ავტორი: schoolManager

,,ვუთხრათ უარი პოლიეთილენს, გადავარჩინოთ სიცოცხლე”… ეკოკლუბის წევრებმა საზოგადოების ინფორმირებულობის გაზრდის მიზნით ბროშურები დაამზადეს ,,ვუთხრათ უარი პოლიეთილენს გადავარჩინოთ სიცოცხლე”. წამის განმავლობაში მილიონზე მეტი პოლიეთილენის პარკი იყრება, რომელიც ბუნებაში 1000 წელზე მეტხანს რჩება. ეკოკლუბის განმარტებით დაახლოებით მილიარდი ზღვის ფრინველი და ძუძუმწოვარი იღუპება წელიწადში პოლიეთილენის პარკების გადაყლაპვის გამო. ყოველწლიურად ოკეანეებში დაახლოებით 8 მილიონი ტონა პოლიეთილენის პარკი ჩადის, რაც იმას ნიშნავს, რომ ყოველ წუთში ეკოსისტემაში ერთი სატვირთო მანქანით სავსე პოლიეთილენი ხვდება. ანალიტიკოსების პროგნოზით 2030 წლისთვის ეს მოცულობა 2-ჯერ გაიზრდება, 2050 წლისთვის კი 4-ჯერ. შედეგად დაახლოებით 35 წელიწადში ოკეანეებში უფრო მეტი პოლიეთილენის პარკი იქნება, ვიდრე თევზი. პოლიეთილენის წვა საფრთხეს უქმნის ადამიანის ჯანმრთელობას. მისი წვის დროს გამოიყოფა ტოქსინები, მავნე ნივთიერებები, რომელიც აბინძურებს ატმოსფეროს, ეს პროცესი ხელს უწყობს სათბურის ეფექტის შექმნას, რაც თავის მხრივ იწვევს კლიმატის გლობალურ ცვლილებას. ფაქტობრივად, პოლიეთილენი გვევლინება უკვდავი ნაგვის სახით, რომელიც მნიშვნელოვან ზიანს აყენებს ბიომრავალფეროვნებას და ეკოგარემოს შენარჩუნებას აფერხებს. ბროშურაში ასევე, ეკოკლუბელების მიერ დამზადებული ალტერნატიული შესაფუთი მასალის უპირატესობაზეც არის ყურადღება გამახვილებული, რომელიც მარტივად შეიძლება დამზადდეს და გამოყენებულ იქნას პროდუქტის შესაფუთად!

ეკოკლუბ ანაბასისის წევრებმა არაერთი აქტივობა დაგეგმა და განახორციელა ჯანსაღი ცხოვრების წესის შესახებ, თუმცა ამჯერად მე-6 კლასელების მონაწილეობით სემინარის ორგანიზატორები იყვნენ. უმცროსმა მეგობრებმა პრეზენტაციის სახით წარმოადგინეს მავნე ჩვევები. მათ ყურადღება გაამახვილეს ალკოჰოლიზმსა და ნარკოდამოკიდებულებაზე, დამსწრე საზოგადოებას განუმარტეს თუ რა ზიანს აყენებს ადამიანის ჯანმრთელობას ალკოჰოლური და ნარკოტიკული ნივთიერებების მიღება. მე-6 კლასის მოსწავლე, ბარბარე კაპანაძემ ისაუბრა ალკოჰოლიზმის შესახებ, კარგად წარმოაჩინა თუ რა ზეგავლენას ახდენს ალკოჰოლის ყოველდღიური გამოყენება და განმარტა დაავადება ციროზი – ღვიძლის დაზიანება. ასევე ახსნეს თუ რატომ ზიანდება ამ დროს ღვიძლი. ეს მისი ერთ-ერთი ფუნქციიდან – შხამიანი ნივთიერებების დეტოქსიკაციიდან გამომდინარეობს. ასევე განიხილეს ნარკოტიკების ზემოქმედებით გამოწვეული შედეგები, მათ ყურადღება გაამახვილეს თავის ტვინის დაზიანებაზე. ეკოკლუბელებმა მოისმინეს და მათთან ერთად კიდევ უფრო ფართოდ განიხილეს თემა – მავნე ჩვევები.

ანაბასისის მერვე კლასში ბიოლოგიის პედაგოგმა თამარ მალაღურაძემ ჩაატარა ღია სამოდელო გაკვეთილი თემაზე: დაბალანსებული კვება.გაკვეთილის მიზანი: მოსწავლეები შეძლებენ ერთმანეთისგან განასხვავონ საკვები პროდუქტის ენერგეტიკული და კვებითი ღირებულება; განმარტონ დაბალანსებული კვების შინაარსი; შეადარონ სხვადასხვა საკვები პროდუქტის ენერგეტიკული და კვებითი ღირებულებები; სხვადასხვა სფეროში დასაქმებულ ადამიანებს შეუდგინონ საკვები რაციონი. მოსწავლეებმა თავიანთ ნამუშევრებში საინტერესოდ ისაუბრეს დაბალანსებული კვების შესახებ.გაკვეთილზე მონიტორინგს ახორციელებდა სკოლის განვითარების ჯგუფი, რომლის წევრები გაკვეთილის დასრულების შემდეგ შეხვდნენ პედაგოგს და მიაწოდეს უკუკავშირი.

24 მარტს ჯანმრთელობის მსოფლიო ორგანიზაციის ინიციატივით 1982 წლიდან ყოველწლიურად აღინიშნება ტუბერკულოზთან ბრძოლის მსოფლიო დღე.ანაბასისის სამოქალაქო განათლების და ეკოკლუბის წევრებმა ანასტასია ჯუღელის ხელმძღვანელობით ტუბერკულოზთან ბრძოლის საერთაშორისო დღესთან დაკავშირებით საინფორმაციო შეხვედრა გამართეს, განიხილეს საინტერესო ინფორმაცია ტუბერკულოზის ნიშნების და სტატისტიკური მონაცემების შესახებ; პროექტის ფარგლებში მოსწავლეებმა შეძლეს სოციალური დაავადების (ტუბერკულოზი) მქონე ადამიანებისადმი საზოგადოების დანარჩენ წევრთა დამოკიდებულების შესახებ გააზრებული მსჯელობა და განივითარეს სოლიდარობის, თანაგრძნობის, ემპათიის, თანამშრომლობის, პრობლემის გააზრების და მისი მოგვარებისთვის საჭირო უნარ-ჩვევები ;კლუბის მეურვეები ქეთევან ედიბერიძე, თეა სამხრაძე, თამარ მალაღურაძე;

სკოლა ანაბასისის მერვე კლასში ისტორიის პედაგოგმა ნინო როინიშვილმა სკოლა ანაბასისის ხარისხის განვითარების ჯგუფს დასაკვირვებლად წარუდგინა გაკვეთილი თემაზე: საქართველო და გარესამყარო XIV საუკუნეში (გიორგი ბრწყინვალის საგარეო პოლიტიკა).გაკვეთილის მიზანი: მასწავლებლის მიერ მიწოდებული ინფორმაციის საფუძველზე მოსწავლეები გაეცნობიან და იმსჯელებენ საქართველოსა და გარესამყაროს ურთიერთობების შესახებ XIV საუკუნეში. შეძლებენ გააცნობიერონ ქართველი მეფეების (ამ კონკრეტულ სიტუაციაში გიორგი ბრწყინვალის) მიერ გარემომცველი დიდი სახელმწიფოების მიმართ გამოყენებული მოქნილი დიპლომატიის მნიშვნელობა ჩვენი ქვეყნისათვის, იმსჯელებენ იმაზე, თუ რა ხერხებით ცდილობდნენ ისინი დაპირისპირებულ მხარეებს შორის საკუთარი ინტერესების დაცვას. წერილობითი ისტორიული წყაროების გაანალიზებით და ისტორიულ რუკებზე მუშაობით უკეთ გაიაზრებენ შესასწავლ ისტორიულ ეპოქას. მოსწავლეებს განუვითარდებათ კრიტიკული აზროვნების,ფაქტებისა და მოვლენების გააზრების, არგუმენტირებული მსჯელობის, რუკაზე მუშაობისა და პრეზენტაციის უნარები.გაკვეთილი დატვირთული იყო საინტერესო და შემოქმედებითი აქტივობებით. სკოლის ხარისხის განვითარების ჯგუფის წევრები გაკვეთილის დასრულების შემდეგ შეხვდნენ პედაგოგს და მიაწოდეს უკუკავშირი.

სკოლა ანაბასისის მერვე კლასში რუსული ენისა და ლიტერატურის პედაგოგმა მარინე კაპანაძემ ჩაატარა ღია გაკვეთილი თემაზე: დღესასწაულები / მასლენიცა.ბერიკაობა/.გაკვეთილის მიზანი: მოსწავლეები შეძლებენ სხვადასხვა ქვეყნის სოციოკულტურულ კონტექსტებსა და კულტურებს შორის არსებული მსგავსებების და განსხვავების აღმოჩენას (მაგალითად, თავისებურ ტრადიციებს, ზნე-ჩვეულებებს, განსხვავებულ ქცევის წესებს, ცხოვრების სტილს, სამყაროსეულ ხედვას);სოციოკულტურულ თავისებურებათა გაგება-გააზრებას, რაც ხელს შეუწყობს და გაამდიდრებსმათ ცოდნა- გამოცდილებას, დაეხმარებათ მათ კულტურული თვითმყოფადობის მნიშვნელობისგაგებასა და საკუთარი ენისა და კულტურის უკეთ გაცნობაში.გაკვეთილზე მოსწავლეებმა წარადგინეს თავისი პრეზენტაციები, სადაც გამოკვეთილი ჰქონდათ თემა/მიზა-ნი; ისაუბრეს დღესასწაულზე, თუ რომელი ქვეყნის დღესასწაულია, როდის აღნიშნავენ და როგორ;მოსწავლეებმა საინტერესოდ და ინოვაციურად გამოკვეთეს თითოეული დესასწაულის მთავარი ატრიბუტი (ЧУЧЕЛО,БЕРИКИ) და რიტუალები;აღნიშნეს რა მზგავსება/განსხვავებებია მათ შორის;ისაუბრეს თავის დამოკიდებულებაზე დღესასწაულისადმი: რა მოსწონთ და რა არ მოსწონთ, ყველაზე მეტად რომელი აქტივობა მოეწონათ და რა ემოციებს იწვევს მათში ეს დღესასწაული;მოსწავლეები საუბრისას იცავდენ ინტონაციას, სათანადო გამოთქმას და მახვილებს.გაკვეთილზე დაკვირვებას ახორციელებდა სკოლის ხარისხის განვითარების ჯგუფი, რომლის წევრები გაკვეთილის შემდეგ შეხვდნენ პედაგოგს და მიაწოდეს უკუკავშირი.გაკვეთილი საინტერესო და შემოქმედებით ვითარებაში წარიმართა.

სკოლა ანაბასისის ეკოკლუბის და სამოქალაქო განათლების კლუბის წევრთა ინიციატივით , სკოლის დირექციის და მთელი სასკოლო საზოგადოების მხარდაჭერით, მშობლების გვერდით დგომით და დახმარებით უკრაინელი თანატოლებისა და მათი ოჯახებისთვის წამოწყებულ საქველმოქმედო ჰუმანიტარულ აქციას ანაბასისელებიც შეუერთდნენ.სკოლაში შეგროვებული ჰუმანიტარული დახმარება ანაბასისელებმა გამგეობაში არსებულ ცენტრში მიიტანეს, შეგროვებული თანხით კი სურსათ-სანოვაგე და ტკბილეულობა თავად მოსწავლეებმა შეარჩიეს თანატოლებისთვის პირველადი მოხმარების ნივთებთან ერთად, უკრაინაში გასაგზავნად თავად გაამზადეს ყუთები, რომელშიც თანატოლთა გასამხნევებლად სითბოთი და სიყვარულით სავსე წერილებიც ჩადეს და საქართველოს ფოსტის დახმარებით პირდაპირ უკრაინაში გაგზავნეს.უღრმესი მადლობა თითოეულ მოსწავლეს და მათ მშობლებს გაწეული დახმარებისთვის!#სიკეთეგადაგვარჩენს!#სიკეთეგადამდებია!#დიდებასაქართველოს!#დიდებადასოლიდარობაუკრაინელხალხს!#არაომსდაძალადობას!#მშვიდობაუკრაინას#არაომს#WeStandWithUkraine#СлаваУкраїні

ანაბასისის მე-6 ბ კლასის მისწავლე ელენე შალამბერიძე გარემოს დაცვის არაერთ ღონისძიებაშია ჩართული. 3 მარტი მისთვის კიდევ ერთი წარმატების დღეა! იგი #21stdigiskillz გლობალური ბრენდის ამბასადორად (GBA) შერჩიეს! 21-ე DIGI Skillz-ის კომისიამ მიანიჭა ერთ-ერთი ყველაზე ახალგაზრდა გლობალური ბრენდის Ambassador-ის წოდება, გამორჩეული გარემოსდაცვით ღონისძიებებისათვის ჯილდო 2022, მადლობისა და მონაწილეობის სერთიფიკატი, გლობალური საზოგადოების წევრობის სერთიფიკატი . მას მადლობის წერილით მიმართეს სადაც ნათქვამია: ,,გმადლობთ, რომ გაგვიზიარეთ თქვენი ცოდნა და მაქსიმალური წვლილი შეგაქვთ ჩვენი მისიის, UNSDG-ების, განსაკუთრებით SDG4-ის ხელშეწყობაში. გაიცანით ჩვენი ყველაზე ახალგაზრდა ბრენდის ელჩი #ელენე შალამბრიძე #12 წლის საქართველოდან. მან დაიწყო კამპანია მდგრადი განვითარების N13 მიზნის შესრულებისათვის , განახორციელა პროექტი თავის რეგიონში დაბინძურების შესახებ. სურს ხელი შეუწყოს მდგრადი განვითარების მიზნების განხორციელებას, მისთვის მნიშვნელოვანია მდგრადი განვითარების N4 მიზანი!”წარმატებები ელენეს მდგრადი განვითარების მიზნების განხორციელებაში! მდგრადი განვითარების N 4 მიზანი- ხარისხიანი განათლება; მდგრადი განვითარების N13 მიზანი კლიმატის მდგრადობის მიღწევა! https://www.facebook.com/groups/21stdigiskillzcommunity/permalink/2737600579879697/21ST DIGI Skillz GroupCongratulations!!! for being selected as the #21stdigiskillz Global brand ambassador (GBA). #CatchThemYoungThe commission of the 21ST DIGI Skillz has this day conferred to you as the one of the youngest Global brand Ambassador, the outstanding Environmentalist awards 2022, Certificate of appreciation and participation, Global community membership certificate and letter of appoint during our virtual interactive session, sharing is caring held on 3rd March 2022. Thank you for having shared your valuable knowledge and for your maximum contribution in promoting our mission, UNSDGs especially SDG4. Meet our Youngest Brand Ambassador #EleneShalambridze#12yearsold from Georgia. she has started the campaign on #SDG13 she has conducted many projects in her region on pollution. She wants to promote SDGs, especially SDG4! This is a clarion call… join us on this movement! Let’s show her some love! Together we can achieve more!!! #UNSDG2030#21stdigiskillzeminentspeakers#21stdigiskillzthrivingthursday#21stdigiskillzcommunitymembers#21stdigiskillz#globalbrandambassador#21stdigiskillzsharingiscaring

ანაბასისის მე-4 ა კლასში კომპლექსური დავალების ,,ხერხემლიანთა სამეფო”ერთ-ერთი ეტაპი განხორციელდა ბუნებისმეტყველებაში.პედაგოგი თეა გურაბანიძე. მოსწავლეებმა თავიანთი ნაშრომები კარგად და დამაჯერებლად წარმოადგინეს . პრეზენტაციებში ყურადღება გაამახვილეს შესწავლის ობიექტად შერჩეული ორგანიზმების სასიცოცხლო გარემოზე, მათ ზრდა , განვითარებაზე. თავიანთი ხედვა ნახატებშიც დააფიქსირეს. შეძენილი ცოდნის სიღრმე მასწავლებლის მიერ შეთავაზებული ინტერაქტიული ცხრილით წარმოჩინდა. წარმატებები მოსწავლეებს , პედაგოგთან ერთად!

25 თებერვალი საქართველოს ისტორიაში ერთ-ერთი ყველაზე მძიმე დღეა. სწორედ 25 თებერვალს აიღო თბილისი რუსეთის მე-11 წითელმა არმიამ და დაასამარა ქართველთა ოცნება თავისუფლებაზე.საქართველოს ტერიტორიების უმნიშვნელოვანესი ნაწილები კვლავ ოკუპირებულია. დღევანდელი დღე კიდევ ერთი ისტორიული დასტურია იმისა, რომ ეროვნული თავისუფლებისათვის ბრძოლა და მოქალაქეობრივი თვითშეგნების ამაღლება საქართველოსათვის გადამწყვეტ მნიშვნელობას ატარებს. ანაბასისის სამოქალაქო განათლების კლუბის და ეკოკლუბის წევრებმა დღეს საქართველოს თავისუფლებისათვის მებრძოლ გმირთა ხსოვნას მიაგეს პატივი და სოლიდარობა გამოხატეს უკრაინელი ხალხის მიმართ!დიდება საქართველოს! დიდება და სოლიდარობა უკრაინას!მშვიდობა მსოფლიოს!