1 თებერვალი წიგნის საჯაროდ კითხვის მსოფლიო დღეა. იგი მერვედ აღინიშნება საქართველოში, ანაბასისის მე-3 ა კლასის მოსწავლეები ამ მნიშვნელოვანი თარიღს ( კლასის ხელმძღვანელი ლოლიტა ნებიერიძე) სკოლის ბიბლიოთეკიდან შეუერთდნენ.
მათ მოიძიეს ცნობილი ადამიანების ბრძნული გამონათქვამები წიგნზე და წიგნიერების მნიშვნელობა „მეფე მწიგნობარის“ ტექსტით არგუმენტებით გაამყარეს. დავით აღმაშენებლის მეფობის წარმატების საფუძველად წიგნიერება აღიარეს.
მოსწავლეებმა წაიკითხეს თავიანთი საყვარელი წიგნებიდან ამონარიდები რომელიც ძალიან მოეწონათ.
მედიაწიგნიერების კუთხიდაც გამახვილდა ყურადღება. ნაჩვენები იქნა ვიდეორგოლი,, მედია წიგნიერება“ მასში განხილული იყო ინსტრუმენტები, რომელიც დაეხმარებათ ცრუ და ნამდვილი ინფორმაციის დადგენაში.
მოსწავლეებმა ხელოვნების გაკვეთილზე შესწავლილი თემიდან „არქიტექტურა“ შექმნეს ფერადი „მკითხველთა ქალაქი“. რაც მეტი წიგნი ექნება ქალაქის მაცხოვრებლებს წაკითხული მით მეტად ნათელი, ფერადი , ლამაზი იქნება მათი სახლები.
მოსწავლეებმა ღონისძიება საქართველოს ჰიმნის შესრულებით დაასრულეს . ამ დღის აღსანიშნავად, ლოლიტა მასწავლებელთან ერთად მოსწავლეებმა გადწყვეტილება მიიღეს: სიმბოლურად შეიძინონ წიგნი, ყველამ წაიკითხოს და აზრები გაუზიარონ ერთმანეთს.
წარმატებებები ლოლიტა მასწავლებელს და მათ აღსაზრდელებს!
ტრადიციული საქველმოქმედო პროექტი ანაბასისში უკვე წლებია წარმატებით მიმდინარეობს მოსწავლეთა , მშობელთა და მთელი სასკოლო საზოგადოების ჩართულობით.
ანაბასისის სამოქალაქო განათლების კლუბის, მკვლევართა კლუბის და ეკოკლუბის წევრებმა თვითმმართველობის წევრებთან ერთად მორიგი საქველმოქმედო აქცია გამართეს.
ისინი ესტუმრნენ სოციალურად დაუცველ მარტოხელა მოხუცებს, მრავალშვილიან ოჯახებს, ზესტაფონის ჰუმანიტარულ ორგანიზაციას “კათარზისს” , მოხუცთა სახლს “მოსა” და თავიანთი სითბო და ყურადღება გაუნაწილეს მათ, ვისაც ეს ყველაზე მეტად სჭირდება.
ხელმძღვანელები ქეთევან ედიბერიძე, თეა სამხარაძე , თამარ მალაღურაძე.
2023 წლის 20 იანვარს, უშანგი ჩხეიძის სახელობის დრამატულ თეატრში “წიგნების თაროს” საჯარო შეხვედრა გაიმართა. ანაბასისელებმა დიდი ინტერესით მოისმინეს ალექსანდრე ლორთქიფანიძის საჯარო ლექცია : “ამბავი, რომელსაც 50 000 წელია ვყვებით” – როგორ იქმნებოდა ლიტერატურა, პირველი ადამიანების ამბებიდან 21-ე საუკუნის ბესტსელერებამდე.
ლექციის დასრულების შემდეგ გაიმართა „წიგნების თაროს“ საჯარო თამაში .
სასიამოვნოა ის ფაქტი , რომ ცამეტი გამარჯვებულიდან ორი ანაბასისელი იყო, მეთერთმეტე კლასის მოსწავლე თამარ კაპანაძე და მეცხრე კლასის მოსწავლე საბა ბახტაძე. სწორი პასუხის ავტორები სპეციალური პრიზებით და წიგნებით დაჯილდოვდნენ.
ვულოცავთ მათ ამ გამარჯვებას და ვუსურვებთ შემდგომ წარმატებებს!
ამასთან დაკავშირებით სხვადასხვა ინფორმაცია გვესმის და იწერება სოციალურ ქსელებში. ხშირად შემაშფოთებელიც . ჰაერზე კი უარს ვერავითარ შემთხვევაში ვერ ვიტყვით. უჰაეროდ ადამიანი ხომ რამდენიმე წუთსაც ვერ იარსებებს. გვაქვს თუ არა უმძიმესი მდგომარეობა ჰაერის დაბინძურების თვალსაზრისით ზესტაფონში, ამის გასარკვევად გეოგრაფიის პედაგოგის რუსუდან გურგენაშვილისა და ბიოლოგიის პედაგოგის თამარ მალაღურაძის ორგანიზებით სასწავლო ექსკურია მოეწყო შ.პ.ს. ჯორჯიან მანგანეზის ეკოლოგიურ ლაბორატორიაში. (ლაბორატორია ახდენს ატმოსფერული ჰაერის მონიტორინგს ქარხნის ტერიტორიაზე და დასახლებულ პუნქტებში) ლაბორატორიის თანამშრომლების გულისხმიერებამ საშუალება მისცა მოსწავლეებს მიეღოთ ამომწურავი ინფორმაციები როგორ ახდენენ ლაბორატორიაში ჰაერის შედგენილობის განსაზღვრას. მოსწავლეები ესტუმრნენ ატმოსფერული ჰაერის მონიტორინგის ჯიხურს რომელიც აფიქსირებს მტვრის რაოდენობას ფრაქციებით, აზოტის (IV),გოგირდი(IV) ოქსიდის , ნახშირბადის მონოქსიდის შემცველობას ჰაერში. ჯიხურების მონაცემები ავტომატურად მიეწოდება ქარხნის ხელმძღვანელობას, ასევე გარემოსა და ბუნებრივი რესურსების დაცვის სამინისტროს. მისი ნახვა შეუძლია სოციალურ ქსელში დაინტერესებულ პირს. მიღებული შედეგებით მოსწავლეებს შეექმნათ წარმოდგენა ჰაერზე , . შეაფასეს მისი სიუფთავის ხარისხი , მტვრის , მანგანუმის დიოქსიდის, აზოტის დოქსდის , გოგირდის დიოქსიდის, ნახშირბადის მონოქსიდის შემცველობა ზღვრულად დასაშვებ რაოდენობასთან შედარებით.
სასწავლო ექსკურსიამ მიზანს მიაღწია. კათედრების თანამშრომლობამ მოსწავლეთა ცოდნის თვალსაწიერი გააფართოა და გარემომცველი გარემოს შესწავლასა და მასზე მზრუნველი უნარების ფორმირებას შეუწყო ხელი.
,,სიკეთე აბედნიერებს, როგორც სიკეთის მქმნელს ასევე მის მიმღებს”
სიკეთის კეთება ადამიანის ბუნების განუყოფელი ნაწილია,რომლის გარეშეც სიცოცხლეს ფასი ეკარგება. სიკეთის მარცვალი თითოეულ ადამიანშია, მთავარი მისი გაღვივებაა. ჩვენს მოსწავლეებში არსებული სწორედ ამ მარცვლის გაღვივებას ემსახურება სკოლის მოსწავლეთა თვითმრთველობის მიერ ორგანიზებული საქველმოქმედო ღონისძიებები. სკოლის ერთ-ერთი ტრადიციული პროექტი წინასაახალწლოდ განხორციელდა. ეს პროექტია ,,ჩვენ ყველგან მივალთ, ვისაც ვჭირდებით” მოსწავლეებმა მოინახულეს სოციალურად დაუცველი მარტოხელა მოხუცები , მრავალშვილიანი ოჯახები, ესტუმრნენ ზესტაფონის ჰუმანიტარულ ორგანიზაციას ,,კათარზისს”და თავიანთი სითბო და ყურადღება გაუნაწილეს მათ ვისაც ეს ყველაზე მეტად სჭირდება.
,,სიკეთე აბედნიერებს, როგორც სიკეთის მქმნელს ასევე მის მიმღებს”და სკოლა ანაბასისში წერილი მოვიდა ,,კათარზისიდან”, რომელშიც ნათქვამია
,, მოგესალმებით ქალბატონო ქეთევან და გილოცავთ შობა ახალ წელს მშვიდობის , სიკეთის და სიყვარულის მომტანი ყოფილიყოს ახალი წელი თქვენთვის და თქვენი ოჯახებისთვის .
კიდევ ერთხელ დიდი მადლობა თქვენ და თქვენ პედაგოგებს და მოსწავლე ახალგაზრდობას გაწეული დახმარებისთვის. ,,კათარზისი-ს კოლექტივის და ბენეფიციარების სახელით.
მე-5 ბ კლასში, უფროსმა მასწავლებელმა ქეთი ყიფიანმა კომპლექსური დავალება წარმატებით განახორციელა თემაზე : სიკეთე. დავალების შესრულება რამდენიმე ეტაპს მოიცავდა . პირველ ეტაპზე მოხდა მასწავლებლის მიერ პირობის გაცნობა, შემდეგ ეტაპებზე კი მოსწავლეებმა შეისწავლეს და გაანალიზეს რამდენიმე ავტორის ნაწარმოები. იმსჯელეს სიკეთეზე, შექმნეს მოთხრობები და კომიქსები. კომპლექსური დავალების ბოლო ეტაპზე სწორედ მათ მიერ შექმნილი მოთხრობების და კომიქსების პრეზენტაცია განხორციელდა. სადაც ნათლად გამოიკვეთა მოსწავლეთა პოზიცია საკვვანძო კითხვებზე
• რა არის სიკეთე ;
• რა განსხვავებაა კეთილსა და ანგარებიან ადამიანს შორის;
• რატომ უნდა ვაკეთოთ სიკეთე;
რა მნიშვნელობა აქვს სიკეთეს ჩვენს ცხოვრებაში;
მასწავლებელი ასრულებდა ფასილიტატორის როლს . გაკვეთილი მიმდინარეობდა საინტერესოდ. მოსწავლეთა აქტიური ჩართულობით. ისინი მკაფიოდ ასაბუთებდნენ თავიანთ მოსაზრებებს. ,,სიკეთე , თუნდაც ყველაზე პატარა არასოდეს იკარგება“ , ასკვნიან ჩვენი მე-5 კლასელები და ამაყად აცხადებენ რომ მათ უკვე აქვთ გაკეთებული პატარა სიკეთეები:ზოგი ზოგი მოხუცს დაეხმარა , ზოგი დედას, მამას, ბებია, ბაბუას, ზოგმა უპატრონო ცხოველი შეიფარა.. თუმცა იციან ეს არ არის საკმარისი და არ უნადა შეჩერდნენ სიკეთის კეთების გზაზე, რადგან სიკეთის გარეშე ნამდვილი სიხარული შეუძლებელია“
ამგვარი აქტივობა ხელს უწყობს მოსწავლეებში საკუთარი აზრის ჩამოყალიბების,კრიტიკული აზროვნებისა და კომუნიკაციის უნარების განვითარება.
სკოლის დარბაზში აციმციმდა საახალწლო ნაძვის ხე. ნაძვის ხის მანათობელი ნათურები ნაზად აფრქვევდა სხივებს და ყველა ბავშვის გულს ათბობდა. ნათელი ღვთის მადლი ეფინებოდა ჩვენს ქვეყანას, ჩვენს ქალაქს, ჩვენს ოჯახებსა და ჩვენს მშობლიურ სკოლას.
გულწრფელი ლოცვა წარმოთქვეს ბავშვებმა: – ღმერთო, გევედრები, ქვეყნად არ იყოს ცრემლი და წუხილი! გამიხარე ყველა ადამიანი , ღმერთო ამიყვავე სამშობლოს მთა-ბარი, ყოვლადძლიერო, ყოვლადკეთილო, საქართველო მიქმენ ბედნიერი!
ბავშვებმა მხიარულად გააცილეს ძველი წელი. გაატანეს დარდი, მწუხარება, ტკივილი, შური, სიძულვილი, გაუტანლობა და მტრობა.
ინატრეს, რომ ახალმა წელმა მოიტანოს: სიხარული, ბედნიერება, სიყვარული, ერთმანეთის გატანა, სურვილების ასრულება, ჩვენი ქვეყნის ძლიერება, საქართველო გახდეს ზღაპრული მხარე, ბაღნარი .ჩვენ კი შევძლოთ დედა სამშობლოს ღირსეული შვილობა სწავლით, ქცევით, საქმით.
მშვიდობით ძველო წელო. გესალმებით წელო ახალო! დიდხანს ელოდნენ ამ წუთებს. გულმოდგინედ მოემზადდნენ საზეიმო საღამოსათვის. ახალი წლის შემობრძანება ტრადიციულად ნაძვის ხის მორთვითა და თოვლის ბაბუს სტუმრობით იზეიმეს. წერილებიც დაუწერეს თოვლის ბაბუს და სანტას. ალბათ ერთად ბჭობდნენ სასურველ საჩუქარზე. ლექსი ლექსს ცვლიდა , სიმღერა სიმღერას, ცეკვა ცეკვას. ჩვენი პატარების სახეზე ბედნიერების და სიხარულის სხივი ციმციმებდა, მათი საახალწლო განწყობა გადამდები იყო აუდიტორიისათვის.
კლასის დამრიგებელი ლოლიტა ნებიერიძე საგანგებოდ ამ დღისადმი დაწერილი წერილით მიესალმა თავის მოსწავლეებს
მესამე წელია რაც ჩვენ სასკოლო ცხოვრება გვაერთიანებს. სულმოუთქმელდ ველი ყოველი დღის გათენებას და თქვენთან შეხვედრის სიხარულით აღვსილი, იმედიანად ვუცქერ თქვენი მომავალი ცხოვრების ეტაპების გავლას. ერთი სული მაქვს გითხრათ, რომ თქვენ საუკეთესონი იყავით ამ ხნის განმავლობაში. თქვენი კარგი ქცევით, ბეჯითობითა და სიკეთით გამოირჩეოდით ყველასგან.
როდესაც ჩემს ,,ჯადოსნურ სარკეში“ ვიხედებოდი, გული სიხარულით მევსებოდა, რომ ასეთ კარგ და გამორჩეულ ბავშვებს ვხედავდი. თქვენი ოჯახები ამაყობენ თქვენით და ძალიან უყვარხართ. ჩემი დიდი თხოვნა იქნება, რომ ასე გააგრძელოთ და თქვენი მშობლების გულები მუდამ გაახაროთ!
ახლა კი მინდა მოგილოცოთ ჩემო ბავშვებო ახალი 2023 წელი და გისურვოთ ბევრი წარმატება, ბედნიერი დღეები და მხიარული თავგადასავლები.
რაც მთავარია არ დაგავიწყდეთ იყოთ მუდამ ბეჯითები, კეთილები და მეგობრულები.
გთხოვთ, ეს სურვილი შემისრულოთ!
უდიდესი სიყვარულით თქვენი ლოლიტა მასწავლებელი.
სტუმრად მოსულმა თოვლის ბაბუმ საზეიმო განწყობა გააძლიერა . მოსწავლეებიც დაარიგა:
საახალწლოდ თოვლის პაპამ,
საჩუქრები დაარიგა,
მერე, მერე ყველა ბავშვი
ამ სიტყვებით დაარიგა.
ისწავლეთ და გაიხარეთ
სალო,ელე, გიგი, ქიტო,
გიო, ტასო, გაბო, ანდრო
გაბრიელა, ლიზი, ანა,
ნატა, ვახო, დაჩი, გაბო
ანამარია, იკაკო
გულში ცუდი არ გაივლოთ,
შეიყვარეთ სიყვარული
გატანა და სიკეთეცო.
ნატვრის ახდენა და ბედნიერი ახალი წელი ჩვენს პატარებს და მთლიანად საქართველოს!
რა შეუძლიათ ლექსებს?! მოსწავლეებს უყვართ ძიება. მასწავლებელმა კი ხელი უნდა შეუწყოს ძიების პროცესს, რათა სწავლის პროცესი საინტერესო, სახალისო და შემოქმედებითი ხასიათის იყოს. ქართული ენისა და ლიტერატურის წამყვანი პედაგოგი მარეხი ფორჩხიძე ყოველთვის ცდილობს მოსწავლეებს შესთავაზოს ტრადიციული გაკვეთილებისაგან განსხვავებული ფორმატი , რაც ეხმარება მოსწავლეთა მოტივაციის ამაღლებაში და სწავლების ხარისხის გაუმჯობესებაში. მე-7 კლასში საკითხის ,,რა შეუძლიათ ლექსებს“ განხილვისას მოსწავლეებთან შეთანხმებით გადაწყვიტა მიემართა კითხვების დასმის ხელოვნებისათვის . ინტერესთა დაფაზე მოსწავლეებმა განათავსეს კითხვები, რომლებიც დაიბადა ლექსების გაცნობისას. ბესიკ ხარანაულის ,,ლექსებიდან „ – ,,სუსტი ფრთების იმედით მივაღწევთ , განა გაღმა ნაპირს?’’ ,,აბა, ხანჯლებად ვინ ჩაბღუჯა ისინიხელში, ანდა ფარად ვინ მოიხმარა? ‘’ ტიციანმა რატომ დაარქვა თავის ლექსს რია-რია?“ ანა კალანდაძის ,, რა ვარ მტკვარი ვარ”მიხედვით რისი მეტაფორაა ქარი? ,, როგორ იქცევა ლექსი გულისტკივილადაც და მალამოდაც ? (,,ვაჟა-ფშაველას ნაამბობი“), ,, როგორ მოდის პოეტთან შთაგონება?“ ლუი ამსტრონგის მუსიკის ჰანგებმა მეტი ემოცია შესძინა ბესიკ ხარანაულის ლექსის სტრიქონებს , რაც მთავარია მოსწავლეებმა პასუხი გასცეს კედელზე დასმულ კითხვებს. რამდენიმე მოსწავლემ თავის განწყობა ნახატებში გადმოცა და აღიარეს მოსმენილი ლექსის სტრიქონები მათი შთაგონების წყარო აღმოჩნდა . მართლაც ,, რა შეუძლიათ ლექსებს?!“
სკოლა ანაბასისი პიროტექნიკის წინააღმდეგ! შევცვალოთ არსებული ვითარება უკეთესობისკენ ერთობლივი ძალისხმევით! საქართველოს განათლებისა და მეცნიერების სამინისტროს, სკოლამდელი და ზოგადი განათლების განვითარების დეპარტამენტის მომართვას საახალწლო დღეებში პიროტექნიკის გამოყენების შესახებ აქტიურად გამოეხმაურა სკოლა ანაბასისის სასკოლო საზოგადოება. სკოლის დირექტორის ქალბატონი ქეთევან ედიბერიძის ხელმძღვანელობით თითოეულმა დამრიგებელმა ჩაატარა საინფორმაციო შეხვედრა მოსწავლეებთან და მათ მშობლებთან პიროტექნიკის მავნე გავლენის შესახებ ადამიანის და ცხოველის ორგანიზმზე და გარემოზე. ანაბასისის სამოქალაქო განათლების კლუბის,მკვლევართა კლუბის და ეკოკლუბის წევრებმა შექმნეს და გაავრცელეს საინფორმაციო ბუკლეტი პიროტექნიკის მავნებლობის შესახებ საზოგადოების ინფორმირებულობის ამაღლების მიზნით! მშვიდობიან და ბედნიერ შობა ახალ-წელს გისურვებთ, მეგობრებო! ხელმძღვანელები ქეთევან ედიბერიძე, თეა სამხარაძე , თამარ მალაღურაძე.
მშვიდობიან, წარმატებულ, ბედნიერ შობა ახალ წელს გისურვებთ , მეგობრებო!
ტრადიციული საშობაო-საქველმოქმედო პროექტი ანაბასისში უკვე წლებია წარმატებით მიმდინარეობს მოსწავლეთა , მშობელთა და მთელი სასკოლო საზოგადოების ჩართულობით.
ანაბასისის სამოქალაქო განათლების კლუბის, მკვლევართა კლუბის და ეკოკლუბის წევრებმა მოინახულეს სოციალურად დაუცველი მარტოხელა მოხუცები, მრავალშვილიანი ოჯახები, ესტუმრნენ ზესტაფონის ჰუმანიტარულ ორგანიზაციას “კათარზისს” და თავიანთი სითბო და ყურადღება გაუნაწილეს მათ, ვისაც ეს ყველაზე მეტად სჭირდება.
ხელმძღვანელები ქეთევან ედიბერიძე, თეა სამხარაძე , თამარ მალაღურაძე.
ლექციის დასრულების შემდეგ გაიმართა „წიგნების თაროს“ საჯარო თამაში .
