ავტორი: schoolManager

ბუნება დიდი მასწავლებელია
მიილია შემოდგომა. დაუბერა ცივმა ქარმა და ჰაერში ფერადი ფოთლების კორიანტელი დააყენა. შემდეგ ნელ-ნელა ჩადგა და უმწეო ფოთლებმა უსიცოცხლოდ დაიწყეს მიწაზე მოფენა.
ანაბასისის მე-3 ა კლასის მოსწავლეებმა(პედაგოგი ლოლიტა ნებიერიძე) გადაწყვიტეს გაეცოცხლებინათ ჯერ კიდევ ლამაზ ფერებში, მიწაზე უსიცოცხლოდ მოფენილი ფოთლები . შეაგროვეს ჯადოსნური ფერებით „შეღებილი“ ფოთლები, შექმნეს პეიზაჟები, პორტრეტები და საკლასო ოთახის საპრეზენტაციო კუთხეზე დაუდეს ბინა.
ამა თუ იმ კუთხისათვის ენდემურ მცენარეთა ნაყოფების ნაწილებით ,,მოხატულმა“ საქართველოს რუკამ, თავისი ორიგინალური იერით ხალისი შემოიტანა საკლასო ოთახში. მისი დახმარებით მოსწავლეები საქართველოსაც ეცნობიან და იქ გავრცელებულ მცენარეებსაც.
,,მომავალ შეხვედრამდე 2022 წლის შემოდგომავ! მადლობა ლამაზი და მრავალფეროვანი დღეებისათვის!- მესამე კლასელები შემოდგომას დაემშვიდობნენ.
კლასის დამრიგებელი: ლოლიტა ნებიერიძე

17 ნოემბერი გალაკტიონის დაბადების დღეა!

ანაბასისის მე-7 ბ კლასის მოსწავლეებმა ლამაზი საღამო მიუძღვნეს დიდი პოეტის 131-ე წლისთავს. მოსწავლეებმა წარმოადგინეს ლექსები პოეტის შემოქმედებიდან, გაიხსენეს მნიშვნელოვანი ეპიზოდები მისი ცხოვრებიდან. ღომისძიებამ მიზანს მიაღწია. მოსწავლეებმა თავის პატივისცემა გამოხატეს პოეზიის მეფის მიმართ, განუვითარდათ ლექსის გამომეტყველებით კითხვის უნარი, შეიძინეს ფართო აუდიტორიასთან მუშაობის გამოცდილება, აუმაღლდათ თვითშეფასება. საღამოს ორგანიზატორი გახლდათ ქართული ენისა და ლიტერატურის პედაგოგი ქეთი ყიფიანი. შემდგომი წარმატებები მასწავლებელს და მოსწავლეებს!

16 ნოემბერი ტოლერანტობის საერთაშორისო დღეა!

ტოლერანტობა – ესაა თავისუფლება მრავალფეროვნებაში.

ანაბასისში ტოლერანტობის საერთაშორისო დღესთან დაკავშირებით გამოცხადებულ კვირეულის ფარგლებში განხორციელდა პროექტი „ მინდა ვიყო ტოლერანტი“, რომლის მიზანია მოსწავლეებს შორის ადამიანის უფლებების და ტოლერანტობის მნიშვნელობის კუთხით სამოქალაქო ცნობიერების ამაღლება და მათ პასუხისმგებლიან მოქალაქეებად ჩამოყალიბების ხელშეწყობა.

• მოეწყო ვიდეო ფილმების “მრავალფეროვანი გარემო”, “თანასწორობა და დისკრიმინაცია” ჩვენება/განხილვა.

• ჩაატარდა გამოკითხვა დაწყებითი საფეხურის მოსწავლეებში, თუ რას ფიქრობდნენ პატარები ტოლერანტობაზე, შემდეგ კი თანატოლგანმანათლებლებმა მათთვის გასაგებ ენაზე აუხსნეს მათ ტოლერანტობის მნიშვნელობა.

• მოეწყო ესეების და ნახატების კონკურსი თემაზე „ყველა განსხვავებულია,ყველა თანასწორია“, სადაც მოსწავლეებმა მხატვრულად გამოხატეს თავიანთი დამოკიდებულებები ტოლერანტობასთან დაკავშირებით.

• ტოლერანტობის თემაზე დამზადდა საინფორმაციო გაზეთი და ფლაიერები, საზოგადოების ინფორმირებულობის გაზრდის მიზნით.

ტოლერანტობა ,,მსოფლიოს კულტურათა მდიდარი მრავალფეროვნების, თვითგამოხატვის ფორმებისა და ადამიანის ინდივიდუალობის გამოვლინების შესაძლებლობათა პატივისცემა, მიღება და მართებული გაგებაა.

მას ხელს უწყობს ცოდნა, ღიაობა, ურთიერთობა და აზრის, სინდისისა და შეხედულებათა თავისუფლება.

სკოლა ანაბასისის მოსწავლეები ქართული ენისა და ლიტერატურის პედაგოგის, მარეხი ფორჩხიძის ხელმძღვანელობით სასკოლო პროექტის “ჩემი კულტურა ჩემი სიამაყეა” ფარგლებში აქტიურად ჩაერთვნენ მწერალთა სახლის მიერ დავით კლდიაშვილის 160 წლის იუბილისადმი მიძღვნილ ლიტერატურულ კონკურსში.

მოსწავლეებმა დავით კლდიაშვილის შემოქმედების შესწავლის შემდეგ კონკურსის ფარგლებში შემოთავაზებული ორი თემიდან აირჩიეს და საკონკურსოდ წარმოადგინეს ერთ-ერთი:

1. რატომ და როდის იცინიან დავით კლდიაშვილის პერსონაჟები?

2. ჩემი საყვარელი მოთხრობა დავით კლდიაშვილის შემოქმედებიდან.

ესეს წერისას მოსწავლეებმა განიხილეს დავით კლდიაშვილის მოთხრობები („სამანიშვილის დედინაცვალი“, „სოლომონ მორბელაძე“, „ბაკულას ღორები“).

პროექტი დაგვირგვინდა სასწავლო ექსკურსიით დავით კლდიაშვილის სახლმუზეუმში (თერჯოლის მუნიციპალიტეტი,სოფელი ქვედა სიმონეთი), სადაც მოსწავლეებმა საინტერესოდ და შემოქმედებითად წარმოადგინეს თავიანთი ნამუშევრების პრეზენტაცია.

სასკოლო პროექტის ფარგლებში მოსწავლეებმა მოინახულეს სიმონეთის დედათა მონასტერი, მოისმინეს საინტერესო ისტორია მონასტრის შესახებ და დედა ნატალიას ლოცვა-კურთხევით სავსენი დაბრუნდნენ შინ.

შემოდგომაა…

ანაბასისიდან ქარი მიაფრენს ფოთლის ბარათებს…

შემოდგომის ულამაზესი დღესასწაული სკოლა ანაბასისის I ბ კლასის მოსწავლეებმა პედაგოგ მარინა ჭულუხაძის ხელმძღვანელობით სასკოლო პროექტის “ჩემი კულტურა ჩემი სიმდიდრეა” ფარგლებში მოაწყვეს.

ნორჩმა ანაბასისელებმა გვიანი შემოდგომის ხიბლსა და მშვენიერებაზე ისაუბრეს. მოგვითხრეს რევაზ ინანიშვილისა და არნოლდ გეგეჭკორის მოთხრობები: “შემოდგომის დღე” და “დასევდიანდა ბუნება”.

აღნიშნეს, რომ ბუნებაში წითელ-ყვითელი ფერები შემოდგომის მომასწავლებელია, აქა-იქ შემორჩენილი გაყვითებული, უსიცოცხლო ფოთოლი კი სხვა არაფერია თუ არა სევდანარევი მონატრება წარსული მშვენიერებისა.

შემოდგომის ბარაქით სავსე ეზო და საოცარი ფერებით მორთული დღესასწაული მართლაც ერთ-ერთ ლამაზ მოგონებად დარჩება ჩვენი სკოლის ისტორიაში.

სკოლა ანაბასისში პროექტი „ვაქციოთ სკოლა გენდერული პასუხისმგებლობის მქონე დაწესებულებად“ აქტიურად მიმდინარეობს გაეროს ქალთა ორგანიზაციის (UN WOMEN) და UNFPA პროექტის „EU4 გენდერული თანასწორობა: ერთად სტერეოტიპებისა და გენდერული ძალადობის წინააღმდეგ“ ფარგლებში პარტნიორი ორგანიზაციის, სამოქალაქო ინტეგრაციისა და ეროვნებათშორისი ურთიერთობების ცენტრის (CCIIR) ორგანიზებით, რომელიც ხორციელდება ევროკავშირის ფინანსური მხარდაჭერით”.

ამჟამად პროექტის ფარგლებში ანაბასისელებმა შექმნეს სარეკლამო რგოლები სოციალური რეკლამების კონკურსისთვის, რომელიც მიზნად ისახავს განათლებაში გენდერული თანასწორობის ხელშეწყობას,სტერეოტიპების დამარცხებასა და გენდერული განსხვავებების მიმართ პოზიტიური დამოკიდებულებების განმტკიცების ხელშეწყობას.

წარმოგიდგენთ კესო კახნიაშვილის მიერ კონკურსის ფარგლებში შექმნილ ვიდეო-რგოლს. იხილეთ ფეისბუქ გვერდზე.

სკოლა ანაბასისში პროექტი „ვაქციოთ სკოლა გენდერული პასუხისმგებლობის მქონე დაწესებულებად“ აქტიურად მიმდინარეობს გაეროს ქალთა ორგანიზაციის (UN WOMEN) და UNFPA პროექტის „EU4 გენდერული თანასწორობა: ერთად სტერეოტიპებისა და გენდერული ძალადობის წინააღმდეგ“ ფარგლებში პარტნიორი ორგანიზაციის, სამოქალაქო ინტეგრაციისა და ეროვნებათშორისი ურთიერთობების ცენტრის (CCIIR) ორგანიზებით, რომელიც ხორციელდება ევროკავშირის ფინანსური მხარდაჭერით”.

ამჟამად პროექტის ფარგლებში ანაბასისელებმა შექმნეს სარეკლამო რგოლები სოციალური რეკლამების კონკურსისთვის, რომელიც მიზნად ისახავს განათლებაში გენდერული თანასწორობის ხელშეწყობას,სტერეოტიპების დამარცხებასა და გენდერული განსხვავებების მიმართ პოზიტიური დამოკიდებულებების განმტკიცების ხელშეწყობას.

წარმოგიდგენთ ქეთათო ნებიერიძის მიერ კონკურსის ფარგლებში შექმნილ ვიდეო-რგოლს.

ვიდეო რგოლი იხილედ ფეისბუქ გვერდზე.

სკოლა ანაბასისში პროექტი „ვაქციოთ სკოლა გენდერული პასუხისმგებლობის მქონე დაწესებულებად“ აქტიურად მიმდინარეობს გაეროს ქალთა ორგანიზაციის (UN WOMEN) და UNFPA პროექტის „EU4 გენდერული თანასწორობა: ერთად სტერეოტიპებისა და გენდერული ძალადობის წინააღმდეგ“ ფარგლებში პარტნიორი ორგანიზაციის, სამოქალაქო ინტეგრაციისა და ეროვნებათშორისი ურთიერთობების ცენტრის (CCIIR) ორგანიზებით, რომელიც ხორციელდება ევროკავშირის ფინანსური მხარდაჭერით”.

ამჟამად პროექტის ფარგლებში საინტერესოდ წარიმართა შიდა სასკოლო კონფერენცია, რომელიც X კლასის მოსწავლეებმა სამოქალაქო განათლებაში პირველ პროექტულ სწავლებაში შერჩეული პროექტის ,, გენდერული მეინსტრიმინგისათვის” მიმართულებით დაგეგმეს.

საკითხი-გენდერული თანასწორობა/ქალთა უფლებები და გენდერული სტერეოტიპები;

პროექტის ტიპი-ადვოკატირება;

ესგ პრიორიტეტული თემა- ადამიანის უფლებები;

ინტეგრირება სხვადასხვა საგნობრივ დისციპლინებთან-ინტეგრაცია ქართულთან,ისტორიასა და ხელოვნებასთან;

მიზანი: მოსწავლეებმა გააცნობიერონ სასკოლო საზოგადოებაში გენდერული თანასწორობის მნიშვნელობა, შესაბამისად ხელი შეეწყოს თანასწორობის პრინციპების დასაცავად საჭირო კომპეტენციების განვითარებას.

მდგრადი განვითარების მიზნები:

N 4 მიზანი: ხარისხიანი განათლება.

N 5 მიზანი : გენდერული თანასწორობა.

N10 მიზანი: შემცირებული უთანასწორობა.

N 17 მიზანი: პარტნიორობა მიზნების მისაღწევად;

მოსწავლეებმა საინტერესოდ წარმოადგინეს საკუთარი შეხედულებები და დამოკიდებულებები გენდერული თანასწორობისა და გენდერული სტერეოტიპების შესახებ;

პედაგოგები ქეთევან ედიბერიძე და თეა სამხარაძე.

სკოლა ანაბასისის II ა (ხელმძღვანელი თ.ვეფხვაძე) და II ბ (ხელმძღვანელი ა.კახნიაშვილი) კლასში დღეს შედგა იაკობ გოგებაშვილის კვირეულის დასკვნითი საღამო. ჩატარდა სხვადასხვა აქტივობა. მოსწავლეებმა კიდევ ერთხელ გადაავლეს თვალი იაკობის ბიოგრაფიას, გაიხსენეს და მიმოიხილეს მისი ნაწარმოებები, დახატეს საყვარელი პერსონაჟები და შეაჯამეს პროექტის ფარგლებში მიღებული ცოდნა.