სკოლა ანაბასისისკოლა ანაბასისის ხარისხის განვითარებისა და პროფესიული მხარდაჭერის ჯგუფმა მეხუთე კლასში ჩატარებული გაკვეთილი მოისმინა და განიხილა.
გაკვეთილის თემა – ვულკანები.
გაკვეთილმა დასახულ მიზანს მიაღწია.
გაკვეთილის შემდეგ ხარისხის განვითარებისა და პროფესიული მხარდაჭერის ჯგუფსა და პედაგოგ რუსუდან გურგენაშვილს შორის შედგა შეხვედრა , მასწავლებლმა ჩატარებული გაკვეთილის რეფლექსიის წარდგენის შემდეგ , ხარისხის განვითარების ჯგუფიდან განმავითარებელი უკუკავშირი მიიღო.
ანაბასისში დედამიწის დღე სხვადასხვა აქტივობებით აღნიშნეს!
§ პირველად დედამიწის დღე 1970 წელს აღინიშნა, როცა ცნობილი ამერიკელი გარემოს დამცველი სენატორის, გეილორდ ნელსონის მოწოდებით 20 მილიონი ამერიკელი გამოვიდა დედამიწის დასაცავად.
§ დედამიწის დღე მსოფლიოში ერთ-ერთი ყველაზე მასშტაბური გარემოსდაცვითი ღონისძიებაა, რომლშიც ყოველ წელს მსოფლიოს ორასამდე ქვეყნის ათასობით ორგანიზაცია და მილიონობით მოხალისე მონაწილეობს.
§ საქართველოში დედამიწის დღე პირველად 1990 წელს, საქართველოს მწვანეთა მოძრაობის ინიციატივით აღინიშნა. მას შემდეგ, ყოველწლიურად, ამ ღონისძიებას უერთდება მრავალი ორგანიზაცია და მოხალისე, რომლებიც ახორციელებენ სხვადასხვა ტიპის გარემოსდაცვით საქმიანობას მთელი ქვეყნის მასშტაბით.
§ სკოლა ანაბასისში დედამიწის დღე მრავალფეროვანი ღონისძიებებით აღინიშნა. ( ღონისძიებებს ორგანიზება გაუწია სკოლის დირექტორმა ქეთევან ედიბერიძემ და სკოლის ხარისხის განვითარების მენეჯერმა თეა სამხარაძემ)
§ პირველკლასელებმა (კლასის ხელმძღვანელი ლოლიტა ნებიერიძე წარმოადგინეს ლამაზი , კოსტუმირებული, შთამბეჭდავი პერფორმანსი ,,დედამიწა საფრთხეშია“ გაბრიელა დვალის მიერ შესრულებულმა მაიკლ ჯექსონის სიმღერამ ,,დედამიწა“ ემოციურად დამუხტა
მსმენელები.
§ ჩატარდა ესეების კონკურსი ,, ადამიანი და ბუნება“ ( ბიოლოგიის მასწავლებელი თამარ მალაღურაძე და ქართულის მასწავლებლები ნატო სამხარაძე,მარეხი ფორჩხიძე) გამოვლინდა გამარჯვებული მოსწავლეები: მეშვიდე კლასელები ელენე მელაძე , ქეთი ცერცვაძე, ანასტასია ჯაფარიძე, ,ნია ცერცვაძე, მიხეილ სხილაძე,ანასტასია ჯუღელი.
,,დედამიწა ჩვენი სახლია, ჩვენი, კერიაა, რომელიც დღემდე გვემსახურება, რომელსაც დიდ ზიანს ვაყენებთ, მაგრამ მაინც ჩვენს გვერდით დგას. დაგვიბერდა ჩვენი დედამიწა, თუმცა მაინც წვალებით გვიძლებს და გვივლის“ აღნიშნავს მე -7 კლასის მოსწავლე ქეთი ცერცვაძე.
§ მე-7 , მე-8 კლასებში ჩატარდა ვიქტორინები ეკოლოგიურ საკითხებზე ( პედაგოგები ქეთევან ედიბერიძე , თეა სამხარაძე)
§ მოეწყო კონფერენცია ,, გაუფრთხილდეთ დედამიწას“ (ხელმძღვანელები ქიმიის მასწავლებლები მარინა ხუსკივაძე და ქეთევან ედიბერიძე) , კონფერენციის მოდერატორები იყვნენ მე-9 კლასელი მოსწავლეები თამარ კაპანაძე და ანანო შერგელაშვილი.
მე-10 კლასელი მოსწავლეების: ელენე ჩუბინიძის, დავით ჯინჭარაძის, თემურ გოგიაშვილის მიერ საინტერესო და აქტუალური ეკოლოგიური პრობლემები იქნა განხილული: ოზონის შრე, ოზონის შრე და ცხოველები, დედამიწის დაბინძურების ხარისხი და მოსალოდნელი საფრთხეები. ეკოლოგიურად უსაფრთხო ბიოპლასტმასების წარმოება რძისაგან გააცნო თანატოლებს ათასწლეულის ინოვაციური კონკურსის ნახევარფინალისტმა გუნდმა ,,ანაბასისმა“ (წევრები :ხატია ჩიბურდანიძე, ქეთათო ნებიერიძე, მარიამ გოგიაშვილი, გიორგი ლილუაშვილმა, ნიკოლოზ ბოგვერაძე) და რძიდან თავიანთი დამზადებული ნივთები- ღილები, მძივები, სათამაშოები წარმოადგინეს.
§ ჩატარდა ინტელექტუალური თამაში ,,რა , სად, როდის?“ თემაზე ,,დედამიწა ჩვენი სახლია“ ( ტექნიკური ოპერატორი გიორგი ფერაძე), მასში მონაწილეობა მე-9 და მე-10 კლასის მოსწავლეთა მიერ დაკომპლექტებულმა ოთხმა გუნდმა მიიღო. მოსწავლეებს საშუალება მიეცათ თავიანთი ინტელექტუალური შესაძლებლობები 5 კატეგორიაში მოესინჯათ:
§ 1. ცოცხალი ბარომეტრები;
§ 2. ჩვენ და ეკოლოგია;
§ 3. ბრძნული გამონათქვამები ბუნებაზე;
§ 4. წითელი წიგნი;
§ 5. სხვადასხვა ;
თამაში საინტერესოდ და აქტიურად წარიმართა, შეკითხვები განკუთვნილი იყო დარბაზისთვისაც, რამაც ჩართულობის ხარისხი კიდევ უფრო გაზარდა.
§ მე-4 კლასის მოსწავლეების მიერ (კლასის ხელმძღვანელები მარინა ჭულუხაძე და თამარ ვეფხვაძე, ხელოვნების პედაგოგი ნანა გიორგაძე) სკოლის ეზოში ბუნების დაცვის თემატიკაზე შესრულებული ნამუშევრების გამოფენა მოეწყო.
§ ანაბასისელებმა დედამიწის დღეს ეზოში მუსიკის ფონზე მხიარული სანახაობა მოაწყვეს და სიმბოლურად დარგეს მცენარეები სკოლის ეზოში.
წიგნის საერთაშორისო დღე სკოლა ანაბასისის მეორე კლასის მოსწავლეებმა (ხელმძღვანელი ლანა ჩუბინიძე) ბიბლიოთეკაში სტუმრობით აღნიშნეს. მათ დაათვალიერეს წიგნადი ფონდი, სადაც სხვადასხვა თემატიკის ,შინაარსის და გამოცემის წიგნებია თავმოყრილი. ბიბლიოთეკის გამგემ თამარ გვალიამ პატარებს გააცნო ახლად გამოცემული სამტომეული “ქართული მარტო ენაა?!”, “სხვა საქართველო სად არის?”, “მოდიოდა ნინო მთებით”. მოსწავლეებმა ისაუბრეს თავიანთ საყვარელ წიგნებზე. ღონისძიებაზე ჟღერდა წიგნების შინაარსის შესაბამისი ქართული მელოდიები.
სკოლა ანაბასისის ხარისხის განვითარებისა და პროფესიული მხარდაჭერის ჯგუფმა II ბ კლასში ჩატარებული ქართულის ენისა და ლიტერატურის გაკვეთილი მოისმინა და განიხილა.
გაკვეთილის თემა – ჩიტბატონა.
გაკვეთილმა დასახულ მიზანს მიაღწია.
გაკვეთილის შემდეგ ხარისხის განვითარებისა და პროფესიული მხარდაჭერის ჯგუფსა და პედაგოგ შორენა მუმლაძეს შორის შედგა შეხვედრა , მასწავლებლმა ჩატარებული გაკვეთილის რეფლექსიის წარდგენის შემდეგ , ხარისხის განვითარების ჯგუფიდან განმავითარებელი უკუკავშირი მიიღო.
ათასწლეულის ინოვაციის კონკურსის ექსპერტთა დამოუკიდებელმა კომისიამ , შეფასების კრიტერიუმების მიხედვით სკოლა ანაბასისის მოსწავლეთა გუნდს ნახევარფინალში მონაწილეობის შესაძლებლობა მისცა.
20 აპრილს გუნდის წევრები განხორციელებული პროექტის პრეზენტაციით კოვიდ სიტუაციიდან გამომდინარე ჟიურის წინაშე ონლაინ წარსდგნენ.
გუნდის მიერ განხორციელებული პროექტის ,,რძე, ღილები და სამკაულები” მიზანი იყო ბიოპლასტმასის , გალალიტის დამზადება რძისაგან, რომელსაც ყოველდღიურ საქმიანობაში გამოვიყენებთ. მოსწავლეებმა შეძლეს დაემზადებინათ რძისაგან ყელსაბამი, ღილები, სათამაშოები. ბიოპლასტმასებმა შეიძლება ჩაანაცვლოს პლასტმასებისაგან დამზადებული საგნები, რომლებიც იწვევენ ალერგიას, ძალიან დიდხანს რჩებიან გარემოში და არ იშლებიან.
გალალიტის წარმოება გავრცელებული იყო ევროპაში გასული საუკუნის დასაწყისში, შემდეგში კი დავიწყებას მიეცა. გუნდს მიაჩნია, რომ გალალიტის წარმოებას საქართველოში მომავალი აქვს. რადგან რძე განახლებადი რესურსია, შედარებით იაფია (შეიძლება ისეთი რძის გამოყენებაც, რომელიც საკვებად უვარგისია , ამჟავებულია)მისგან მიღებული ბიოპოლიმერი ეკოლოგიურად უსაფრთხოა. მისი წარმოება ქვეყნის ეკონომიკასაც წაადგება და დამატებით სამუშაო ადგილებსაც გააჩენს.
ხელმძღვანელი ქიმიის პედაგოგი ქეთევან ედიბერიძე.
წარმატებები გუნდს!
14 აპრილი საქართველოში დედაენის დღედაა გამოცხადებული.
სკოლა ანაბასისის IV ბ კლასის მოსწავლეებმა მოამზადეს და წარმოადგინეს პროექტი “ენა ბურჯია ერისა”.
მოსწავლეებმა ისაუბრეს დედაენის მნიშვნელობის შესახებ. მათ აღნიშნეს,რომ დედაენის გარეშე გაზრდილი ადამიანი შორდება საკუთარ ფესვებს, კულტურასა და ტრადიციას, რომ ქართული ენა არის განძი, რომლის დაცვა ყველა ქართველის ვალია.
პედაგოგი თამარ ვეფხვაძე.
სკოლა ანაბასისის III ა კლასში ჩატარდა დედაენის დღისადმი მიძღვნილი ღონისძიება ” ქართული ენა ეს ღმერთების ენაა”,სადაც მოსწავლეებმა საინტერესოდ წარმოადგინეს თავიანთი შეხედულებები დედაენის დაცვის და გაფრთხილების აუცილებლობაზე, წაიკითხეს ლექსები და ბრძნული გამონათქვამები.
პედაგოგი თეა გურაბანიძე.
“სამი ღვთაებრივი საუნჯე დაგვრჩა ჩვენ მამა-პაპათაგან: მამული, ენა, სარწმუნოება. თუ ამათ არ ვუპატრონეთ, რა კაცები ვიქნებით, რა პასუხს გავსცემთ შთამომავლობას? …..სხვისა არ ვიცით და ჩვენ კი მშობელ მამასაც არ დავუთმობდით ჩვენ მშობლიურ ენის მიწასთან გასწორებას…. ენა საღმრთო რამ არის, საზოგადო საკუთრებაა, მაგას კაცი ცოდვილის ხელით არ უნდა შეეხოს…”
წმ. ილია მართალი (ჭავჭავაძე)
14 აპრილს საქართველოში დედაენის დღე აღინიშნება. ეს დღე 1978 წლის მოვლენების აღსანიშნავად 1990 წლიდან დაწესდა.
სკოლა ანაბასისის IX კლასში ქართული ენის დღესთან დაკავშირებით ჩატარდა ღია გაკვეთილი ქართულ ენასა და ლიტერატურაში თემაზე „ლირიული ინტერმეცო“, სადაც მოსწავლეებმა და მასწავლებელმა ინტერაქტიული მეთოდით განიხილეს რომანი „მთვარის მოტაცება“,ახსნეს სიმბოლოები და ისაუბრეს მეოცე საუკუნეზე-უჟამობის ხანაზე და ახალ ადამიანზე.
გაკვეთილის დასასრულს გაიხსენეს უმაღლეს პრეგისტალზე აყვანილი იოანე ზოსიმეს „ქებაი და დიდებაი ქართულისა ენისაი“ და იმსჯელეს ქართული ენის დაცვის აუცილებლობაზე.
პედაგოგი მარეხ ფორჩხიძე
სკოლა ანაბასისის ხარისხის განვითარებისა და პროფესიული მხარდაჭერის ჯგუფმა მეექვსე ბ კლასში ჩატარებული ბუნების გაკვეთილი მოისმინა და განიხილა.
გაკვეთილის თემა იყო “მთები და ვაკეები”,მოსწავლეებმა შეძლეს საკითხის ნათლად გააზრება და შესაბამისი პროდუქტის შექმნა.
გაკვეთილის შემდეგ ხარისხის განვითარებისა და პროფესიული მხარდაჭერის ჯგუფსა და უფროს პედაგოგ რუსუდან გურგენაშვილს შორის შედგა შეხვედრა , მასწავლებლმა ჩატარებული გაკვეთილის რეფლექსიის წარდგენის შემდეგ , ხარისხის განვითარების ჯგუფიდან განმავითარებელი უკუკავშირი მიიღო.
სამოქალაქო განათლების პედაგოგთა წლიური გამოფენა-კონფერენცია-11.04.2021წ
სასიამოვნო ემოციებით დატვირთული, ამაღელვებელი და საინტერესო დღე ჩემს ცხოვრებაში დაუვიწყარი მოვლენებით – ძალზე საპასუხისმგებლო ჯილდოს -იმერეთის რეგიონის სამოქალაქო განათლების წლის საუკეთესო პედაგოგის წოდების მოპოვება.
უდიდეს სიხარულთან ერთად გრძნობ უდიდეს პასუხისმგებლობას ,როდესაც შენი სახელი და გვარი ცხადდება ღირსეული და წარმატებული პედაგოგების გვერდით.
მადლობელი ვარ ყველა იმ ადამიანის ვინც ჩემი სიხარული გაიზიარა.
ქვედა საზანოს N 1 საჯარო სკოლის სამოქალაქო კლუბი “მომავლის აქტიური თაობა” წევრებთან და ყველა ჩემს მოსწავლესთან ერთად უდიდესი მადლობა პროგრამა “მომავლის თაობას”, რომელსაც ახორციელებს ორგანიზაცია PH International, სამოქალაქო განათლების პედაგოგთა ფორუმთან პარტნიორობით, აშშ საერთაშორისო განვითარების სააგენტოს (USAID),რომელიც პროგრამის ფინანსურ მხარდაჭერას უზრუნველყოფს, საქართველოს განათლებისა და მეცნიერების სამინისტროს,ქუთაისის განათლების განვითარებისა და დასაქმების ცენტრს.
პროგრამა “მომავლის თაობის” დახმარებით მოვახდინე საკუთარი ცოდნისა და შესაძლებლობების რეალიზება და გავიზარდე, როგორც პიროვნულად,ისე პროფესიული თვალსაზრისით.
მიხარია და მეამაყება, რომ წლებია ერთად მოვდივართ!
მქონდა ბედნიერება თქვენთან მეთანამშრომლა ორი სკოლიდან და თქვენი პროექტებით და გრანტებით ორივე სკოლაში მიეღო სასკოლო საზოგადოებას სარგებელი.
ქედს ვიხრი თქვენს წინაშე მადლიერების და სიყვარულის ნიშნად!
ვისურვებდი მსგავსი სახის პროგრამების მომავალში გაგრძელებას და მათთან წარმატებულ თანამშრომლობას ჩვენი მომავალი თაობის აღზრდისა და დემოკრატიული ღირებულებების მატარებელ აქტიურ მოქალაქეებად ჩამოყალიბებისათვის.
მიხარია და მეამაყება თქვენი გუნდი წევრი რომ ვარ!
მომავლის თაობა / Momavlis Taoba • EDEC
მომავლის თაობა • Momavlis Taoba | EDEC
სამოქალაქო ინიციატივები/”მომავლის თაობა”
სამოქალაქო განათლების პედაგოგთა ფორუმი
#განათლებისმეცნიერებისკულტურისდასპორტისსამინისტრო
სსიპ ზესტაფონის მუნიციპალიტეტის სოფელ ქვედა საზანოს N1 საჯარო სკოლა
