სკოლა ანაბასისიჭადრაკის პედაგოგის ვიოლეტა შეყილაძის და ბიბლიოთეკის გამგის თამარ გვალიას ინიციატივით მეორე კლასის მოსწავლეები დიდი ინტერესით გაეცნენ ბიბლიოთეკაში დაცულ საჭადრაკო ლიტერატურას, რომელიც მოგვითხრობს ჩვენი სახელოვანი მოჭადრაკეების ნონა გაფრინდაშვილის და მაია ჩიბურდანიძის საჭადრაკო მიღწევებს.
მოსწავლეებმა მეტად საინტერესო ინფორმაცია მიიღეს ჭადრაკის წარმოშობის და თამაშის წესების შესახებ.
კომპლექსური დავალების საბოლოო პროდუქტის წარდგენა სკოლის ხარისხის განვითარების ჯგუფის წინაშე ქიმიაში.
პედაგოგი ქეთევან ედიბერიძე.
ანაბასისის 2ა კლასში დავიწყეთ კომპლექსურები ბუნებისმეტყველებაში.
თემა: ცოცხალი სამყარო.
მცენარეთა ზრდა განვითარება.
საექსპერიმენტოდ შევქმენით მინი ლაბორატორია, სადაც დავთესეთ სხვადასხვა მცენარის თესლი. ნაწილი დავაბინავეთ მზიან ადგილზე. ნაწილი კი- ბნელ ადგილზე დავდგით. წარმოუდგენელი ინტერესი გამოიწვია მოსწავლეებში.
სკოლა ანაბასისის სამოქალაქო განათლების კლუბის წევრები აქტიურად ჩაერთვნენ ტოლერენტობის საერთაშორისო დღესთან დაკავშირებით საქართველოს დემოკრატიული ინიციატივის (GDI) მიერ გამოცხადებულ კონკურსში, რომლის მიზანია მოსწავლეებს შორის ადამიანის უფლებების და ტოლერანტობის მნიშვნელობის კუთხით სამოქალაქო ცნობიერების ამაღლება და მათ პასუხისმგებლიან მოქალაქეებად ჩამოყალიბების ხელშეწყობა.
ანაბასისის სამოქალაქო განათლების კლუბის წევრებმა ტოლერანტობის საერთაშორისო დღესთან დაკავშირებით ონლაინ პრეზენტაცია გამართეს, სადაც ისაუბრეს ტოლერანტობის მნიშვნელობასა და აუცილებლობაზე, მოეწყო ვიდეო ფილმების “მრავალფეროვანი გარემო”, “თანასწორობა და დისკრიმინაცია” ჩვენება/განხილვა.
კლუბის წევრებმა ჩაატარეს გამოკითხვა დაწყებითი საფეხურის მოსწავლეებში, თუ რას ფიქრობდნენ პატარები ტოლერანტობაზე, შემდეგ კი მათთვის გასაგებ ენაზე აუხსნეს მათ ტოლერანტობის მნიშვნელობა. მადლობას ვუხდით დაწყებითი საფეხურის მოსწავლეებსა და მასწავლებლებს კონკურსში აქტიური ჩართულობისთვის.
საბაზო საფეხურისმოსწავლეებთან საინტერესოდ წარიმართა ესეების და ნახატების კონკურსი თემაზე „ყველა განსხვავებულია,ყველა თანასწორია“, სადაც მოსწავლეებმა მხატვრულად გამოხატეს თავიანთი დამოკიდებულებები ტოლერანტობასთან დაკავშირებით. მოსწავლეებთან ერთად მადლობას ვუხდით ქართულის პედაგოგ მარეხი ფორჩხიძეს და ხელოვნების პედაგოგ ნანა გიორგაძეს კონკურსში აქტიური თანამშრომლობისთვის.
ტოლერანტობის თემაზე დამზადდა საინფორმაციო გაზეთი და ფლაიერები, საზოგადოების ინფორმირებულობის გაზრდის მიზნით.
კლუბის წევრების მიერ ტოლერანტობის თემაზე დამზადებული კედლის გაზეთი „ტოლერანტობა – თავისუფლება მრავალფეროვნებაში“ საპრეზენტაციო დაფაზე განთავსდა , ხოლო ფლაიერები ქუჩაში ჩატარებული გამოკითხის შემდეგ დაურიგდა რესპოდენტებს. გამოიკითხა სხვადასხვა პროფესიის ათობით რესპოდენტი, საინტერესო იყო მათი დამოკიდებულებების მოსმენა ტოლერატობასთან დაკავშირებით.
კონკურსში აქტიურად მონაწილე მოსწავლეებთან ერთად სკოლის დირექციამ მადლობის სიგელებით დააჯილდოვა პედაგოგები: კლუბის მეურვე თეა სამხარაძე, ქართულის პედაგოგი მარეხი ფორჩხიძე, ხელოვნების პედაგოგი ნანა გიორგაძე.
ტოლერანტობა ,,მსოფლიოს კულტურათა მდიდარი მრავალფეროვნების, თვითგამოხატვის ფორმებისა და ადამიანის ინდივიდუალობის გამოვლინების შესაძლებლობათა პატივისცემა, მიღება და მართებული გაგებაა.
მას ხელს უწყობს ცოდნა, ღიაობა, ურთიერთობა და აზრის, სინდისისა და შეხედულებათა თავისუფლება.
ტოლერანტობა – ესაა თავისუფლება მრავალფეროვნებაში.
ეს არის არამარტო მორალური ვალი, არამედ პოლიტიკური და სამართლებრივი მოთხოვნილებაც.
ტოლერანტობა – სათნოებაა, რომელიც შესაძლებელს ხდის მშვიდობას და ომის კულტურის მშვიდობის კულტურით შეცვლას ეხმარება.”
ანაბასისის ნორჩ მკითხველთა კლუბი თავის საქმიანობას აქტიურად განაგრძობს:
13.10.2021- მკითხველთა კლუბმა განიხილა ნოდარ დუმბაძის მოთხრობები: ,,ძᲐღლი”, ,,ხაზარულა”. 20.10.2021-მკითხველთა კლუბმა განიხილა ვაჟა-ფშაველას მოთხრობები: ,,ია”, ,,მთის წყარო”, ,,ხმელი წიფელი”. 27.10.2021-მკითხველთა კლუბმა განიხილა რევაზ ინანიშვილის მოთხრობა-,,კეთილი ბებერი ბუები”. 10.11.2021- კლუბმა განიხილა ნოდარ დუმბაძის მოთხრობა ,,უმადური”.
კლუბის ხელმძღვანელი ქეთი ყიფიანი. ქეთი ყიფიანი
16 ნოემბერი ტოლერანტობის საერთაშორისო დღეა!
საქართველოს დემოკრატიული ინიციატივა (GDI) აცხადებს კონკურსს სამოქალაქო განათლების მასწავლებლებს შორის საუკეთესო ღონისძიების ავტორის გამოსავლენად.
კონკურსის მიზანია მოსწავლეებს შორის ადამიანის უფლებების და ტოლერანტობის მნიშვნელობის კუთხით სამოქალაქო ცნობიერების ამაღლება და მათ პასუხისმგებლიან მოქალაქეებად ჩამოყალიბების ხელშეწყობა.
ანაბასისის სამოქალაქო განათლების კლუბის წევრებმა ტოლერანტობის საერთაშორისო დღესთან დაკავშირებით ონლაინ პრეზენტაცია გამართეს, სადაც ისაუბრეს ტოლერანტობის მნიშვნელობასა და აუცილებლობაზე, მოეწყო ვიდეო ფილმების “მრავალფეროვანი გარემო”, “თანასწორობა და დისკრიმინაცია” ჩვენება/განხილვა.
შეხვედრაზე მოსწავლეებმა ხაზგასმით აღნიშნეს, რომ ტოლერანტობა გულისხმობს განსხვავებული მსოფლაღქმის, ცხოვრების წესების, ქცევისა და ჩვეულებების ატანას.
მათ ასევე ისაუბრეს იმის შესახებ,რომ ტოლერანტობა არ ნიშნავს გულგრილობას ან განურჩევლობას, არც განსხვავებული მსოფლმხედველობის ან ცხოვრების წესის იძულებით მიღებას. ის ნიშნავს სხვებისთვის უფლების მიცემას, იცხოვრონ თავიანთი ინდივიდუალური მსოფლმხედველობის შესაბამისად. ის მოიცავს ადამიანის თავისუფალი არჩევანის, ზოგადი უფლების პატივისცემას და არა რომელიმე კონკრეტული არჩევანის პატივისცემას, სხვისი აზრების ქცევისა და შეხედულებების შეწყნარებას.
მოსწავლეებმა აღნიშნეს,რომ ტოლერანტობა გამორიცხავს ძალადობასა და აგრესიის ყოველგვარ გამოვლინებას. ადამიანის შესაძლებლობაა აღიაროს, პატივი სცეს ან გაითვალისწინოს სხვა ადამიანის რწმენა, ქცევა, ღირებულებები. მიიღოს ადამიანი ისეთი როგორიც არის, მთავარია ადამიანური ღირებულებები და არა მისი წარმომავლობა ან თუნდაც სოციალური მდგომარეობა.
1995 წელს, პარიზში ხელმოწერილ იქნა ტოლერანტობის პრინციპების დეკლარაცია, მის თანახმად ტოლერანტობა – ,,მსოფლიოს კულტურათა მდიდარი მრავალფეროვნების, თვითგამოხატვის ფორმებისა და ადამიანის ინდივიდუალობის გამოვლინების შესაძლებლობათა პატივისცემა, მიღება და მართებული გაგებაა. მას ხელს უწყობს ცოდნა, ღიაობა, ურთიერთობა და აზრის, სინდისისა და შეხედულებათა თავისუფლება.
ტოლერანტობა – ესაა თავისუფლება მრავალფეროვნებაში. ეს არის არამარტო მორალური ვალი, არამედ პოლიტიკური და სამართლებრივი მოთხოვნილებაც.
ტოლერანტობა – სათნოებაა, რომელიც შესაძლებელს ხდის მშვიდობას და ომის კულტურის მშვიდობის კულტურით შეცვლას ეხმარება.”
კლუბის მეურვე თეა სამხარაძე.
სკოლა ანაბასისში ფუნქციონირება დაიწყო წიგნის მკითხველთა კლუბმა. ხელმძღვანელი ქეთი ყიფიანი.
წიგნის მკითხველთა კლუბის წესდება
მუხლი 1. დებულებით რეგულირებული ურთიერთობები
წინამდებარე დებულება განსაზღვრავს წიგნის მკითხველთა კლუბის ძირითად პრინციპებს, საქმიანობის მიმართულებებს, კლუბის ხელმძღვანელის, წევრის უფლება-მოვალეობებს.
მუხლი2. მკითხველთა კლუბის მიზნები და ამოცანები
მკითხველთა კლუბის მთავარი მიზნებია:
1. მოსწავლეებში წიგნიერების დონის ამაღლება.
2. მშობლიურ და მსოფლიო ლიტერატურასთან ზიარება.
3. კითხვისა და კრიტიკული აზროვნების, განსჯისა და წვდომის უნარ-ჩვევის გამომუშავება.
4. მოსწავლეთა აქტიურ მკითხველად ჩამოყალიბება
5. აზრის გამოხატვის უნარ-ჩვევების, მოსმენის კულტურის,სოციალური კომუნიკაციის უნარების განვითარება.
6. ინფორმაციისა და საკუთარი აზრის წერილობითი გადმოცემის უნარის განვითარება.
7. ინდივიდუალური შემოქმედებითი უნარის გამოვლენა- განვითარება.
მუხლი 3. მკითხველთა კლუბის ფუნქციები:
1. მოსწავლეთა მიერ ნაირგვარი წერილობითი ტექსტის წაკითხვა. მათში მოცემული ინფორმაციის გაგება ,გააზრება და გამოყენება.
2. სხვადასხვა აქტივობის დაგაგმვა-განხორცელება, შეხვედრების, წაკითხული ლიტერატურის განხილვების ორგანიზება.
3. ლიტერატურის სწავლისა და მასთან დაკავშირებულ პროექტებში მონაწილეობის წახალისება.
მუხლი 4. მკითხველთა კლუბის წევრობა
1. მკითხველთა კლუბის წევრი შეიძლება გახდეს მოსწავლე, რომელიც გამოთქვამს გაწევრიანების სურვილს.
2. წევრობა არის ნებაყოფლობითი და მკითხველთა კლუბის წევრი იმავდროულად შეიძლება იყოს სხვა კლუბის წევრიც.
მკითხველთა კლუბის წევრს უფლება აქვს:
• მონაწილეობდეს მკითველთა კლუბის მიერ ორგანიზებულ ღონისძიებებში
• ისარგებლოს მკითხველთა კლუბის ყველა რესურსით.
მკითხველთა კლუბის ხელმძღვანელობა
• მკითხველთა კლუბს ხელმძღვანელობს ქართული ენისა და ლიტერატურის პედაგოგი,რომელიც გამოხატავს ინიციატივას, მზადყოფნას საკლუბო მუშაობის წარმართვისა და წარმოადგენს განაცხადსა და სამოქმედო გეგმას.
• ხელმძღვანელი მიმართულებას აძლევს და წარმართავს საკლუბო მუშაობას.
• ზრუნავს მკითხველთა კლუბის საქმიანობისა და ეფექტური მუშაობისათვის.
კლუბის სამუშაო პერიოდი
• კლუბის სამუშაო პერიოდი ემთხვევა სასწავლო სემესტრებს
• კლუბი იკრიბება კვირაში ერთხელ, ასევე საჭიროებისამებრ.
• კლუბი მუშაობას იწყებს საგაკვეთილო პროცესის დასრულების შემდეგ,
• საჭიროებისამებრ იკრიბება შაბათ-კვირას.
კლუბის ხელმძღვანელი:ქეთი ყიფიანი
ანაბასისის II კლასში ბუნების პედაგოგის რუსუდან გურგენაშვილის და სკოლის ბიბლიოთეკარის თამარ გვალიას ინიციატივით მოეწყო წიგნის “დედამიწის გარშემო”, ილუსტრირებული ალბომების “თბილისი” და “იმერეთი” ჩვენება-განხილვა.
მოსწავლეები დიდი ინტერესით ჩაერთვნენ აქტივობაში.
კლასის ხელმძღვანელი სალომე კაკაურიძე.
„ისეთი მოკავშირის წყალობით, როგორიცაა სიმართლე, ერთხელაც არ დავმარცხებულვარ“
თქვენი ერთგული იაკობ გოგებაშვილი.
181-ე საიუბილეო კვირეულის აღსანიშნავად, სპს თავაძე და კომპანია სკოლა ანაბასისის დაწყებითის კათედრამ ტრადიციულად განახორციელა პროექტი სახელწოდებით „პატარა ქვეყნის დიდი ბრძენკაცი“.
პროექტის ფარგლებში დაიგეგმა და განხორციელდა მრავალფეროვანი აქტივობები:
I ა კლასი ( პედაგოგი თამარ ვეფხვაძე) იზეიმეს ანბანის შემობრძანება.
I ბ კლასში (პედაგოგი ეკატერინე ჯიმშიაშვილი) იზეიმეს ანბანის შემობრძანება და შემოდგომის მოტივებზე შექმნეს პირველი წინადადება -“ აი ია“-ს აპლიკაცია.
II ა კლასში, (პედაგოგი ლოლიტა ნებიერიძე) პროექტის ფარგლებში- „იაკობმა მისცა ფრთები ქართველს ცაში ასაფრენად“- შეაჯამეს იაკობ გოგებაშვილის ნასწავლი მოთხრობები, შექმნეს დიორამები, კალიგრაფიული აქტივობა სათაურით „ლამაზად წერა ხელოვნებაა“- დაწერეს იაკობის მოთხრობები და შექმნეს ხელთნაკეთი წიგნები, დახატეს იაკობის მოთხრობებიდან პერსონაჟები და სიუჟეტური სურათები. იაკობის შემოქმედებიდან შემოდგომის თემა დაუკავშირეს მის ნაწარმოებებს სახელწოდებით „შემოდგომა და იაკობი“. ღონისძიება გაფორმებული იყო მუსიკალური ნომრებით.
II ბ კლასში (პედაგოგები: სალომე კაკაურიძე, ეკატერინე ჯიმშიაშვილი, ხათუნა წითელაშვილი) პროექტის ფარგლებში „ ხე ნაყოფით იცნობა“, ქართულ- ინგლისურ ენაზე მოსწავლეებმა წარმოადგინეს ინფორმაცია გოგებაშვილის ბიოგრაფიისა და შემოქმედების შესახებ. განახორციელეს აქტივობა – „ ვწერთ სუფთად და ლამაზად“. შემოდგომის მოტივებზე შექმნეს აპლიკაციები, პერსონაჟების ნახატები. მოსწავლეებმა დაამზადეს ინგლისურენოვანი კედლის გაზეთი და ინგლისურად გაითამაშეს „თხა და გიგო“.
III ა კლასმა ( პედაგოგი ლანა ჩუბინიძე) „ იაკობი და ჩვენ“ სახელწოდებით ჩაატარა ღონისძიება, რომლის მიზანი იყო არ დავივიწყოთ დიდი მამულიშვილის ღვაწლი,თავდადება, ერთგულება და სიყვარული მშობლიური ენისა. მოსწავლეებმა პატივი მიაგეს ბრძენკაცს- იაკობს. მას მიუძღვნეს კალიგრაფიული ნამუშევარები, წაიკითხეს ლექსები, შექმნეს „დედაენის“ ხელთნაკეთი წიგნები. ელექტრონული რესურსით გაეცნენ მის ბიოგრაფიას.
III ბ კლასი (პედაგოგი შორენა მუმლაძე) წარსდგა აქტივობით „იაკობი და შემოდგომა“.
IV ა კლასი (პედაგოგი თეა გურაბანიძე) მოსწავლეებმა შექმნეს დიორამა და წაიკითხეს ისტორიული მოთხრობები.
IV ბ კლასი (პედაგოგი თამარ კობახიძე) თემით-„ბრძენკაცის დარიგება“, მოსწავლეები გაეცნენ იაკობის ბიოგრაფიას, მისი შემოქმედებიდან წაიკითხეს ლექსები და მოთხრობები. ყურადღება გაამახვილეს იაკობის შემოქმედებიდან შემოდგომის თემაზე. ბავშვებმა- „ვწერთ ლამაზად და სუფთად“ წარადგინეს ხელთნაწერი მოთხრობები.
პროექტის ფარგლებში შექმნილმა მრავალფეროვანმა და საინტერესო რესურსებმა სასკოლო სივრცე გააფერადეს.
ანაბასისში I ა და I ბ კლასში საზეიმო განწყობა იგრძნობოდა, დღეს პატარებმა ანბანის ჯადოსნურ სამყაროში შეაბიჯეს და სტუმრების წინაშე თავი მოიწონეს აქტიურობით და საღი აზროვნებით. წარმატებებს ვუსურვებთ ჩვენს პატარა ანაბასისელებს თავიანთ აღმზრდელებთან ერთად.
პედაგოგები თამარ ვეფხვაძე და ეკა ჯიმშიაშვილი.
