ზესტაფონის მერიის მიერ ორგანიზებულ, საქართველოს დამოუკიდებლობის დღისადმი მიძღვნილ ჭადრაკის ტურნირში 8 წლამდე ასაკის მოჭადრაკეებს შორის სამივე საპრიზო ადგილის მფლობელები ანაბასისის მე-2 ა კლასის მოსწავლეები არიან : პირველ ადგილზეა ირაკლი ცხადაძე, მეორეზე გიორგი ღავთაძე და მესამეზე გაბრიელა დვალი, უფროს სასკოლო ასკის მოჭადრაკეთა შორისაც არიან გამარჯვებულები. მე-7 კლასის მოსწავლე დავით მესხი პირველ ადგილზე გავიდა, ხოლო მე-6 კლასის მოსწავლე იოსებ გოგნაძე მეორეზე. ვულოცავთ ჩვენს მოჭადრაკეებს და მათ პედაგოგს , რაიონის ჭადრაკის საუკეთესო მწვრთნელ-პედაგოგს მიღწეულ წარმატებას და ვუსურვებთ მომავალ გამარჯვებებს!
ანაბასისის მე- 8 კლასის მოსწავლეები ანი კობერიძე, ნიკოლოზ ცხადაძე და ანასტასია ჯუღელი ქიმიის რესპუბლიკური ოლიმპიადის ფინალისტები არიან. რომელიც დღეს 29 მაისს გაიმართა აგრარულ უნივერსიტეტში. მათ წარმატებით გაიარეს ოლიმპიადის ორი ეტაპი და დაჯილდოვდნენ ოლიმპიადის ოგანიზატორების მიერ სერთიფიკატებით. ოლიმპიადის ორგანიზატორია საქართველოს პროფესიონალ ქიმიკოსთა ასოციაცია, შოთა რუსთაველის ეროვნული სამეცნიერო ფონდი, მხარდამჭერი საქართველოს აგრარული უნივერსიტეტი და თბილისის თავისუფალი უნივერსიტეტი, ოლიმპიადის მიზანი კი სკოლის მოსწავლეებში ქიმიის საგნის პოპულარიზაცია და საერთაშორისო ოლიმპიადებში მონაწილეობის ხელშეწყობა.
ჩვენი ფინალისტები გულმოდგინედ მოემზადნენ ოლიმპიადის დასკვნითი ეტაპისათვის. წარმატებებს ვუსურვებთ მათ!
ქართული ენისა და ლიტერატურის მასწავლებელმა ელისო ბერაძემ მე-6 ბ კლასში ჩაატარა გაკვეთილი თემაზე: ,, მაჩვობა თუ ნეკერჩხლობა???’’.
გაკვეთილზე იყო : მოსწავლეთა აქტიურობა,შემოქმედებითობა,თავისუფალი აზროვნება,მდიდარი ლექსიკური მარაგის წარმოჩენა,სითამამე ,მსჯელობის თანმიმდევრულობა,საკუთარი მოსაზრებების საილუსტრაციოდ კონკრეტული მაგალითების მოხმობა,ვერბალური და არავერბალური კომუნიკაციის ელემენტების ეფექტურად გამოყენება,მოთხრობაში წარმოჩენილი პრობლემის დაკავშირება თანამედროვეობასთან .მოსწავლეებმა ემოციურად იმსჯელეს იმაზე,რომ მაჩვობა ხანგრძლივი ნეტარებაა, მაგრამ, აბა, თუ შეედრება ნეკერჩხლის ფოთლის წამიერ ნეტარებას, რომელიც უფლის შეცნობას და მეცხრე ცაზე ასვლას ჰგავს? გაიხსენეს ფრაზა: ეკლიანი გზით ვარსკვლავებისკენ…მასწავლებლის მიერ დასმულ კითხვას:მაჩვობა თუ ნეკერჩხლობა???უპასუხეს მსჯელობით,თუ რით სჯობს მაჩვობას ნეკერჩხლობა, რომ ნეკერჩხლის ფოთლის ირმის ფერხთა ქვეშ კვდომის სცენამ ტყე შეცვალა… მუხამ იხილა მრავალსაუკუნოვანი სისულელის კიდევ ერთი მაგალითი, მაგრამ განა რამდენია ასეთი სულელი??? საუკუნეთა სიღრმეებშიც კი თითებზე ჩამოსათვლელი… მაშ, სტატისტიკას აქ რა ხელი აქვს? მუხას ირემივით ბღავილი მოუნდა, ისე ბღავილი, რომ ტანი აბურძგლოდათ გაშტერებულ წიფლებსა და რცხილებს, მაგრამ ეს არ შეეძლო და კვირტების უბეები წვეთებით ევსებოდა… მუხის ცრემლები უფლის მადლია, რადგან კურთხეულია ნეკერჩხლის ფოთლის სიყვარული. ის ერთიანად შეგძრავს, აგათრთოლებს, გაგაკეთილშობილებს, ხოლო მაჩვის ქონიანი დინგის დანახვაზე მხოლოდ გულისრევის შეგრძნება გიჩნდება…მოსწავლეების ნაწილმა გამოთქვა ვარაუდი,რომ მოთხრობაში ალეგორიულად შეიძლება ამოვიკითხოთ თავგანწირვა თავისუფლებისთვის.
მოსწავლეებმა გამოიტანეს დასკვნა:
გვზარავს მაჩვობა. მაგრამ შეგვიძლია კი ნეკერჩხლის ფოთლობა? აქ მესამე გზა არ არსებობს… ნეკერჩხლის ფოთოლი ან ხარ, ან – ვერა…
ბოლოს დიდებს დაგვისვეს კითხვა:
ჩვენ ნეკერჩხლის წითელი ფოთოლი ვართ… თქვენ?
გაკვეთილს დაუკვირდა და შეაფასა სკოლის ხარისხის განვითარების ჯგუფი
სასკოლო პროექტი: ჯანსაღი ცხოვრების წესი უალტერნატივოა.
ინგლისური ენისა და ლიტერატურის პედაგოგმა ეკატერინე ჩაჩიბაიამ სასკოლო პროექტის ფარგლებში ჩაატარა გაკვეთილი მე-6 კლასში თემაზე ,, ჯანსაღი კვება’’. მასწავლებლის მიერ დაგეგმილი ყველა აქტივობა მიზანს შეესაბამებოდა. გაკვეთილი მორგებული იყო მოსწავლეთა საჭიროებებს, მიმდნარეობდა დინამიურად , მოსწავლეთა მაღალი ჩართულობით. ლექსიკური მარაგი , გრამატიკული წესებისა და ნორმების ცოდნა მოსწავლეებს საშუალებას აძლევდა თავიანთი მოსაზრებები ინგლისურ ენაზე ჩამოეყალიბებინათ. გამოიყენეს ზეპირიმეტყველების არავერბალური კომუნიკაციის ხერხები: ინტონაცია, მახვილი, პაუზა, ხმის ტემბრი, მეტყველების ტემპი.
ისაუბრეს თუ რა არის ჯანსაღი ცხოვრების რეჟიმი, როგორ უნდა ვიცხოვროთ და რა გავკეთოთ იმისათვის რომ ვიყოთ ჯანმრთელები, როგორია ჯანსაღი კვების პირამიდა, ისაუბრეს რატომ და რა რაოდენობითაა საჭირო: რძის პროდუქტების, მარცვლეულის, ხილ-ბოსტნეულის მიღება. რატომ არის ჩვენთვის მნიშვნელოვანი ჯანმრთელობა, რას აკეთებენ ადამიანები ამისათვის , როგორ და რა მეთოდებით შეგვიძლია ვიცხოვროთ ჯანსაღად. მოსწავლეებმა დაასაბუთეს მოსაზრება თუ რა არის ჭარბწონიანობის გამომწვევი მიზეზები და წარმოაჩინეს პრობლემის გადაჭრის/აღმოფხვრის საკუთარი ხედვა.
გაკვეთილის გააზრებულად დაგეგმვა და კოორდინირება ზრდის მოსწავლის ქმედუნარიანობას, ეხმარება მას სიძნელეთა გადალახვაში თუკი გარემოც შესაბამისადაა შერჩეული რათა გამოავლინოს მოსწავლემ მასწავლებლის შერჩეული ხერხებითა და მიდგომებით ცოდნის სამივე კატეგორია: დეკლარატიული, პროცედურული და პირობისეული. სწორედ ცოდნის სამივე კატეგორიის შერწყმამ, ნათლად გაანალიზებინა თითოეულ მოსწავლეს, თუ რაოდენ მნიშვნელოვანია ჩვენი ჯანმრთელობა, რა აქტივობები, კვების რეჟიმი დაეხმარებათ მათ იმისათვის რომ იყვნენ ჯანმრთელები. გაანალიზეს ანდაზები „ დღეში ერთი ვაშლის მიღება ექიმს აგარიდებსო“, „ ჯანმრთელობა უფრო ღირებულია ვიდრე სიმდიდრე.“, „ ჯანსაღ სხეულში ჯანსაღი გონებაა“. გაკვეთილის შეჯამებისას მოსწავლეებმა შექმნეს სლოგანი.,,იკვებეთ ჯანსაღად, იცხოვრებთ ჯანმრელად!“
გაკვეთილს დაუკვირდა დაც შეაფასა სკოლის ხარისხის განვითარების ჯგუფი.
პირველ ა კლასში უფროსმა მასწავლებელმა თამარ ვეფხვაძემ ქარულ ენასა და ლიტერატურაში გაკვეთილი ჩაატარა თემაზე ,, პატივისცემა“. იაკობ გოგებაშვილის მოთხრობა ,,ჯიუტი თხები“.
მასწავლებელის მიერ გაკვეთილისთვის წინასწარ შერჩეული სწავლების ყველა სტრატეგია მიზნის შესაბამისი იყო . საგაკვეთილო პროცესი მიმდინარეობდა დინამიურად . მასწავლებელი გაკვეთილის მსვლელობის დროს იყენებდა მრავალფეროვან კითხვებს, რომლებიც მოსწავლეებისაგან დაფიქრებას, საკითხის გააზრებასა და მსჯელობას მოითხოვდა.
სასწავლო აქტივობების შესრულების ინსტრუქციების შემუშავების დროს გათვალისწინებული იყო მოსწავლეთა განსხვავებული საჭიროებები. მასწავლებელი სიტუაციის შესაბამისად იყენებდა მიმიკას, ჟესტიკულაციას, ჩანდა, რომ მოსწავლეებსა და მასწავლებელს შორის დამყარებულია ეფექტური კომუნიკაცია.
მასწავლებელმა ისე წარმართა გაკვეთილი, რომ მოსწავლეები კოგნიტურად იყვნენ ჩართულები სასწავლო პროცესში. მოსწავლეებმა შეძლეს ახალი ტექსტის მოსმენა, გაგება, გააზრება, ამოიცნეს კონკრეტული ინფორმაცია, ასევე ფაქტების თანმიმდევრობა ტექსტში, და მოსმენილი მხატვრული ტექსტის პერსონაჟის ემოციური მდგომარეობა. წაკითხული ტექსტის მიმართ გამოხატეს თავიანთი დამოკიდებულება თუ როგორ მოიქცეოდნენ ანალოგიურ სიტუაციაში. საინტერესოდ და გულმოდგინედ წარმოადგინეს ვიწრო ხიდზე თხების ორი სხვადსხვა შეხვედრის ინსცენირება : ჯიუტი თხების შეხვედრა, რომელიც ორივესთვის ცუდად დამთავრდა და თავაზიანი თხების შეხვედრა, რომლებმაც მშვიდობიანად გაიარეს ხიდი. მასწავლებლის ეფექტურად გამოყენებულმა თანმიმდევრულმა სტრატეგიებმა, რამდენიმე პირველკლასელის , გაკვეთილის დასაწყისში გულწრფელად დაფიქსირებული პოზიცია , ,,მსგავს სიტუაციაში არც ჩვენ დაუთმობთ გზას სხვას“ შეცვალა და საერთო დასკვნაც გააკეთეს: დათმობა , თავაზიანობა , პატივისცემა აუცილებელია. ამიტომაც გაამახვილეს ყურადღება საკლასო ოთახში კედელზე გამოკრულ ჯადოსნური სიტყვებზე: უკაცრავად, მადლობა, ბოდიში, გთხოვ, თუ შეიძლება, რომელიც დაეხმარებათ მეგობრებთან , უფროსებთან, საზოგადოებასთან ურთიერთობაში.
გაკვეთილს დაუკვირდა და შეაფასა სკოლის ხარისხის განვითარების ჯგუფი.
წარმატებები თამარ მასწავლბელს თავის აღსაზრდელებთან ერთად
მესამე ბ კლასში წამყვანმა მასწავლებლმა შორენა მუმლაძემ ჩაატარა გაკვეთილი ბუნებაში სინათლე და სითბო. გაკვეთილი თავიდან ბოლომდე ხალისიანად და დინამიურად მიმდინარეობდა, მასწავლებელი იყენებდა მრავალფეროვან სტრატეგიებს. პროცესი ინტერაქტიური იყო, მასწავლებლის განსაკუთრებული ძალისხმევის გარეშე ყველა ეტაპზე საგაკვეთილო პროცესში თანაბრად იყო ჩართული. ფაქტობრივად ყველა მოსწავლე. პრაქტიკულმა ექსპერიმენტებმა თეორიული მასალის გაანალიზებას შეუწყო ხელი. სითბოსა და სინათლის გავრცელების მარტივი კანონზომიერების აღწერაში, სითბოს გადაცემის თავისებურებებში ჩატარებულმა ექსპერიმენტებმა მოსწავლეთა ცოდნის დონე გააფართოვა და პრაქტიკული უნარ-ჩვევებით შესძინა მათ. თერმოსმა და მასში მოთავსებულმა ცხელმა წყალმა, თბოიზოლატორების ცნება უფრო გასაგები გახადა, ცხელი წყლით გამთბარმა ალუმინის კოვზით დაასკვნეს რომ ალუმინი სითბო გამტარია, ხოლო გაზქურაზე მოთავსებულ ტაფაზე კვერცხის შეწვით პატარა მზარეულმა სითბოს გადაცემასთან ერთად ყურადღება უსაფრთხოების წესებზე გაამახვილა, თუ კი მისი თანატოლი მარტო აღმოჩნდება სამზარეულოში, პრაქტიკულად იქნა ასევე ნაჩვენები სინათლისა და სითოს ბუნებრივი და ხელოვნური წყაროები, სანთელი, სანათი, კოცონი. გამჭირვალე და გაუმჭირვალე საგნები, ჩრდილის წარმოქმნაზეც ლოგიკურად მოხდა გადასვლა და მას შემდეგ რაც მოსწავლეებმა თვალნათლივ დაინახეს ხელოვნურად ჩაბნელებულ მათ საკლასო ოთახში , როგორ იზრდებოდა, მცირდებოდა ჩრდილის ზომები, ერთ-ერთი საინტერესო აქტივობა ,,ჩრდილების თეატრი“ წარმოადგინეს. საგანგებოდ შექმნილი აფიშამ გვამცნო რომ ვიხილავდით ,, წითელქუადას“, მესამე კლასელების ახლებური ინტერპრეტაციით. პატარა მსახიობებმა თავიანთი თოჯინებით საინტერესო ჩრდილები შექმნეს კედელზე, გაახმოვანეს სპექტაკლი. წარმოადგინეს პერსონაჟების ნახატები. გაკვეთილზე მასწავლებელი წარმატებულად ამყარებდა შიდასაგნობრივ და საგანთაშორის კავშირებს,მოსწავლეებს განუვითარდათ შემოქმედებითი, კრიტიკული აზროვნება, შეიძინეს პრაქტიკული უნარ-ჩვევები, რომელიც რეალურ ცხოვრებაში დაეხმარებათ. გაკვეთილს ესწრებოდა და შეაფასა სკოლის ხარისხის განვითარების ჯგუფმა.
26 მაისი – საქართველოს ეროვნული დღესასწაულია, რომელიც აღინიშნება ყოველ წელს , ნიშნად საქართველოს სახელმწიფოებრივი დამოუკიდებლობის გამოცხადებისა.ზუსტად ამ დღეს,1918 წლის 26 მაისს, გოლოვინის გამზირზე, კავკასიის მეფისნაცვლის ყოფილ რეზიდენციაში, თავისი უკანასკნელი სხდომა ჩაატარა ამიეკავკასიის სეიმმა. ამიერკავკასიის დემოკრატიული ფედერაციული რესპუბლიკა დაშლილად გამოცხადდა. იმავე დარბაზში შედგა საქართველოს ეროვნული საბჭოს სხდომა,რომელიც გაიხსნა 4 საათსა და 50 წუთზე ნოე ჟორდანიას თავმჯდომარეობით. საქართველოს ეროვნულმა საბჭომ 5 საათსა და 10 წუთზე ერთხმად დაამტკიცა „საქართველოს დამოუკიდებლობის აქტი“.ამ დოკუმენტის მიხედვით შეიქმნა საქართველოს დემოკრატიული რესპუბლიკა.
საუკუნეზე მეტი გავიდა
ამ მოვლენიდან და სკოლა ანაბასისის მერვე კლასელებმა საინტერესო პრეზენტაციები წარადგინეს ამ ღირსშესანიშნავი დღის გასახსენებლად პედაგოგებთან – ნინო როინიშვილთან და თეა სამხარაძესთან ერთად.მოსწავლეებმა მოისმინეს და გაეცვნენ ერთმანეთისა და მასწავლებლის მიერ მიწოდებულ ინფორმაციას,ვიდეო და ფოტო-მასალას.ინტერაქტიულობით გამოირჩეოდა დამსწრე საზოგადოებაც,რომელთა შორისაც იყვნენ სკოლის მეშვიდეკლასელები,სხვადასხვა საგნის პედაგოგები და დირექტორი,ქალბატონი :ქეთევან ედიბერიძე
მე-7 კლასში ფიზიკის უფროსმა მასწავლებლმა ნატო კაპანაძემ ჩაატარა გაკვეთილი თემაზე ,,თვითფრინავის მოდელი“ რომელიც კომპლექსური დავალების ერთ-ერთი ეტაპი იყო. მოსწავლეებმა შეძლეს პასუხი გაეცათ საკვანძო კითხვაზე: როგორი ფორმის უნდა იყოს ქაღალდის თვითფრინავი, რომ რაც შეიძლება ნაკლები წინააღმდეგობა შეხვდეს მოძრაობისას? გაკვეთილის ნაწილი დაეთმო თეორიული საკითხების გააზრებას და არგუმენტირებულ მსჯელობას. რა შემთხვევაში იფრენს თვითფრინავი თანაბარი სიჩქარით ? შეიძლება თუ არა გამოვიყენოთ პარაშუტი თვითფრინავის დასამუხრუჭებლად , რა გავლენას ახდენს დედამიწის მიზიდულობა თვითფრინავის მოძრაობაზე?თვითფრინავის მოძრაობისას რა როლს ასრულებს ჰაერის წინააღმდეგობის ძალა? საჭიროა თუ არა მთვარეზე დაშვებისათვის პარაშუტი.მოსწავლეებმა წარმოადგინეს თვითფრინავების მოდელები და გამოთქვეს ვარაუდები რომელი მოდელის ,,თვითფრინავი“ უფრო მეტ მანძილს გაიფრენს და რატომ. ვარაუდები ექსპერიმენტულად შეამოწმეს და დასკვნებიც გააკეთეს ,,თვითფრინავების“ მიერ განხორციელებული ფრენის სიშორეზე გავლენას ახდენს , ,,თვითფრინავების“ ფორმა, გარემო პირობები, წონა. ეს იყო ქაღალდის თვითფრინავების ყველაზე საინტერესო, სასარგებლო , მხიარული, მშვიდობიანი ფრენა სკოლის ეზოში , რომელმაც ბევრ კითხვაზე გასცა პასუხი და კიდევ ერთხელ დაარწმუნა მოსწავლეები რომ ფიზიკის გაკვთილებზე შეძენილი ცოდნა ეხმარებათ ყოფა-ცხოვრებაში მიმდინარე პროცესების ასახსნელად. მოსწავლეები აქტიურად იყვნენ ჩართული სასწავლო პროცესში. გაკვეთილს დაუკვირდა და შეაფასა სკოლის ხარისხის განვითარების ჯგუფი.
ვიოლეტა შეყილაძე ზესტაფონის საუკეთესო მწვრთნელი მასწავლებელია!
12 მაისს ქ.ზესტაფონში გაიმართა გურამ თურქაძისადმი მიძღვნილი საჭადრაკო ტურნირი,რომელშიაც ყველა ასაკის მოსწავლეები ერთ ჯგუფში მონაწილეობდნენ.ტურნირი ჩატარდა ოლიმპიური სისტემით,ანუ მოთამაშე პირველივე წაგებაზე ტურნირს ეთიშება.ტურნირში მონაწილეობა მიიღო სამოცდაოთხმა მოსწავლემ.სკოლა ანაბასისიდან მონაწილეობდა თერთმეტი მოსწავლე:
მეორეკლასი- ლუკა კობახიძე.
.მესამე კლასი- ლაშა- გიორგი კობახიძე,საბა გვრიტაძე,ლევან ლეჟავა,სანდრო ბარაბაძე.
მეოთხე კლასი- თორნიკე შეყრილაძე,ცოტნე ჩუბინიძე, ლუკა ბარამაძე,
მეექვსე კლასი- იოსებ გოგნაძე.
.მეშვიდე კლასი- დავით მესხი.
.მერვე კლასი სანდრო ვარდოსანიძე.
ანაბასისელებმა ღირსეულად იასპარეზეს გადავიდნენ მეოთხედ ფინალში.მესამე საპრიზო ადგილზე გავიდა იოსებ გოგნაძე.
ზესტაფონის საუკეთესო მწვრთნელ მასწავლებლად დასახელდა სკოლა ანაბასისის მასწავლებელი ვიოლეტა შეყილაძე.
ვულოცავთ ქალბატონ ვიოლეტას დამსახურებულ აღიარებას დღეს იგი იუბილარია ! მრავალი ბედნიერი ,ლამაზი, წარმატებული დღე გეზეიმოთ! მრავალი გამარჯვება თქვენს მოსწავლეებს!
ვიეტნამის ქალაქ ლაო კაის ბაკ კუონგის სკოლის და საქართველოს ქალაქ ზესტაფონის ანაბასისის სკოლის ინგლისურის პედაგოგებმა Hanh Tran და – ნანა ფერაძემ ერთად დაგეგმეს გაკვეთილი თემით “მოგზაურობა.”ონლაინ გაკვეთილის დროს ორი სკოლიდან პატარა ტურ-გიდებმა ,,ტურისტები’’ ერთად წაიყვანეს ვიეტნამიდან საქართველოში და პირიქით. გეოგრაფიული მანძილი ძალიან შორია, მაგრამ ორივე ქვეყნის მომხიბლავმა ადგილებმა ისე მოხიბლა ,,ტურისტები’’
ეკრანს თვალსა არ აშორებდნენ. ასეთი ერთობლივი გაკვეთილები მოსწავლეებს ეხმარებათ შეისწავლონ, შეიყვარონ საკუთარი ქვეყანა და პატივი სცენ სხვა ქვეყნების კულტურასაც , მეტი გაიგონ ლანდშაფტის შესახებ მსოფლიოს მასშტაბით,
, ერთად დაიცვან გარემო და შეინარჩუნონ ის ლამაზი პეიზაჟი, რომელსაც ბუნება სთავაზობთ, ისწავლონ კარგად ინგლისური ენა, გაცვალონ ინფორმაციები, განახორციელონ ერთობლიციპროექტები. წარმატებები და აქტიური თანამშრომლობა ორივე სკოლას!
