალების შესაფასებელი სქემის მოწოდებას. მოსწავლეს მიიღებს განმავითარებელ შეფასებას და არა განმსაზღვრელს ( არ დაუწერება ქულა)მოხდება მოსწავლეების საგანმანათლებლო საჭიროებების გაანალიზება და შესაბამისი აქტივობების დადგენა მათი წინსვლის ხელშესაწყობად. მიღებული შედეგები საინტერესო და სასარგებლო იქნება სწავლ-სწავლების პროცესის ყველა მონაწილე მხარისათვის. შეხვედრაზე ასევე განხილულ იქნა სკოლისათვის მნიშვნელოვანი სხვა მიმდინარე საკითხები. სკოლა ანაბასისის წარმატების საიდუმლო მშობლებთან აქტიურ თანამშრომლობაშია. სასწავლო პროცესში მშობელთა ჩართულობა ამდიდრებს სკოლის კულტურას და ხელს უწყობს მის განვითარებას. სკოლა დაინტერესებულია მშობელთან აქტიური თანამშრომლობით, რაც დადებითად აისახება სასკოლო საზოგადოებაზე , მასწავლებლებზე, მშობლებსა და მოსწავლეებზე. მშობლები და მასწავლებლები ერთიანდებიან ხელი შეუწყონ მოსწავლეთა აკადემიური მიღწევების ზრდას, სოციალურ, ემოციურ, ინტელექტუალურ განვითარებას. მზრუნველთა საბჭო ყველა კლასის მოსწავლეთა მშობლების წარმომადგენელთა ნებაყოფლობითი საზოგადოებაა , რომელიც დაინტერესებულია სკოლის მოსწავლეთა სწავლა -აღზრდის პროცესის სრულყოფით და მისთვის მატერიალური ბაზის გაუმჯობესებით . მადლობა ანაბასისის მოსწავლის ყველა მშობელს თანამშრომლობისათვის , ერთად ნამდვილად შევძლებთ მყარი საძირკველი ჩაუყაროთ ჩვენი შვილების ნათელ მომავალს!

ახალი ტექნოლოგიები მუსიკაშისკოლა ანაბასისის ხარისხის განვითარების ჯგუფი დაუკვირდა და შეაფასა მუსიკის წამყვანი პედაგოგის თეა მიქაბერიძის მე-5 კლასში ჩატარებული გაკვეთილი თემაზე : ,,ახალი ტექნოლოგიები მუსიკაში“ . გაკვეთილზე შექმნილი იყო ურთიერთპატივისცემისა და ურთიერთგაგების ხელშეწყობის გარემო. იგრძნობოდა რომ მასწავლებელსა და მოსწავლეებს შორის ურთიერთობა პიროვნული თანასწორობისა და თანამშრომლობის პრინციპზეა აგებული. განსხვავებული მოსაზრების გამოხატვა ჩვეული პრაქტიკაა . გაკვეთილის მიზანი პედაგოგმა დაუკავშირა გრძელვადიან მიზანს.ქალბატონმა თეამ, გამოამჟღავნა საგნის ღრმა, ფუნდამენტური და დარგში არსებული უახლესი მიღწევების ცოდნა, წარმატებულად დაამყარა შიდასაგნობრივი და საგანთაშორის კავშირები, მოსწავლეებს მისცა ცნებების მკაფიო განმარტება, გაამდიდრა მოსწავლეების ლექსიკურ მარაგი როგორც საგნის ფარგლებში, ასევე ტერმინთა და სიტყვათა ზოგადი გამოყენების თვალსაზრისით.სწორად წარმართულმა სტრატეგიებმა, მიზნობრივად შერჩეულმა რესურსებმა მოსწავლეებს შესაძლებლობა მისცა რინგტონისა ( მობილურის მუსიკალური ზარი) და კლასიკური მუსიკის მელოდიები ერთმანეთისათვის დაეკავშირებინათ. დავალების შესრულების მოტივაცია საინტერესო დავალებამ, ნათლად და მკაფიოდ ჩამოყალიბებულმა ინსტრუქციებმა უზრუნველყო. მიუხედავად იმისა რომ რინგტონებში კლასიკური მელოდიის მხოლოდ მცირე ნაწილს იყენებენ სწორად ამოიცვნეს ლუდვიგ ვან ბეთჰოვენის , სონატა 17, ნაწილი III, ედვარდ გრიგის, საფორტეპიანო კონცერტი, კლოდ დებიუსის ,,მთვარის შუქი“ და ერიკ სატის ,, Gymnopedies” სხვადასხვა კომპანიის მობილური ტელეფონების მუსიკალურ ზარებში. ამაში დაეხმარათ საფუძვლიანად მიღებული წინარე ცოდნა, რომელიც ასევე გახდა საფუძველი მობილურში არსებული ხატულებისათვის მოსმენილი მუსიკალური ხმოვანი სიგნალები მიესადაგებინათ, დაკვირვებოდნენ რა ემოციას იწვევდა ეს სიგნალი მათში. გააკეთეს დასკვნა, რომ მუსიკით შეიძლება ემოცია გამოხატო. აქტივობა საშუალებას მისცემს მათ მიზნობრივად გამოიყენონ მობილურში არსებული ხატულები ემოციის გამოსახატად მუსიკალური სიგნალების საშუალებით. მოსწავლეები აქტიურად იყვნენ ჩართულები საგაკვეთილო პროცესში, მსჯელობდნენ არგუმენტირებულად, ასაბუთებდნენ თავიანთ მოსაზრებებს , გამოქონდათ სწორი დასკვნები. მასწავლებელი ეფექტიანად იყენებდა მოსწავლეთა აქტიურობას, გაკვეთილი დინამიურად და საინტერესოდ მიმდინარეობდა. ჩატარებული გაკვეთილზე განხორციელდა კომპლექსირი დავალების ,, მუსიკა და თანამედროვე ტექნოლოგიები“ ორი ეტაპი.წარმატებები მუსიკის წამყვან პედაგოგს თეა მიქაბერიძეს და მის მოსწავლეებს!

პროქტ გაკვეთილი: ჩვენ ვსწავლობთ ,,ვეფხისტყაოსანს“.მიუხედავად იმისა,რომ მრავალი ადამიანი მოუხიბლავს დიდებულ ,,ვეფხისტყაოსანს“ , უნდა ვაღიაროთ , რომ სკოლაში ვრცელი პოემის რთულ ლაბირინთებში გავლას ხნგრძლივ და მოსაბეზრებელ პროცესად თვლიან ხოლმე მოსწავლეები. ამიტომ ქართული ენისა და ლიტერატურის წამყვანი მასწავლებელი მარეხ ფორჩხიძე მუდმივად ეძიებს იმ გზებს, რომლებიც შემოქმედებითად აღაქმევინებს მოსწავლეებს პერსონაჟთა სახეებს , მათ ქმედებებს კი ფიქრისა და განსჯის უშრეტ წყაროდ აქცევს . სკოლა ანაბასისის მე -10 კლასელებმა შეძლეს დებატებში გამოეწვიათ ერთმანეთი პერსონაჟთა სახეებზე მსჯელობისას . მათ ლევან ბერძენიშვილის , ნოდარ ნათაძისა და სხვათა კვლევებზე დაყრდნობით საკუთარი თვალსაზრისები წარმოადგინეს და შთამბეჭდავი გახადეს პროექტ-გაკვეთილი ჩვენ ვსწავლობთ ,,ვეფხისტყაოსანს“.გაკვეთილს ესწრებოდა სკოლის ხარისხის განვითარების ჯგუფი. წარმატებები ქალბატონ მარეხს და მის მოსწავლეებს!

მსჯავრდებულია იმუნური სისტემა! სასკოლო პრიექტ ,,ჯანსაღი ცხოვრების წესი უალტერნატივოა” ფარგლებში ბიოლოგიის გაკვეთილი ჩატარდა თემაზე იმუნური სისტემა.იმუნური სისტემას უდიდესი როლი აქვს ადამიანის ჯანმრთელობისათვის, ვინაიდან მისი გამართული მუშაობა განაპირობებს ცოცხალი ორგანიზმის მდგრადობას. იმუნური სისტემის შესახებ ცნობიერების ამაღლება იყო პროექტ გაკვეთილის მიზანი, რომელიც ჩატარდა მე-8 ა კლასში ბიოლოგიის უფროსი მასწავლებლის თამარ მალაღურაძის მიერ. გაკვეთილის ერთ-ერთი საინტერესო აქტივობა იყო ,,იმუნიტეტის გასამართლება „ მოსწავლეების უშუალო მონაწილეობით მოეწყო ფიზიკური გარემო. საკლასო ოთახი სასამართლო დარბაზად გადაიქცა , სადაც ადგილები განკუთვნილი იყო მოსამართლის, მსჯავდებულის, პროკურორებისა და დაცვის მხარეებისათვის. მსჯავრდებულის სკამზე აღმოჩნდა იმუნიტეტი . რომელიც მოსამართლის განაჩენს მოთმინებით ელოდებოდა. პროკურორებმა სასამართლოს წარუდგინეს იმუნური სისტემის ხარვეზები, ისაუბრეს ალერგიულ და აუტოიმუნურ დაავადებებზე, როგორც იმუნური სისტემის შეცდომაზე. პროკურორების ბრალდების გაქარწყლებას დაცვის მხარეები დამჯარებელი არგუმენტებით ცდილობდნენ, ისაუბრეს იმუნიტეტის ფორმებზე, ბუნებრივ და ხელოვნურ იმუნიტეტზე, აცრისა და სამკურნალო შრატის მნიშვნელობაზე. მათ მოიყვანეს თვალსაჩინო მაგალითი(ვირუსული დაავადება აივ-ინფექცია, რომლის ბოლო სტადია შიდსია და ამ დროს იმუნური სისტემა იმდენადაა დასუსტებული, რომ უმნიშვნელო გაციებაც კი ადამიანისათვის შეიძლება მომაკვდინებელი აღმოჩნდეს), რომელიც იმუნური სისტემის ფუნქციას კარგად გამოხატავს, მის გარეშე არსებობა შეუძლებელია, კარგი იმუნური სისტემა ნიშნავს ორგანიზმის ჯანმრთელობას. იმუნური სისტემის სრულყოფილი ფუნქციონირება კი ჯანსაღი ცხოვრების წესითაა შესაძლებელი. სასამართლო პროცესზე სიტყვით ალერგია და ავტოიმუნური დაავადებებიც გამოვიდნენ, რომლებიც პროკურორების ბრალდების გამყარებას შეეცადნენ. მოსამართლემ იმსჯელა, საქმის მასალებიდან გამომდინარე და დაცვის მხარის მტკიცებულებების გათვალისწინებით მიიღო გადაწყვეტილება : თავისუფლება იმუნიტეტს, მიეცეს რეკომენდაცია ხარვეზების გამოსასწორებლად. სასამართლოს განაჩენმა დარბაზი კმაყოფილი დატოვა. მოსწავლეებმა იმუნიტეტის როლი და მნიშვნელობა სხვადასხვა კუთხით დაინახეს, შეიძინეს პირობისეული ცოდნა რაც გულისხმობს დეკლარატიული და პროცედურული ცოდნის გამოყენების პირობების გააზრებას. საგანთა, მოვლენათა, სიტუაციათა არსებითი ასპექტების გააზრების, კატეგორიზაციის უნარს, რომელიც ცოდნის სხვადასხვა კონტექსტში გადატანის (ტრანსფერის) შესაძლებლობას იძლევა. იგი დინამიკური ხასიათისაა და უპასუხებს შეკითხვებს: როდის, რა შემთხვევაში? რატომ. გაკვეთილს დაუკვირდა და შეაფასა სკოლის ხარისხის განვითარების ჯგუფი. წარმატება ბიოლოგიის ახალგაზრდა პედაგოგს თამარ მალაღურაძეს მოსწავლეებთან ერთად!

მალარია უძველესი დაავადებაეკოკლუბმა ,,ანაბასისმა ‘’ ნიკო კეცხოველის პროექტის ფარგლებში მალარიის მსოფლიო დღესთან დაკავშირებით რამდენიმე აქტივობა განახორციელა. 1. სემინარი . ,, მალარია უძველესი დაავადებაა“ . თანატოლებს საინტერესო პრეზენტაცია წარუდგინა ეკოკლუბელმა ქეთი ცერცვაძემ. მან ისაუბრა მალარიის გავრცელების გზებზე, სიმპტომებზე და პრევენციულ ღონისძიებებზე. ისტორიულად იგი უძველეს დაავადებათა ჯგუფს მიეკუთვნება. ამჟამად მსოფლიოში ასზე მეტი ქვეყანა არის მალარიისათვის ენდემური. 2020 წელს, მსოფლიოში დაფიქსირდა მალარიის 241 მილიონი ახალი შემთხვევა და 627 000 მალარიით გამოწვეული სიკვდილი, ამჟამად საქართველოში, მალარია, ელიმინაციის სტადიაშია. 2013 წლიდან ადგილობრივი შემთხვევა არ დაფიქსირებულა. ფიქსირდება მხოლოდ შემოტანილი შემთხვევები. დღეს ჩვენი ქვეყნის მთავარი მიზანი მალარიისგან თავისუფალი ქვეყნის სტატუსის შენარჩუნებაა. ზესტაფონი მიეკუთვნება ჰიპერმალარიოგენულ ზონას და დაავადების შემოტანის შემთხვევაში დაავადების გავრცელების რისკი მაღალია. ამიტომ ცნობიერების ამაღლება ამ მიმართულებით აუცილებელია. მე-2 აქტივობა საზოგადოების წევრების გამოკითხვა იყო. გამოკითხვის დროს ყურადღება გავამახვილდა შემდეგ საკითხებზე. 1. არის თუ არა საქართველოში მალარია?2. რა ძირითადი სიმპტომით ხასიათდება მალარია?3. რით ხდება მალარიი გადაცემა?4. როგორ დავიცვათ თავი მალარიისაგან?5. ვინ არის მალარიის რისკის ქვეშ?6. როგორი მდგომარეობა გვაქვს ზესტაფონის რაიონში მალარიასთან დაკავშირებით?გამოკითხვის შედეგების გაანალიზებამ ეკოკლუბელებს აჩვენა,რომ მალარია ერთერთი მივიწყებული დავადებაა საზოგადოებისათვის. არადა ზესტაფონი ჰიპერმალარიოგენულ ზონას წარმოადგენს და მის მოსახლეობას უნდა ქონდეს ინფორმაცია დაავადების სიპტომების, გავრცელების, საფრთხეების , თავიდან აცილების შესახებ. ამიტომ ეკოკლუბელებმა გადაწყვიტეს მე-3 აქტივობის განხორციელება. შექმნეს ბუკლეტები , რომელშიც ასახეს ინფორმაცია მალარიასთან დაკავშირებით და დაურიგეს საზოგადოების წევრებს. მუშაობა საზოგადოების ცნობიერების ამაღლების მიმართულებით აუცილებელია გაგრძელდეს, რათა ყველამ იზრუნოს, საქართველომ შეინარჩუნოს მალარიისაგან თავისუფალი ქვეყნის სტატუსი.

ანაბასისელი ელენე შალამბერიძე, გლობალურ პლატფორმაზე ვებინარის ,,ერთად ავღნიშნოთ დედამიწის დღე” ერთ-ერთი საუკეთესო პრეზენტატორია. შეხვედრის ორგანიზატორი ქვეყანა ხორვატია იყო. ,,დედამიწის დღე ერთ-ერთი უდიდესი გარემოსდაცვითი ღონისძიებაა მსოფლიოში, სადაც ყოველწლიურად ათასობით ორგანიზაცია და მილიონობით მოხალისე მონაწილეობს დაახლოებით ორასი ქვეყნიდან. დედამიწის დღე საქართველოში 1990 წლიდან ყოველწლიურად აღინიშნება. ჩვენი პასუხისმგებლობაა ვიზრუნოთ გარემოზე, შევზღუდოთ ქმედებები, რომლებიც ზიანს აყენებს ჩვენს პლანეტას. შემოგვიერთდით 22 აპრილს და წვლილი შეიტანეთ დედამიწისა და თქვენი ქვეყნის სისუფთავეში.” აღნიშნა ელენემ თავის გამოსვლაში. მან საერთაშორისო აკრედიტებული სერთიფიკატები და აღიარება მოიპოვა! იგი თვლს, რომ ეს დღე მისთვის მნიშვნელოვანი იყო , რომელმაც დიდი გამოცდილება შესძინა, ბევრი რამ ისწავლა და გაიზარდა პიროვნულად. ვულოცავთ ელენეს წარმატებას! იგი ღირსეულად წარსდგა გლობალურ პლატფორმზე , წარმოაჩინა საკუთარი თავი და ქვეყანა!