კატეგორია: სკოლა ანაბასისი

,,სწავლების კარგად წარმართვაზე დამოკიდებულია, არამცთუ სვე–ბედი მომავლის თაობისა, არამედ სვე–ბედი თვითონ ქვეყნისაც“

5 ოქტომბერს ზესტაფონის რაიონის საგანმანათლებლო რესურსცენტრმა და ქალაქის მუნიციპალიტეტის გამგეობამ პედაგოგის დღესთან დაკავშირებით საუკეთესო მასწავლებლის ტიტული მიანიჭა სკოლა ანაბასისის ხარისხის განვითარების მენეჯერს , ისტორიისა და სამოქალაქო განათლების წარმატებულ პედაგოგს თეა სამხარაძეს. ვულოცავთ ქალბატონ თეას ღირსეულ აღიარებას და ვუსურვებთ შემდგომ წარმატებებს!

დროთა განმავლობაში იცვლებოდა და იცვლება სასკოლო განათლების სისტემა, თეა სამხარაძე ყველა პერიოდში ცდილობს სწავლებაში გამოიყენოს სწავლების თანამედროვე მეთოდები , იზრუნოს მოსწავლეთა როგორც შინაგანი, ასევე გარეგანი მოტივაციის ამაღლებაზე, მოსწავლეთა სააზროვნო უნარების განვითარებასა და სხვადასხვა ორიგინალურ საშინაო დავალების შერჩევაზე, რომელიც მოსწავლეს განუვითარებს როგორც, შემოქმედებით, ასევე კრიტიკულ აზროვნებასაც. თავის საქმიანობაში ყურადღებას ამახვილებს მოსწავლეთა როგორც ფორმალურ,ისე არაფორმალურ განათლებაზე. წლების მანძილზე თეა სამხარაძე წარმატებით ხელმძღვანელობს სხვადასხვა სახის სასწავლო პროექტებს , მისი მეურვეობით სამოქალაქო განათლების კლუბმა მნიშვნელოვან წარმატებებს მიაღწია. ის აქტიურადაა ჩართული სხვადასხვა სახის კონკურსებსა და ოლიმპიადებში . მისი პროექტებით სკოლამ არაერთხელ მოიპოვა გრანტი. სამოქალაქო განათლების პედაგოგთა ფორუმზე დასახელებულ იქნა 2016 წლის იმერეთის რეგიონის წარმატებულ პედაგოგად, ხოლო 2020 წელს წლის საუკეთესო მასწავლებლის ტიტული მიენიჭა. მას უყვარს თავის პროფესია , სწავლების პროცესში ყურადღებას ამახვილებს არამარტო საგნის სწავლებაზე არამედ ცდილობს , მოსწავლეებს ჩამოუყალიბოს სოციალური თვისებები, საგნის სწავლების პროცესში აქტიურად იყენებს საგანთა შორის კავშირს , ყველა საკითხს განიხილავს გრძელვადიანი მიზნის პერსპექტივით და ცხოვრებისეულ მოვლენებთან კავშირში. მუდმივად ზრუნავს პოზიტიური სასწავლო გარემოს შესაქმნელად, სადაც ყველა მოსწავლეს აქვს სასწავლო პროცესში თანაბარი ჩართვის შესაძლებლობა.

მასწავლებლობა ერთ-ერთი უჩვეულო პროფესიაა. საინტერესო და საპასუხისმგებლო. ერთი მხრივ, სასიამოვნოა მოზარდებთან ურთიერთობა, მოსწავლეთა პიროვნული ფორმირების პროცესში მონაწილეობა-ხელშეწყობა, მეორე მხრივ ვალდებულება- საკუთარი გონება, ინტელექტი და თავისუფალი აზროვნება მიმართო ბავშვებისკენ, რომელთა მომავალიც შენს ხელშია. ეს ის პროფესიაა სადაც საკუთარი თავის რეალიზება შეიძლება . ასე ესმით სკოლა ანაბასისის ღირსეულ პედაგოგიურ საზოგადოებას, რომლებიც ერთად ქმნიან სასკოლო კულტურას და არა ერთ წარმატებას აღწევენ სწავლა-სწავლების პროცესში.

,,სწავლების კარგად წარმართვაზე დამოკიდებულია, არამცთუ სვე–ბედი მომავლის თაობისა, არამედ სვე–ბედი თვითონ ქვეყნისაც“

მასწავლებლის დღეს გილოცავთ მეგობრებო და მადლობას გიხდით გაწეული საქმიანობისათვის!

სკოლა ანაბასისში პროექტი „ვაქციოთ სკოლა გენდერული პასუხისმგებლობის მქონე დაწესებულებად“ აქტიურად მიმდინარეობს გაეროს ქალთა ორგანიზაციის (UN WOMEN) და UNFPA პროექტის „EU4 გენდერული თანასწორობა: ერთად სტერეოტიპებისა და გენდერული ძალადობის წინააღმდეგ“ ფარგლებში პარტნიორი ორგანიზაციის, სამოქალაქო ინტეგრაციისა და ეროვნებათშორისი ურთიერთობების ცენტრის (CCIIR) ორგანიზებით, რომელიც ხორციელდება ევროკავშირის ფინანსური მხარდაჭერით”.

ამჟამად ანაბასისელებმა საინფორმაციო შეხვედრა გამართეს, სადაც ისაუბრეს მდგრადი განვითარების მიზნებიდან N5 მიზანზე: გენდერული თანასწორობა.

შეხვედრის მიზანი იყო სკოლის მოსწავლეებში გენდერული თანასწორობის შესახებ ცნობიერების ამაღლება, სტერეოტიპების დამარცხებასა და გენდერული განსხვავებების მიმართ პოზიტიური დამოკიდებულების განმტკიცებისთვის ხელშეწყობა.

მოსწავლეებმა საინტერესოდ წარმოადგინეს საკუთარი შეხედულებები და დამოკიდებულებები გენდერული თანასწორობისა და გენდერული სტერეოტიპების შესახებ; განიხილეს სიტუაციური ამოცანა „რთული არჩევანი“ და კრეატიულად წარმოადგინეს პრობლემის გადაჭრის გზები როგორც საკუთარი, ისე საპირისპირო სქესის პოზიციიდან;

გასულ კვირას ქურთისტანის პროვინციაში 22 წლის ქურთი ქალი მაჰსა ამინის გარდაცვალების შემდეგ დაწყებული საპროტესტო დემონსტრაციების შესახებ ვიდეო მასალის განხილვის შემდეგ, ანაბასისელებმა იმსჯელეს მსოფლიოში გენდერული თანასწორობის პრინციპების დამკვიდრების აუცილებლობაზე.

შეხვედრის ბოლოს, მათ პროტესტის ნიშნად დახიეს ფურცლებზე დაწერილი სტერეოტიპული შეხედულებები და საინფორმაციო დაფაზე თავიანთი დამოკიდებულებები დააფიქსირეს გენდერული თანასწორობის მნიშვნელობაზე.

პროექტის ფარგლებში დაგეგმილია ვიდეორგოლის მომზადება და საფეხურების მიხედვით საინფორმაციო შეხვედრები;

პედაგოგები თეა სამხარაძე და ქეთევან ედიბერიძე.

27 სექტემბერი სოხუმის დაცემის დღეა…

აფხაზეთის ომში დაღუპულთა ხსოვნის პატივსაცემად საქართველოს სახელმწიფო დროშები დაშვებულია…

29 წლის წინ, 1993 წლის 27 სექტემბერს სოხუმი დაეცა.

აფხაზეთის ომი 1992 წლის 14 აგვისტოს დაიწყო და 13 თვეს და 13 დღეს გაგრძელდა. სხვადასხვა მონაცემით, შეიარაღებულ დაპირისპირებას ემსხვერპლა 10 000-დან 30 000-მდე ათასამდე ადამიანის სიცოცხლე, 300 ათასზე მეტი კი, დევნილად იქცა.

აფხაზეთის რეგიონში საქართველოს სამთავრობო ძალების შესვლას წინ უძღოდა ადგილობრივი სეპარატისტების მიერ ე.წ. დამოუკიდებლობის გამოცხადება. აფხაზური ფორმირებების მხარდასაჭერად საბრძოლო მოქმედებებში ჩაერთო რუსეთის სამხედრო ძალები.

სოხუმის დაცემამდე შეიარაღებული კონფლიქტის მონაწილე მხარეებმა რამდენჯერმე მიაღწიეს სამშვიდობო შეთანხმებას, თუმცა, რუსეთმა და მის მიერ მხარდაჭერილმა სეპარატისტებმა შეთანხმებები დაარღვიეს.

სოხუმის დაცემიდან 15 წლის შემდეგ, 2008 წლის 26 აგვისტოს რუსეთმა აფხაზეთი „დამოუკიდებელ რესპუბლიკად“ აღიარა.

ანაბასისში სამოქალაქო კლუბის და ეკოკლუბის წევრებმა მოსწავლეთა თვითმმართველობასთან თანამშრომლობით სოხუმის დაცემის დღესთან დაკავშირებით რამდენიმე აქტივობა განახორციელეს.

1. “წერილი აფხაზ თანატოლს”- დაწყებითი სწავლების საფეხური.

2. საინფორმაციო პრეზენტაცია- “ჩვენ დავბრუნდებით”-საბაზო საფეხური.

3. დოკუმენტური ფილმის ჩვენება და დისკუსია-საბაზო და საშუალო საფეხური.

ანაბასისელები კარგად აცნობიერებენ, რომ აფხაზეთი დროებით ჩამოაშორეს საქართველოს და ნატრობენ მალე იხილონ გაერთიანებული და გაძლიერებული სამშობლო.

პედაგოგები თეა სამხარაძე,ქეთევან ედიბერიძე.

სკოლა ანაბასისი გილოცავთ ახალ სასწავლო წელს! წარმატებული, საინტერესო, გამოწვევების დაძლევის წელი ყოფილიყოს იგი თქვენთვის!

სკოლა ანაბასისის მოსწავლეები ქეთათო ნებიერიძე და გიორგი ქათამაძე გლობალურ პლატფორმაზე მდგრადი განვითარების მიზნებზე საინტერესო პრეზენტაციებით წარსდგნენ ინგლისურ ენაზე და სერთიფიკატებით დაჯილდოვდნენ!ვულოცავთ და წარმატებებს ვუსურვებთ!

ეკოკლუბი ,,ანაბასისი“ მიმდინარე სასწავლო წელს შეიქმნა (კლუბის კურატორი ბიოლოგიის მასწავლებელი თამარ მალაღურაძე) და კონკურსში -ნიკო კეცხოველის სასკოლო პრემია ჩაერთო. კლუბმა არაერთი გარემოსდაცვითი და სოციალური ღონისძიება განახორციელა მდგრადი განვითარების 17 მიზნის ფარგლებში. ჩატარებულმა აქტივობებმა:პოლიეთილენის ალტერნატიული შესაფუთი მასალების დამზადებამ სახამებლიდან, გადაყრილი პოლიეთილენის ნაწარმოდან სხვადახვა დეკორატიული ნივთების დამზადებამ, გამწვანებისა და გარემოსდაცვითმა აქციებმა, გლობალურ პლატფორმებზე მონაწილეობამ და სხვა.კიდევ უფრო დაგვანახვა არსებული მდგომარეობის სიმძაფრე. დროის საზომი ჩართულია , ბალანსი აღსადგენია. მიზნები 2030 წლისათვის შესრულებული უნდა იყოს! პლანეტის ყველა მოქალაქე ტოვებს უარყოფით კვალს გარემოზე. ხშირად ისე , რომ არც კი იცის ამის შესახებ. ყველა ადამიანმა ეროვნების, სარწმუნოების, სქესის მიუხედავად უნდა გააცნობიეროს თავის წილი პასუხისმგებლობა.

ეკოკლუბმა ,,ანაბასისმა”, ნიკო კეცხოველის პრემიაში ახლად ჩართულ სკოლებს შორის ყველაზე აქტიური სკოლის სტატუსი დაიმსახურა და წიგნების კომპლექტების შესაძენი ვაუჩერით დასაჩუქრდა. კონკურსის ნახევარფინალზე გაწეული მუშაობის ამსახველი საინტერესო პრეზენტაცია წარმოადგინეს კლუბის წევრებმა , სკოლის წარმატებულმა მოსწავლეებმა ქეთი ცერცვაძემ და ანასტასია ჯუღელმა.

სკოლის დირექცია მადლობას უხდის კონკურსში ჩართული გუნდის ყველა წევრს, მე-9 კლასის მოსწავლეებს:ანი კობერიძეს , ნიკოლოზ ცხადაძეს, ელენე მელაძეს, გიორგი ქათამაძეს , ანასტასია ჯაფარიძეს, მასწავლებლებს: თეა სამხარაძეს და ქეთევან ედიბერიძეს. წარმატებები კლუბს მომავალ საქმიანობაში!

დიდი მადლობა კონკურსის ორგანიზატორებს საინტერესო და მოსწავლეთა საჭოროებებზე მორგებული პროექტის შემოთავაზებისათვის.

ნიკო კეცხოველის სასკოლო პრემია 2022-ის ნახევარფინალური შეხვედრა ქუთაისში.

#ADC#CENN#Nikoketskhoveli#youthforSDGs

დამთავრდა ერთიანი ეროვნული გამოცდები, გამოცხადდა შედეგები!

ანაბასისის 2021-2022 სასწავლო წლის კურსდამთავრებულთა მიღწევები ეროვნულ გამოცდებზე საკმაოდ შთამბეჭდავია და სიამაყით გვავსებს!

ეს ჩვენი მოსწავლეების და ჩვენი მასწავლებლების ერთობლივი, თავდაუზოგავი , პასუხისმგებლიანი შრომის შედეგია! ეს ჩვენი მშობლების გვერდით დგომის და ერთობლივი საქმიანობის ნაყოფია!

ანაბასისელებო, სიყვარულით და სიამაყით გილოცავთ მიღწეულ წარმატებას და გისურვებთ სკოლაში შეძენილი მკვიდრი ცოდნა გამხდარიყოს ის საძირკველი, რომელზეც მყარად დააშენებთ უმაღლეს სასწავლებლებში მეცნიერების საფუძვლებს , შემდეგ კი ჩადგებით ჩვენი ქვეყნის სამსახურში საკუთარი საქმის პროფესიონალები და მაღალი სამოქალაქო ცნობიერების ადამიანები!

თქვენ, ნამდვილად გამორჩეული და საამაყო თაობა ხართ!

თქვენ შეძელით სერიოზულ გამოწვევებს ღირსეულად გამკლავებოდით, წარმატებით წარმოგეჩინათ საკუთარი ცოდნა და შესაძლებლობები! გისურვებთ როგორც საკუთარი, ისე ქვეყნის სასიკეთოდ საუკეთესო მიზნების დასახვას და სასურველი შედეგის მიღწევას!

გახსოვდეთ, ჩვენი ქვეყნის მომავალი თქვენი თაობის ხელშია!

გვსურს ჩვენს ანაბასისელებთან ერთად წარმატებები ვუსურვოთ ყველა ახალგაზრდას, ცხოვრების ულამაზესი, უმნიშვნელოვანესი და საპასუხისმგებლო დღეების დასაწყისში!

მუდამ გვეამაყოს თქვენი მიღწევებით!

2022 წლის 26 ივნისი

კითხვის სიყვარული ადრეულ ასაკშივე ვლინდება. სწორედ ამ დროს არის საჭირო ბავშვის გონებრივი მისწრაფებების წარმართვა. სწავლისა და კომუნიკაციის უნარების განვითარებისათვის აუცილებელია მოსწავლეს შევაყვაროთ კითხვა. მეტყველებისა და წერის უნარების ჩამოყალიბებისათვის, სასკოლო საქმიანობაში დიდი მნიშვნელობა აქვს სწავლის პირველ საფეხურზე დაეუფლოს წიგნიერებას. ცნობილია, რომ უწიგნურობას უმძიმესი შედეგი მოაქვს მომავალი თაობის სწორად ჩამოყალიბებაში.

ამიტომ წიგნი, პური სულისა, ყველას უნდა უყვარდეს.

ამ მიზნით ანაბასისის მე-2 ა კლასის მასწავლებლებმა( ლოლიტა ნებიერიძემ და სალომე კაკაურიძემ) მშობლების აქტიური ჩართულობით დავგეგმეთ ექსკურსია: ზესტაფონი-სათაფლია- ოტია იოსელიანის სახლ-მუზეუმი-ბოტანიკური ბაღი-ზესტაფონი.

ემოციურად დატვირთული იყო “ოტიას ეზო”-ში სტუმრობა. სახლ-მუზეუმში გულთბილად მიგვიღეს და დეტალურად გაგვაცნეს ოტიასა და მისი შვილის დაჩი იოსელიანის შემოქმედება.

ბატონმა დაჩიმ პატივი დაგვდო და ჩემს მოსწავლეებს გადასცა მე-2 კლასის დამთავრების სერთიფიკატები.

“ის ურჩევნია მამულსა, რომ შვილი სჯობდეს მამასა”. დაჩის შემოქმედებამ და ხელთნაკეთმა ნივთებმა მოლოდინს გადააჭარბა. სამახსოვრო წარწერები გაუკეთა “დაჩის ზღაპრების” წიგნზე, რომლის ილუსტრაციების ავტორი დაჩი იოსელიანია. საოცარმა გარემომ მოტივაცია გაუჩინა ბავშვებს და იქვე, თავიანთი სურვილით წაიკითხეს “დაჩის ზღაპრები”.

წიგნიერებისკენ გადადგმული კიდევ ერთი ნაბიჯი მათ ცხოვრებას იმაზე უკეთესს გახდის ვიდრე გუშინ იყო.

ასე ნაბი-ნაბიჯ ვეუფლებით წიგნიერებას. -ნატვრისთვალი ჩვენს ხელშია.

-“ჩვენ ეს შევძელით.”-დავიპყარით წიგნიერების ეს საფეხური

უღრმესი მადლობა “ოტიას ეზოს” და მშობლებს ჩართულობისა და მხარდაჭერისათვის.

-წიგნიერება ჩვენი ნათელი მომავლის საწინდარია.

ბედნიერი ზაფხული ჩემო კუდრაჭებო.

timss-ის კვლევაში საქართველოს მონაწილეობის ისტორიის მანძილზე პირველად მოხდა კვლევის სრულიად ელექტრონულ ფორმატში ჩატარება,სადაც მონაწილეეობა მიიღო სკოლა ანაბასისის მე-4ა, მე-4ბ, მე-8ა და მე-8ბ კლასებმა, კვლევა მოიცავდა საბუნებისმეტყველო საგნებს .მოსწავლეებმა კი ,ამ კვლევას წარმატებით გაართვეს თავი.

“მოხარულები ვართ, რომ ჩვენი თანამშრომლობისა და თანამოაზრეობის ფარგლებში შესაძლებლობა გვაქვს წარმოვაჩინოთ თქვენი სკოლიდან Etaloni.ge-სთან საკომუნიკაციოდ შერჩეული პირები და მათი ჩართულობის დასაფასებლად მივანიჭოთ თითოეულს ჩვენი გუნდის სახელით დიპლომი.”.

სკოლა ანაბასისის ადმინისტრაცია მადლობა უხდის ეტალონის გუნდს საინტერესო და ნაყოფიერი თანამშრომლობისთვის!

“მრავალი წელი ერთად მომავალი თაობის საკეთილდღეოდ!”